Prezident: “Ümidvaram ki, koronavirusla mübarizədə qalib gələcəyik”

Prezident: “Ümidvaram ki, koronavirusla mübarizədə qalib gələcəyik”
Tarix: 10-04-2020 | Saat: 22:52
Bölmə:Bütün xəbərlər / M / Karusel / Siyasət / Hadisə / Həftə-Reytinq | çapa göndər

Şirift ölçüsü:

"Hesab edirəm ki, çıxışlarda səslənən bütün təkliflər katiblik tərəfindən qeydə alınsın və ümumiləşdirilib, bütün ölkələrə razılaşdırma üçün təqdim edilsin. Əminəm ki, bu dəyərli təkliflər nəzərə alınacaqdır. Beləliklə, biz əməkdaşlığımızın növbəti mərhələsini uğurla davam etdirərək və koronavirusla mübarizədə birlik göstərərək bu bəlaya qalib gələcəyik".
"Xeberaz.Az" xəbər verir ki, bunu Azərbaycan Prezidenti, Türkdilli Dövlətlərin Əməkdaşlıq Şurasının sədri İlham Əliyev aprelin 10-da Türk Şurasının videokonfrans vasitəsilə keçirilən fövqəladə Zirvə görüşündə yekun çıxışı zamanı deyib.
Dövlət başçısı bildirib: "Əziz qardaşlarımdan soruşmaq istərdim, əlavə hansısa məsələlər, suallar, təkliflər varsa, xahiş edirəm bildirin.
Əgər yoxdursa, onda icazə verin, mən yekun sözümü söyləyim və ondan sonra Bəyannamənin qəbul edilməsi nəzərdə tutulur.
- Hörmətli dostlar.
Bir daha əziz qardaşlarıma bizim təşəbbüsümüzü qəbul etdiklərinə və Zirvə görüşündə iştirak etdiklərinə görə dərin minnətdarlığımı bildirmək istəyirəm. Əminəm ki, bu gün çıxışlarda səslənən dəyərli fikirlər və təkliflər koronavirus xəstəliyinə qarşı bizim birgə mübarizəmizi daha da gücləndirəcəkdir. Eyni zamanda, bu xəstəliyin mənfi təsirlərinin aradan qaldırılması üçün pandemiyadan sonrakı dövrdə iqtisadiyyat, ticarət, nəqliyyat və digər sahələrdə əməkdaşlıq üzrə səylərimizi daha da artırmağımız zəruridir.
Bizim həmrəyliyimiz və birliyimiz nümunəvi xarakter daşıyır. Bu, onu göstərir ki, biz yalnız xoş günlərdə deyil, çətin günlərdə də bir-birimizin yanındayıq. Qlobal pandemiya şəraitində ölkələr və beynəlxalq təşkilatlar arasında həmrəylik və əməkdaşlıq böyük önəm daşıyır. Biz digər beynəlxalq təşkilatlarla əməkdaşlığa hazırıq. Hesab edirəm ki, Zirvə görüşünün Yekun Bəyannaməsi bu əməkdaşlığa əhəmiyyətli töhfədir.
Hörmətli həmkarlar, ümidvaram ki, koronavirusla mübarizədə qalib gələcəyik və bu ağır vəziyyətdən az itkilərlə çıxacağıq. İndi isə gündəlikdə Bəyannamənin qəbul edilməsi durur. Bəyannamənin mətni razılaşdırılıb və beləliklə, Bəyannamə qəbul edildi.
Əziz dostlar, bir daha Zirvə görüşündə fəal iştirakınıza görə təşəkkürümü bildirirəm və Zirvə görüşünü bağlı elan edirəm. Sağ olun".

Xəbəri paylaş

6968 dəfə oxunub.

Digər xəbərlər

6-02-2016, 12:48 Bakı sakini özünü yandırdı

31-01-2022, 15:33 Azərbaycanda bu sahələrdə qapanmalar ola bilər - Fevralın 15-dən - AÇIQLAMA

5-04-2017, 21:25 AYTƏN ƏLİYEVA: " "ORİENTAL WOMEN SHOES"A GƏLƏNLƏR, BİR DƏ GƏLİM DEYƏCƏK".– FOTOSESSİYA

25-01-2016, 15:09 Prezident: "Lenini basdırmaq lazımdır" - Video

11-08-2016, 23:38 Hansı bürclə ailə həyatı qurmaq olar? - Bürcünüzə görə həyat yoldaşınız...

23-10-2018, 14:00 Pensiyalar orta hesabla 140,7 manat artırılıb

6-08-2019, 19:12 Leyla Əliyeva sakinlərlə görüşdü, selfi çəkdirdi - FOTOLAR

23-04-2017, 17:10 Venesuelada aksiyalarla əlaqədar saxlananların sayı 1300 nəfərə çatır

18-05-2018, 10:03 Bakı nefti 81 dolları keçdi