Baş Prokurorluq və DİN Bakıda nəvələrini öldürüb intihar edən qadınla bağlı məlumat yaydı

Baş Prokurorluq və DİN Bakıda nəvələrini öldürüb intihar edən qadınla bağlı məlumat yaydı - YENİLƏNİB + FOTO
Tarix: 29-01-2020 | Saat: 20:26
Bölmə:Bütün xəbərlər / M / Karusel / Gündəm / Hadisə / Araşdırma | çapa göndər

Şirift ölçüsü:

Baş Prokurorluq və Daxili İşlər Nazirliyi (DİN) birgə məlumat yayıblar.
Oxu.Az-a daxil olan məlumata görə, yanvarın 29-da saat 18 radələrində 6 yaşlı Alsu Pikulo və 2 yaşlı Marat Pikulonun üzərində zorakılıq əlamətləri olan meyitlərinin, nənələri 1963-cü il təvəllüdlü Nina Allahverdiyevanın isə asılmış vəziyyətdə meyitinin birgə yaşadıqları paytaxtın Nizami rayonu, Rüstəmov küçəsi, 74 saylı evin 2-ci mərtəbəsində yerləşən 59-cu mənzilində aşkar olunması barədə daxil olmuş məlumat əsasında dərhal prokurorluq, polis və Ədliyyə Nazirliyinin Məhkəmə Ekspertizası Mərkəzinin əməkdaşları tərəfindən məhkəmə-tibbi ekspert briqadasının iştirakı ilə hadisə yerinə və meyitlərə baxış keçirilib.
Faktla bağlı Bakı şəhər prokurorluğunda Cinayət Məcəlləsinin 120.2.7 (iki və ya daha çox şəxsi qəsdən öldürmə) və 120.2.9-cu (təqsirkar şəxs üçün aşkar surətdə köməksiz vəziyyətdə olan adamı qəsdən öldürmə) maddələri ilə cinayət işi başlanılıb. Cinayət işi üzrə prokurorluq və polis əməkdaşlarından ibarət istintaq-əməliyyat qrupu yaradılıb, müvafiq ekspertizalar təyin edilib.
REKLAM

Hadisə yerinə baxış zamanı mənzildə olan əşyaların yerbəyer olmaqla tamlıqlarının pozulmaması və mənzilin giriş qapısının içəri tərəfdən kilidli olması müəyyən edilib, eyni zamanda meyitlərə baxış zamanı boğulmağa xarakterik izlərdən başqa digər xəsarət və ya xəsarət izləri aşkar olunmayıb. İlkin istintaq fərziyyələri ilə Nina Allahverdiyevanın əvvəlcə nəvələrini kəndirlə boğaz nahiyələrindən boğmaqla öldürməsinə, daha sonra isə özünü kəndirlə asaraq intihar etməsinə əsaslı şübhələr yaranıb.
Hazırda cinayət işi üzrə bütün halların tam və hərtərəfli araşdırılması istiqamətində təxirəsalınmaz istintaq-əməliyyat tədbirləri davam etdirilir.
18:36
Bakıda dəhşətli qətl törədilib.
APA-nın xəbərinə görə, Nizami rayonu, Rüstəmov 74 ünvanında qadın iki azyaşlı nəvəsini öldürəndən sonra özünü asaraq intihar edib.
Qadının nəvələrini bıçaqla qətlə yetirdiyi bildirilir.

Xəbəri paylaş

5418 dəfə oxunub.

Digər xəbərlər

28-11-2016, 17:32 TARKANIN DJ-Yİ SEVİNC MUSAYEVANIN HANSI MAHNISINA YENİ NƏFƏS VERDİ? – FOTOSESSİYA - AUDİO

29-02-2016, 12:59 "Elşadla münasibət quranda ikinci yoldaşımdan boşanmamışdım, bəzən maşında..."

3-02-2021, 23:30 SENSASSİYA! Qalib Məmmədov öldürüldü

15-01-2017, 22:20 Qarda uşaqlarınızı mütləq çölə çıxardın

15-01-2018, 13:30 Azərbaycan əsgəri həlak oldu

7-11-2016, 09:49 Tikinti ilə bağlı YENİ TƏLƏB

6-12-2016, 15:12 Beyin gücünü artırmaq üçün bunları edin - YOLLARI

26-08-2020, 13:51 "Baş Nazirin müavini dişinə bir milyon xərcləyib"

8-01-2023, 13:10 Atasını söydüyü üçün qayınatasını doğradı - Bakıda ŞOK QƏTL