Təhsil Nazirliyinə dərsliklərlə bağlı yeni səlahiyyət verilib
21-12-2016, 12:58. Yazar: Xeberaz
Nazirlər Kabineti tərəfindən Təhsil Nazirliyinə orta məktəb dərslikləri ilə bağlı yeni səlahiyyət verilib.
Advertising Loading...
"Xəbəraz.az "-ın məlumatına görə, bunu təhsil naziri Mikayıl Cabbarov AMEA-nın Ümumi yığıncağı və Təhsil Nazirliyinin Kollegiyasının birgə elmi sessiyasında çıxışı zamanı deyib. M. Cabbarov qeyd edib ki, bundan sonra Təhsil Nazirliyi ilk dəfə olaraq dərslik müəllifləri ilə müqavilələr bağlamaq səlahiyyətinə malik olacaq.
Təhsil naziri əlavə edib ki, dərsliklərin hazırlanması zamanı AMEA-ya bir sıra ixtisaslar üzrə məqsədli sorğular veriləcək: “Bununla da ehtiyat dərsliklərin hazırlanmasında elmi potensialdan istifadə ediləcək. Bundan başqa, dərsliklər hazırlanan zaman elm və təhsil qurumlarının birgə təklifləri nəzərə alınsa, nəticə daha məhsuldar olar. Dərsliklərin məzmunu daim Təhsil Nazirliyinin diqqət mərkəzindədir. Təklif edərdim ki, nazirliyin müraciəti əsasında AMEA-nın alimləri də dərsliklərin ictimai müzakirələrində iştirak etsinlər və fikirlərini Təhsil Nazirliyinə təqdim etsinlər. Biz də onların təkliflərini dərslik çap olunmamışdan əvvəl nəzərə alaq”.
Geri dön