Naxçıvan Muxtar Respublikası
9 - 14°
- 5 - 10°
Qazax, Gəncə, Goranboy, Tər-Tər, Ağdam, Füzuli, Cəbrayıl
9 - 14°
0 - 5°
Mərkəzi-Aran
9 - 4
0 - 5
Masallı, Yardımlı, Lerik, Lənkəran, Astara
7-11°
0-3°
Bakıda və Abşeron yarımadasında
8-10°
2-4°
Sabunçuda dindarların aksiyası ilə bağlı 8 nəfər həbs edilib - RƏSMİ
Tarix: 06-11-2015 | Saat: 21:01
Bölmə:M / Karusel / Hadisə / Reportaj | çapa göndər

Sabunçuda dindarların aksiyası ilə bağlı 8 nəfər həbs edilib - RƏSMİ
Hadisə zamanı 2 polis xəsarət alıb.

Noyabrın 5-də Sabunçu rayonu ərazisində ictimai qaydanı pozan xırda xuliqanlıq hərəkətlərinə yol verdiklərinə görə Bakı şəhər sakinləri Elçin Qasımov və Sahib Həbibov rayon polis idarəsinin əməkdaşları tərəfindən saxlanılıblar.

Daxili İşlər Nazirliyinin (DİN) mətbuat xidmətindən Oxu.Az-a daxil olan məlumata görə, bu barədə Baş Prokurorluq və DİN-in birgə məlumatında bildirilib.

Məlumatda qeyd olunub ki, bundan dərhal sonra, özlərini dini hərəkatın tərəfdarları adlandıran və ümumi sayı 60 nəfərədək olan bir qrup şəxs həmin polis orqanının inzibati binasının qarşısında toplaşaraq onların azad edilməsi tələbi ilə razılaşdırılmamış aksiya keçirməyə cəhd göstəriblər.

“İctimai qaydanın pozulmasına yönələn hərəkətlərin dayandırılması barədə polisin xəbərdarlıqlarına baxmayaraq, qanunsuz aksiyanın iştirakçıları hüquqazidd əməllərini davam etdirmiş, daxili işlər orqanları əməkdaşlarının ünvanına təhqiramiz ifadələr səsləndiriblər. Onlar daş və küt alətlərlə asayiş keşikçilərinə müqavimət göstərib və nəticədə iki polis əməkdaşı bədən xəsarəti alıb” deyə məlumatda qeyd olunub.

Məlumatda qeyd olunub ki, qanunsuz aksiyanın fəal iştirakçılarından 8 nəfəri saxlanılıb, onların hüquqazidd hərəkətləri sənədləşdirilərək müvafiq materiallar Sabunçu rayon məhkəməsinə göndərilib.

Məhkəmənin qərarı ilə saxlanılmış şəxslər barəsində İnzibati Xətalar Məcəlləsinin 298-ci (toplantıların təşkili və keçirilməsi qaydasının pozulması) və 310-cu (polis işçisinin qanuni tələbinə qəsdən tabe olmama) maddələri ilə on gündən bir ayadək müddətə inzibati həbs tətbiq edilib.

DİN bir daha qeyd edib ki, ölkədə asayişin və sabitliyin pozulmasına yönəlmiş bütün cəhdlərin qarşısı gələcəkdə də qətiyyətlə alınacaq.


Xəbəri paylaş

5928 dəfə oxunub.

Digər xəbərlər
13-11-2015, 15:33 Yepyeni film gəlir VİDEO

bütün xəbərlər
____ Instagram ___