"Biz Dağlıq Qarabağın müstəqilliyini tanımırıq"
Tarix: 11-07-2015 | Saat: 22:27
Bölmə:M / Karusel / Siyasət / M2 / Qarabağdan xəbər var | çapa göndər
Senator Natali Qule Dağlıq Qarabağ separatçılarının liderinin səfəri ilə bağlı Fransa hökumətinə sual verib
Fransa Senatının "Fransa-Qafqaz" Dostluq Qrupunun sədr müavini və Senatın xarici məsələlər üzrə komissiyasının sədr müavini Natali Qule iyulun 7-də Senatda hökumətə suallar proseduru çərçivəsində Dağlıq Qarabağ separatçı rejiminin "prezidenti" Bako Saakyanın Fransaya etdiyi səfərlə bağlı sual səsləndirib.
ANS PRESS xəbər verir ki, Azərbaycanın Fransadakı səfirliyinin mətbuat xidmətindən APA-ya verilən məlumata görə, N.Qule hökumət nümayəndəsinə sualı verərkən bunları deyib:
"Qafqazda bir neçə dondurulmuş münaqişə mövcuddur ki, bunlardan biri Ermənistanla Azərbaycanı qarşı-qarşıya gətirən Dağlıq Qarabağ münaqişəsidir. May ayında qondarma Dağlıq Qarabağ Respublikasının “prezidenti” Fransaya “rəsmi” səfər edib və Drom departamenti, habelə bir neçə şəhərlə “dostluq xartiyaları” imzalayıb. Bu qondarma respublika heç bir ölkə, hətta Ermənistan tərəfindən tanınmayıb. Fransa bu münaqişənin həllində mühüm diplomatik rol oynayır, ATƏT-in Minsk qrupunun həmsədridir. Sözügedən xartiyaların imzalanması yalnız Fransanın tutduğu rəsmi mövqe ilə deyil, həmçinin beynəlxalq hüququn prinsipləri ilə bir araya sığmır.
Bu, əslində işğal faktına dəstək verir. Təsəvvür edin ki, sabah qondarma Krım, Abxaziya və ya Cənubi Osetiyanın “prezidentləri” də Fransa şəhərləri ilə eyni xartiyaları imzalayacaq. Bu məsələ çox pis işarədir. Beynəlxalq hüququn tanımadığı bir ərazi ilə hər hansı sənədin imzalanması mümkün deyil".
Bako Saakyan
Hökuməti təmsil edən Fransanın təhsil, ali təhsil və tədqiqatlar naziri yanında dövlət katibi Tyeri Mandon isə xarici işlər və beynəlxalq inkişaf naziri Loran Fabiusun adından bunları deyib:
"Xanım Qule, siz məsələnin siyasi və hüquqi baxımdan çox mürəkkəb olduğunu söyləməkdə tamamilə haqlısınız. Qeyd etdiyiniz kimi, Fransanın bir neçə yerli özünü idarəetmə icması qondarma Dağlıq Qarabağ Respublikasının yerli icmaları ilə “dostluq xartiyaları” imzalayıb. Bu xartiyalar “Dağlıq Qarabağ Respublikası”nın “prezidenti” Bako Saakyanın 18-20 may tarixlərində Fransaya səfəri zamanı imzalanıb.
Söylədiyiniz kimi, Fransa ATƏT-in Minsk qrupunun həmsədridir və Ermənistanla Azərbaycan arasındakı münaqişənin həlli üçün vasitəçi rolunu oynayır. Fransa heç zaman Dağlıq Qarabağı müstəqil qurum və ya Ermənistanın bir hissəsi kimi tanımayıb. Biz Dağlıq Qarabağın müstəqilliyini tanımırıq və bu "qurumla" ikitərəfli əlaqələrimiz yoxdur. Odur ki, Fransa hökuməti yerli icmaların bu təşəbbüsündən təəssüflənir. Həmin “dostluq xartiyaları”nın imzalanması Yerli İcmalar Məcəlləsinin L. 1115-1-ci maddəsinə əsasən qeyri-qanunidir. Əlbəttə, bu addımın eyni zamanda Dağlıq Qarabağın müstəqilliyini tanımayan Fransanın beynəlxalq öhdəliklərinə də zidd olduğu aydındır.
Xanım senator, siz tamamilə haqlısınız ki, bu vəziyyət yenidən planetin digər bölgələrində yerləşən ərazilərlə bağlı, məsələn Krımla bağlı yaşana bilər. Sizi əmin edirəm ki, Fransa ATƏT-in Minsk qrupunun həmsədri kimi Dağlıq Qarabağ münaqişəsinin sülh yolu ilə həlli üçün tam səfərbərdir. Qətiyyətlə bildirmək istərdim ki, bizim Ermənistanla əlaqələrimiz Fransanın Minsk qrupu çərçivəsində ənənəvi bitərəf mövqeyinə təsir göstərmir və bundan sonra da təsir etməyəcək".
Xəbəri paylaş
6208 dəfə oxunub.
Digər xəbərlər
Tarix: 11-07-2015 | Saat: 22:27
Bölmə:M / Karusel / Siyasət / M2 / Qarabağdan xəbər var | çapa göndər
Senator Natali Qule Dağlıq Qarabağ separatçılarının liderinin səfəri ilə bağlı Fransa hökumətinə sual verib
Fransa Senatının "Fransa-Qafqaz" Dostluq Qrupunun sədr müavini və Senatın xarici məsələlər üzrə komissiyasının sədr müavini Natali Qule iyulun 7-də Senatda hökumətə suallar proseduru çərçivəsində Dağlıq Qarabağ separatçı rejiminin "prezidenti" Bako Saakyanın Fransaya etdiyi səfərlə bağlı sual səsləndirib.
ANS PRESS xəbər verir ki, Azərbaycanın Fransadakı səfirliyinin mətbuat xidmətindən APA-ya verilən məlumata görə, N.Qule hökumət nümayəndəsinə sualı verərkən bunları deyib:
"Qafqazda bir neçə dondurulmuş münaqişə mövcuddur ki, bunlardan biri Ermənistanla Azərbaycanı qarşı-qarşıya gətirən Dağlıq Qarabağ münaqişəsidir. May ayında qondarma Dağlıq Qarabağ Respublikasının “prezidenti” Fransaya “rəsmi” səfər edib və Drom departamenti, habelə bir neçə şəhərlə “dostluq xartiyaları” imzalayıb. Bu qondarma respublika heç bir ölkə, hətta Ermənistan tərəfindən tanınmayıb. Fransa bu münaqişənin həllində mühüm diplomatik rol oynayır, ATƏT-in Minsk qrupunun həmsədridir. Sözügedən xartiyaların imzalanması yalnız Fransanın tutduğu rəsmi mövqe ilə deyil, həmçinin beynəlxalq hüququn prinsipləri ilə bir araya sığmır.
Bu, əslində işğal faktına dəstək verir. Təsəvvür edin ki, sabah qondarma Krım, Abxaziya və ya Cənubi Osetiyanın “prezidentləri” də Fransa şəhərləri ilə eyni xartiyaları imzalayacaq. Bu məsələ çox pis işarədir. Beynəlxalq hüququn tanımadığı bir ərazi ilə hər hansı sənədin imzalanması mümkün deyil".
Bako Saakyan
Hökuməti təmsil edən Fransanın təhsil, ali təhsil və tədqiqatlar naziri yanında dövlət katibi Tyeri Mandon isə xarici işlər və beynəlxalq inkişaf naziri Loran Fabiusun adından bunları deyib:
"Xanım Qule, siz məsələnin siyasi və hüquqi baxımdan çox mürəkkəb olduğunu söyləməkdə tamamilə haqlısınız. Qeyd etdiyiniz kimi, Fransanın bir neçə yerli özünü idarəetmə icması qondarma Dağlıq Qarabağ Respublikasının yerli icmaları ilə “dostluq xartiyaları” imzalayıb. Bu xartiyalar “Dağlıq Qarabağ Respublikası”nın “prezidenti” Bako Saakyanın 18-20 may tarixlərində Fransaya səfəri zamanı imzalanıb.
Söylədiyiniz kimi, Fransa ATƏT-in Minsk qrupunun həmsədridir və Ermənistanla Azərbaycan arasındakı münaqişənin həlli üçün vasitəçi rolunu oynayır. Fransa heç zaman Dağlıq Qarabağı müstəqil qurum və ya Ermənistanın bir hissəsi kimi tanımayıb. Biz Dağlıq Qarabağın müstəqilliyini tanımırıq və bu "qurumla" ikitərəfli əlaqələrimiz yoxdur. Odur ki, Fransa hökuməti yerli icmaların bu təşəbbüsündən təəssüflənir. Həmin “dostluq xartiyaları”nın imzalanması Yerli İcmalar Məcəlləsinin L. 1115-1-ci maddəsinə əsasən qeyri-qanunidir. Əlbəttə, bu addımın eyni zamanda Dağlıq Qarabağın müstəqilliyini tanımayan Fransanın beynəlxalq öhdəliklərinə də zidd olduğu aydındır.
Xanım senator, siz tamamilə haqlısınız ki, bu vəziyyət yenidən planetin digər bölgələrində yerləşən ərazilərlə bağlı, məsələn Krımla bağlı yaşana bilər. Sizi əmin edirəm ki, Fransa ATƏT-in Minsk qrupunun həmsədri kimi Dağlıq Qarabağ münaqişəsinin sülh yolu ilə həlli üçün tam səfərbərdir. Qətiyyətlə bildirmək istərdim ki, bizim Ermənistanla əlaqələrimiz Fransanın Minsk qrupu çərçivəsində ənənəvi bitərəf mövqeyinə təsir göstərmir və bundan sonra da təsir etməyəcək".
Xəbəri paylaş
Digər xəbərlər
18-07-2022, 14:24
Azərbaycanda maska cəriməsi yenidən qayıdır? - AÇIQLAMA
2-04-2017, 18:56
Doğulduğunuz aya görə xarakteriniz
30-11-2022, 11:16
Xatirənin ikinci övlad arzusu: "Çox çalışdım, amma..."
19-05-2023, 12:54
Dünyanın ən uzun burunlu insanı vəfat etdi - FOTO
11-04-2017, 15:28
Azərbaycanda bu yerlərdə siqaret çəkmək qadağan olunur - SİYAHI
2-06-2016, 15:18
Qobustan və Əmircanda qəza: Ölən var
3-06-2015, 13:13
Aparıcı Nərgizdən FOTOSESSİYA
8-01-2016, 12:20
Ramil Usubov iki polis rəisini işdən çıxardı - YENİLƏNİB
6-05-2016, 00:05
Türkiyə İŞİD-i vurdu: 5 ölü
02-04-2024
09-01-2024
28-12-2023
27-12-2023
26-12-2023
25-12-2023
07-12-2023
04-12-2023
01-12-2023
29-11-2023
27-11-2023
26-11-2023
24-11-2023
21-11-2023
___
