Dövlət Sərhəd Xidməti (DSX) tərəfindən həbs edilən Ramin Hacılının barəsində həbs-qətimkan tədbirinin uzadılması ilə bağlı istintaq orqanının təqdimatına baxılıb.

"Xəbəraz.az " xəbər verir ki, Nərimanov rayon məhkəməsində hakim Vüsal Qurbanovun sədrliyi ilə baş tutan prosesdə istintaq orqanının təqdimatı təmin edilib.
Ramin Hacılının barəsində həbs-qətimkan tədbiri daha 2 ay 15 gün müddətinə uzadılıb.
İstintaq orqanı tərəfindən Ramin Hacılının barəsində əlavə ittihamlar elan edilib. Ona qarşı Cinayət Məcəlləsinin 178.2.4-cü (xeyli miqdarda ziyan vurmaqla dələduzluq törətmək) və 178.2.2-ci (təkrar dələduzluq) maddələri ilə ittiham elan edilib.
Ramin Hacılı həbs olunan zaman isə ona əvvəlcə Cinayət Məcəlləsinin 318.1-ci (Azərbaycan Respublikasının mühafizə olunan dövlət sərhədini müəyyən edilmiş sənədlər olmadan və ya dövlət sərhədinin nəzarət-buraxılış məntəqələrindən kənarda keçmə) maddəsi ilə ittiham edilib.
İttihama görə, iyunun 4-də Dövlət Sərhəd Xidmətinin Zaqatala sərhəd dəstəsinin hərbi qulluqçuları tərəfindən Balakən rayonunun Mazımqara kəndinin yaxınlığındakı sərhəd zastavasının xidməti ərazisində dövlət sərhədinin pozulmasının qarşısı alınıb.
Belə ki, həmin tarixdə sərhəd naryadı tərəfindən dövlət sərhədində 2 nəfər Azərbaycan Respublikası vətəndaşı – 1983-cü il təvəllüdlü Hacılı Ramin Rasim oğlu və 1988-ci il təvəllüdlü Qasımov Fəxrəddin Azad oğlu saxlanılıblar.
İlkin araşdırma zamanı Ramin Hacılı ölkədən çıxışına qadağa qoyulması səbəbindən dövlət sərhədindən buraxılış məntəqələrindən ölkə ərazisini tərk edə bilməməsini və sərhəd zastavasının xidməti sahəsindən dövlət sərhədini pozmaqla qanunsuz yolla Gürcüstan ərazisinə keçməyə cəhd etməsini, F.Qasımovun isə bu əməlin həyata keçirilməsində ona köməklik etməsini etiraf edib.
F.Qasımov tərəfindən də eyni məzmunlu ifadə verilib.
R.Hacılı 250 min manat həddində borclarının olmasını, xaricə getməklə bu borcları işləyərək qaytarmağa çalışmasını bildirib.

Xəbəri paylaş

6418 dəfə oxunub.

Digər xəbərlər

26-04-2016, 13:04 (R) "Kapital Bank"ın dəstəyi ilə keçirilən “Made in Azerbaijan” layihəsi yekunlaşdı

13-10-2020, 20:11 "Vətənin müdafiəsi naminə hər bir strateji tapşırıqların icrasına hazırıq" - Cavid Qurbanov

14-11-2017, 10:54 Rolunu inandırıcı etmək üçün biləyini kəsdi

17-10-2023, 09:18 Xaçaturyan Bakıdan qızına zəng edib bu sözləri dedi

15-05-2016, 17:52 Saakaşviliyə xəyanət: Tiflis Kremlə can atır

14-03-2019, 10:03 Elnur Məmmədlinin maşını qəzaya düşdü - FOTOLAR

9-09-2023, 13:47 Sabah leysan olacaq, sulu qar yağacaq

1-04-2018, 15:10 Azərbaycanda ana doğuşdan 3 gün sonra öldü -foto

17-09-2019, 15:39 Azərbaycann məhşur saytları Qazaxıstan tərəfindən alındı... - ADLAR