700 bal toplayan gəncəli qız: "Niyə aza qane olmalıydım?"

700 bal toplayan gəncəli qız: "Niyə aza qane olmalıydım?" - REPORTAJ
Tarix: 30-07-2018 | Saat: 15:28
Bölmə:M / Karusel / Təhsil / Müsahibə | çapa göndər

Şirift ölçüsü:

Atası: "Bu nəticəyə görə məktəbin kollektivinə təşəkkür edirəm"

İyulun 26-da ali təhsil müəssisələrinə III ixtisas qrupu üzrə keçirilən qəbul imtahanında 700 bal toplayan abituriyentlərdən biri də Gəncədəndir. O, Gəncə şəhərindəki 27 №-li məktəb-liseyin məzunu Selcan Məmmədlidir.

APA TV-nin qərb bürosunun xəbərinə görə, birinci qəbul imtahanından 676 bal toplayan Selcan bu nəticə ilə razılaşmayıb və yenidən hazırlaşaraq ikinci imtahandan maksimum nəticə əldə edib: "Birinci imtahanda 676 bal toplamışdım. Bəziləri deyirdi ki, ehtiyac yoxdur. Amma bu, zəhmətimin qarşılığı deyildi. Əgər yüksək nəticəyə nail ola bilərdimsə, niyə aza qane olum? Gözləyirdim ki, sinfimizdən daha çox uşaq 700 bal toplasın. 4 nəfər toplaya bilərdi bu nəticəni. Onlarla birlikdə istərdim ki, müsahibə verim".

Selcan deyir ki, ilk imtahanda siniflərində bir neçə nəfər ondan yüksək bal toplasa da, ikinci imtahanda təkcə o, 700 bal nəticə əldə edib.

Məktəbin direktor müavini Şahin Əzizzadə də xüsusi istedadlılar sinfinin bu il yüksək nəticə əldə etdiyini deyir: "Kollektiv olaraq sevinirik. Zəhmətimizin hədər getmədiyini görürük. Həm şagirdin, həm valideynin, həm də məktəbin zəhməti hədər getmədi. Həmin sinifdən yüksək bal toplayan çoxdur. İki nəfər də yüksək bal toplayıb. O sinifdən 7 nəfər fərqlənmə attestatı alıb, 2 nəfər isə qızıl medala namizəddir. Biri Selcan, biri də Fidandır".

Selcanın uğuruna daha çox sevinən valideynləridir. Atası Mahir Məmmədov deyir ki, onlar Selcanın yüksək nəticə əldə edəcəyinə əvvəldən inanıblar. Selcanın kiçik yaşlarından əldə etdiyi uğurlar bunu deməyə əsas verir: "Bu, bizim üçün böyük fəxrdir. Bu uğura görə məktəbin kollektivinə təşəkkür bildirirəm. Dərs deyən müəllimlərə təşəkkür edirəm. Selcanın nəticələri hələ bağçadan başlayıb. İngilis dilli bağçaya gedib. Sonra 1 nömrəli orta məktəbdə 4-cü sinfə kimi oxuyub. Daha sonra isə bu məktəbdə istedadlılar qrupunda oxuyub".

Selcan Məmmədli artıq seçimini edib. O, ADA Universitetində təhsil almaq istəyir.

Xəbəri paylaş

7218 dəfə oxunub.

Digər xəbərlər

23-03-2016, 20:33 Şou ulduzu soyundu, "selfie" çəkdi - FOTO

9-11-2016, 19:48 Şəmkirdə usta yıxılıb ayağını sındırdı

9-12-2016, 20:44 Ağcabədidə DƏHŞƏTLİ İNTİHAR: Ailəli qadın özünü yandırdı

25-01-2021, 11:24 Bakıda bu marşrutların hərəkət sxemləri dəyişdirildi

12-11-2018, 11:30 Evdar xanım yoxsa çalışan qadın: hansı yaxşıdır?

19-08-2015, 22:36 “Azadlıq Heykəli”ndə yalandan bomba qoyulması xəbəri verən şəxs tutuldu

23-01-2021, 22:38 Leyla Əliyeva bacısını təbrik etdi - FOTO

4-07-2018, 14:31 Bakı Nəqliyyat Agentliyi sərnişinlərə su payladı - FOTO

20-12-2015, 21:06 “Türk-rus gərginliyinin artmasını istəmirik”