Məhbuslar qaçıb, yoxsa qaçırılıb?

Məhbuslar qaçıb, yoxsa qaçırılıb?
Tarix: 23-10-2017 | Saat: 16:30
Bölmə:M / Filmlər / Gündəm / Hadisə | çapa göndər

Ədliyyə Nazirliyi Penitensiar Xidməti qaçan məhkumlarla bağlı yayılan iddialara münasibət bildirib.
Mətbuat xidmətinin rəhbəri, polkovnik Mehman Sadıqov musavat.com-a açıqlamasında bildirib ki, səsləndirilən fikirlər sadəcə olaraq fərziyyə və iddiadır. “Hazırda bu işlə bağlı istintaq gedir. Suallara da istintaq cavab verəcək. Qeyd edilən hallara da hüquqi qiymət veriləcək” - deyə polkovnik M.Sadıqov qeyd edib.
Bildirək ki, bu gün Bakı-Astara-Bakı planlı dəmir yolu qarovulu ilə xüsusi təyinatlı vaqonda Bakı şəhərinə müşayiət olunan 1980-ci il təvəllüdlü, əvvəllər məhkum edilmiş Etibar Məmmədov və 1989-cu il təvəllüdlü, əvvəllər məhkum olunmamış Əli Ağami müşayiət altından qaçıblar. Mətbuatda və sosial şəbəkələrdə məhkumların necə qaçması ilə bağlı fərqli fikirlər səsləndirilir. İddia edilir ki, həmin məhkumların kənardan dəstək olmadan qaçması mümkün deyil. Hər iki şəxsin qaçırılması ilə bağlı da iddialar var.
Müsavat Partiyası başqanının həbs həyatı yaşamış müavini Yadigar Sadıqov da bu barədə fikirlərini sosial şəbəkədə yazıb. Dustaq olduğu müddətdə bir neçə dəfə qatarla aparıldığını qeyd edən Y.Sadıqov kriminal avtoritetlərin qaçışında kənardan köməyin olması ehtimalını istisna etməyib. “2 nəfər dustaq qatarından qaçıb. Dustaq qatarı ilə 8 dəfə Lənkərana, 5 dəfə Şirvana getmişəm. Kənardan kömək olmadan oradan qaçmaq mümkün deyil. Azərbaycan da kiçik ölkədir, qatara gecə minib, səhər düşürsən. Rusiya deyil ki, günlərlə yol gedəsən, yavaş-yavaş döşəməni mişarlayasan. Döşəmə də indi taxta deyil” - deyə Y.Sadıqov yazıb.
“Qafqazinfo” bir məsələni da vurğulamağı vacib hesab edir ki, bu fakt üzrə Baş Prokurorluğunun Ağır Cinayətlərə Dair İşlər üzrə İstintaq İdarəsində Cinayət Məcəlləsinin 304.2-ci (azadlıqdan məhrum etmə yerindən, həbsdən və ya mühafizə altından qaçma) və 308.2-ci (vəzifə səlahiyyətlərindən sui-istifadə) maddələri ilə cinayət işi başlanıb. Başlayan cinayət işlərindən birinin “vəzifə səlahiyyətlərindən sui-istifadə” haqda olduğunu nəzərrə aldıqda avtorritetlərrin qaçmasında digər şəxslərin iştirak etdiyini də söyləmək mümkündür.
Qeyd edək ki, həbsdən qaçan şəxslər hazırda axtarılır.

Xəbəri paylaş

1 1058 dəfə oxunub.

Digər xəbərlər

7-10-2015, 20:55 "Səs Azərbaycan"da dəyişiklik - video

25-09-2018, 10:59 "Hər şeyi İnstaqram korladı" -İzzət

26-10-2015, 20:14 Bakıda 25 yaşlı oğul öz anasını zorladı...

31-08-2015, 19:14 Erməni futbolçu Azərbaycana buraxılacaqmı?

4-10-2015, 11:02 Fransada 12 nəfər daşqınların qurbanı olub - FOTO

9-07-2016, 00:01 Tovuzda itən 27 yaşlı gəlin Bakıda tapıldı

2-07-2019, 05:36 Dünya liderlərinin maaşları - 1 dollar alan da var...

13-08-2018, 13:33 İlqar Məmmədovla bağlı qərarın DETALLARI

5-05-2022, 20:35 "Dəniz Lombard"-da müraciət edən vətəndaşlar sonda Nazirə üz tutdular