Prezident: "Azərbaycanda demokratiya və bütün azadlıqlar təmin olunub"

Prezident: "Azərbaycanda demokratiya və bütün azadlıqlar təmin olunub"
Tarix: 04-10-2017 | Saat: 17:35
Bölmə:M / Karusel / Gündəm / Xəbəraz TV | çapa göndər

Şirift ölçüsü:

Azərbaycan prezidenti İlham Əliyev Avropa İttifaqının Brüsseldə akkreditə olunmuş səfirlərinin daxil olduğu Avropa İttifaqı Şurasının Siyasi və Təhlükəsizlik Komitəsinin nümayəndə heyətini qəbul edib.

Çıxışında Ermənistan-Azərbaycan, Dağlıq Qarabağ münaqişəsindən danışan prezident İlham ƏliyevErmənistan tərəfindən Azərbaycan torpaqlarının bir hissəsinin işğal olunduğunu, həmin ərazilərdə etnik təmizləmə siyasətinin aparıldığını, Xocalı soyqırımının törədildiyini bildirib.

Azərbaycan-Avropa İttifaqı əlaqələrinə toxunan dövlət başçısı quruma üzv ölkələrlə əməkdaşlığın yüksək səviyyədə olduğunu, iqtisadi əməkdaşlığın inkişaf etdiyini diqqətə çatdırıb, Avropanın enerji təhlükəsizliyinin təmin olunmasında ölkəmizin rolunu vurğulayıb.

Prezident İlham Əliyev son illərdə Azərbaycan iqtisadiyyatının əldə etdiyi nailiyyətlərdən danışaraq bildirib ki, Azərbaycan irimiqyaslı enerji və nəqliyyat layihələrini icra edir və ölkəmiz Şərq-Qərb, Şimal-Cənub nəqliyyat dəhlizləri layihələrinin icrasında mühüm rol oynayır və beynəlxalq nəqliyyat qovşağına çevrilməkdədir.

Dövlət başçısı çıxışında Azərbaycanın beynəlxalq terrorizmlə mübarizədə fəal rolundan danışıb. Azərbaycan prezidenti ölkəmizdə multikulturalizm və dünyəvilik dəyərlərinin qorunub saxlandığını vurğulayıb. Prezident İlham Əliyev Azərbaycanda demokratiyanın və bütün azadlıqların təmin olunduğunu da bildirib.

Sonra Avropa İttifaqı Şurasının Siyasi və Təhlükəsizlik Komitəsinin sədri Valter Stivens, Avropa İttifaqının Brüsseldə akkreditə olunmuş Fransa, Bolqarıstan və Almaniyadan olan səfirləri çıxış ediblər.

**
11:44
Prezident İlham Əliyev oktyabrın 4-də beynəlxalq səviyyəli qonaqlarla görüşüb.

Dövlət başçısı Avropa İttifaqı Şurasının siyasi və təhlükəsizlik komitəsinin sədri Valter Stevensin rəhbərlik etdiyi nümayəndə heyətini qəbul edib.

Xəbəri paylaş

5848 dəfə oxunub.

Digər xəbərlər

2-12-2015, 20:49 Ərdoğan: Türkiyə Rusiyadan fərqli olaraq emosiyalarını saxlayır

3-05-2016, 14:27 Sevinc Camalzadə : “Meymun ilində meymun kimi özünüzü bəzənməyin...”

5-01-2018, 15:48 42 min müəllimin maaşı artırılıb

24-05-2016, 06:02 Ramiz Mehdiyev Qroznıda

14-12-2022, 11:35 Müəllim 1-ci sinif şagirdlərini belə cəzalandırdı - Töhmət verildi

2-06-2019, 01:13 “Liverpul” Çempionlar Liqasının qalibidir

22-02-2018, 12:52 Azərbaycanda alkoqoliklərin sayı nə qədərdir?

1-11-2016, 13:56 Hakimi təhqir etdilər, cəzalandılar

11-08-2018, 11:59 Elçin Quliyev at çapan Gülayla görüşdü - Atasını işə götürdü