Əliyevlə xanımı İslam oyunları ilə bağlı mərasimdə

Əliyevlə xanımı İslam oyunları ilə bağlı mərasimdə
Tarix: 05-04-2017 | Saat: 21:06
Bölmə:M / Karusel / Gündəm | çapa göndər

Şirift ölçüsü:

Aprelin 5-də Daş Salnamə Muzeyində “Bakı-2017” IV İslam Həmrəyliyi Oyunlarının Xəzərdən başlayan su səyahətinə start verilib.

Azərbaycan Prezidenti İlham Əliyev, “Bakı-2017” İslam Həmrəyliyi Oyunlarının Təşkilat Komitəsinin sədri xanım Mehriban Əliyeva, ailə üzvləri, Səudiyyə Ərəbistanı Krallığının Şahzadəsi, İslam Həmrəyliyi İdman Federasiyasının prezidenti və Səudiyyə Ərəbistanı Milli Olimpiya Komitəsinin prezidenti Abdullah bin Mosaad bin Əbdüləziz Əl Səud mərasimdə iştirak edirlər.

Mərasim Azərbaycan rəqsinin ifası ilə başlayıb.

Azərbaycan Respublikasının Prezidenti İlham Əliyev mərasimdə çıxış edib..

Sonra Səudiyyə Ərəbistanı Krallığının Şahzadəsi, İslam Həmrəyliyi İdman Federasiyasının prezidenti və Səudiyyə Ərəbistanı Milli Olimpiya Komitəsinin prezidenti Abdullah bin Mosaad bin Əbdüləziz Əl Səud çıxış etdi.

Bu il mayın 12-dən 22-dək Bakıda keçiriləcək IV İslam Həmrəyliyi Oyunları bütün Azərbaycan, eləcə də İslam dünyası üçün mötəbər idman təntənəsidir. On gün ərzində bütün İslam dünyasının nəbzi Azərbaycanda döyünəcək.

Qeyd edək ki, “Bakı-2017” İslam Həmrəyliyi Oyunlarının səyahəti su ünsürünə həsr olunub. Çünki su hər bir canlı üçün həyat mənbəyidir. Paklıq və birlik rəmzi olan su İslamda mühüm amildir və onun Xəzər dənizinin sahilində yerləşən Bakı üçün də xüsusi əhəmiyyəti var.

Ölkənin 15-dən çox tarixi şəhərini, 5 gölü, 1 su anbarını, 3 çayı, 1 bulağı, 3 şəlaləni və Xəzər dənizini əhatə edən su səyahəti bununla da 3 min kilometrdən çox məsafəni qət edəcək. Azərbaycanın müxtəlif guşələrində böyük təbii gözəlliyə malik 15 su məkanının hər birində iki atletin müşayiəti ilə yerli uşaq xüsusi mərasimdə mis qabı su ilə dolduracaq. Prezident İlham Əliyevin göndərdiyi Xəzərin suyu ilə yanaşı, götürüləcək digər sular sonradan axşam festivalında təqdim olunacaq. Azərbaycan musiqisi və rəqsləri, möhtəşəm su effektləri və əlvan atəşfəşanlığı ilə zəngin olan bu tədbirdə hər kəs iştirak edə biləcək. “Xəzərdən başlayan səyahət” 37 gün davam edəcək və mayın 12-də Bakıda IV İslam Həmrəyliyi Oyunlarının açılış mərasimi ilə başa çatacaq. Həmin vaxt uşaqlar ölkənin göl və çaylarından, şəlalə və bulaqlarından topladıqları Azərbaycanın saf suları ilə İslam dünyasının 50-dən çox dövlətindən olan idmançıları Oyunlarda salamlayacaqlar.

Xəbəri paylaş

1 0388 dəfə oxunub.

Digər xəbərlər

28-07-2021, 10:53 Düşmən mövqelərimizi tanklardan və minaatanlardan atəşə tutur

16-03-2020, 02:39 Türkiyədə bütün əyləncə mərkəzləri sabahdan bağlanacaq

9-07-2016, 16:58 Qadınların dərdi: Çillər və piqment ləkələri

15-06-2015, 20:37 Mehriban Əliyeva Stadnikə qızıl medalı şəxsən təqdim etdi (FOTO)

7-06-2016, 22:45 Lavrov və Kerri arasında İŞİD sözləşməsi

25-01-2019, 15:16 Azərenerji” ASC-dən kütləvi ixtisarlarla bağlı AÇIQLAMA

21-08-2015, 13:35 MSK sədri: “Azərbaycanda internetin keyfiyyəti seçki prosesini rahat şəkildə onlayn izləməyə imkan verir”

20-06-2015, 16:26 Hindistanda -İçkidən ölənlərin sayı 53-ə çatdı

17-03-2018, 21:27 Bakıda ət kəsimi yerləri ləğv edilir