Prezident İlham Əliyev BMT-nin baş katibi ilə görüşüb

Prezident İlham Əliyev BMT-nin baş katibi ilə görüşüb
Tarix: 18-02-2017 | Saat: 19:31
Bölmə:M / Karusel / Siyasət | çapa göndər

Şirift ölçüsü:

Azərbaycan prezidenti İlham Əliyev fevralın 18-də Münhendə Birləşmiş Millətlər Təşkilatının baş katibi Antonio Quterreş ilə görüşüb.

APA-nın xəbərinə görə, bu barədə Prezidentin mətbuat xidməti məlumat yayıb. Görüşdə prezident İlham Əliyev Antonio Quterreşi BMT-nin baş katibi seçilməsi münasibətilə bir daha təbrik edbi. Dövlət başçısı onunla Bakıda keçirdiyi görüşləri məmnunluqla xatırlayıb.

Baş katib BMT-nin qaçqınlar üzrə ali komissarı kimi Azərbaycana səfərlərindən, prezident İlham Əliyevlə görüşlərindən məmnunluqla bəhs edib. O, Ermənistan-Azərbaycan, Dağlıq Qarabağ münaqişəsi ilə bağlı danışıqlar prosesinin hazırkı vəziyyəti və perspektviləri ilə maraqlanıb. Prezident İlham Əliyev bu məsələ ilə bağlı BMT-nin baş katibinə məlumat verib. Dövlət başçısı hələ ki, danışıqlar prosesində ciddi irəliləyişin olmamasından təəssüfləndiyini bildirib. Son zamanlar Ermənistan tərəfinin danışıqlarda az qala könülsüz iştirak etdiyini, münaqişənin həlli istiqamətində əldə olunan müəyyən razılaşmaları pozduğunu deyib.

Prezident İlham Əliyev ötən ilin aprelində təmas xəttində Azərbaycan Ordusunun Ermənistan silahlı qüvvələri tərəfindən törədilən təxribata cavab verdiyini və nəticədə torpaqlarımızın bir hissəsinin işğaldan azad olunduğunu bildirib. Dövlətimizin başçısı fevralın 20-də keçiriləcək və qondarma “Dağlıq Qarabağ respublikası”nın “konstitusiyasına dəyişikliklər edilməsi ilə bağlı referendum”un qeyri-qanuni olduğunu, bir sıra təşkilatların bu məsələyə etiraz etdiyini deyib. Bildirib ki, bu, bir daha Ermənistan tərəfinin münaqişənin həllində maraqlı olmadığını sübut edir.

Antonio Quterreş Ermənistan-Azərbaycan, Dağlıq Qarabağ münaqişəsinin həlli prosesində əsas şərtlərin nədən ibarət olması ilə maraqlanıb. Dövlət başçısı bildirib ki, Dağlıq Qarabağ ətrafındakı 7 rayon işğaldan azad edilməli, qaçqınlar və məcburi köçkünlər doğma yurdlarına qayıtmalı, bölgədə sülhməramlı qüvvələr yerləşdirilməlidir. Məhz bundan sonra Dağlıq Qarabağın statusuna dair referendumun keçirilməsi mümkündür. Prezident İlham Əliyev BMT-nin və baş katib Antonio Quterreşin mövcud vəziyyətə müdaxilə edib, prosesin sürətlənməsinə daha yaxından təkan verməsinin əhəmiyyətini vurğulayıb.

Xəbəri paylaş

8378 dəfə oxunub.

Digər xəbərlər

25-10-2020, 12:37 İranla sərhədin nəzarətimizə götürülməsi suverenliyin təmin edilməsidir - Ceyhun Bayramov

15-12-2016, 17:55 İŞİD Türkiyə tankını vurdu – Ölənlər var

21-12-2022, 09:47 “Aytacı kənddə basdırmağa qoymayın” - Dəhşətli qətlin təfərrüatı

14-12-2018, 10:44 Vüqar Şıxməmmədova YÜKSƏK VƏZİFƏ VERİLDİ

3-02-2020, 20:42 13 yaşında məktəbi buraxan qız bu yolla milyoner oldu - FOTOLAR

16-01-2016, 18:15 Azərbaycanda televiziyanın baş direktoru vəzifəsindən azad edildi - FOTO

16-02-2018, 18:20 Heydər Əliyev prospektində qəza: 2 ölü

30-04-2017, 17:18 “Qəbələ” rekordu təkrarladı

15-09-2015, 12:15 Dəstənin üzvləri arasında uşaq və qadın da var.