Fond jurnalistləri mükafatlandırdı

Fond jurnalistləri mükafatlandırdı
Tarix: 10-06-2015 | Saat: 17:28
Bölmə:M / Karusel / Gündəm | çapa göndər

“Fərdi uçot əsaslı sosial sığorta sistemində iştirakınız etibarlı pensiya təminatınızdır” mövzusunda keçirilən müsabiqənin nəticələri açıqlanıb.

Dövlət Sosial Müdafiə Fondunun (DSMF) İctimaiyyətlə əlaqələr sektorundan ANS PRESS-ə verilən məlumata görə, Kütləvi informasiya vasitələri üçün “Fərdi uçot əsaslı sosial sığorta sistemində iştirakınız etibarlı pensiya təminatınızdır” mövzusunda elan edilən müsabiqənin nəticələrinin acıqlanması münasibətilə iyunun 10-da Azərbaycan Respublikası Dövlət Sosial Müdafiə Fondunda (DSMF) tədbir keçirilib.

Tədbirdə bildirilib ki, Prezident İlham Əliyevin təsdiq etdiyi "2009-2015-ci illərdə Azərbaycan Respublikasında sığorta-pensiya sisteminin inkişafına dair Dövlət Proqramı"nın 2.36-cı bəndinə (sığorta-pensiya sahəsində əhalinin maarifləndirilməsi məqsədi ilə kütləvi informasiya vasitələrindən istifadə olunmaqla müvafiq tədbirlərin görülməsi) uyğun olaraq keşirilən müsabiqəyə həm televiziyalar, həm də qəzet və xəbər portalları böyük maraq nümayiş etdiriblər. Müsabiqəyə 1 aprel 2015-ci il tarixdən 15 may 2015-ci il tarixə kimi Azərbaycan Respublikasının sığorta-pensiya sistemi, ödənilmiş məcburi dövlət sosial sığorta haqlarının pensiya təminatında başlıca meyar olması, sosial sığortanın mahiyyət etibarı ilə vergidən üstün olması, fərdi uçot sistemi və onun rolu, DSMF tərəfindən qeyd edilən sahələrdə həyata keçirilən işlərlə bağlı qəzet və jurnallarda, saytlarda çap edilmiş analitik məqalələr, televiziyada yayımlanmış verilişlər, süjetlər təqdim olunub.

Müsabiqənin nəticələrinə görə, “Ən yaxşı məqalələr” nominasiyası üzrə 1-ci yeri “Yeni Azərbaycan” qəzetinin müxbiri Mübariz Abdullayev, 2-ci yeri “Melumat-merkezi.com” xəbər saytının redaktoru Günel Cəlilova və “Novosti.az” İnformasiya Agentliyinin müxbiri Fuad Əlizadə, 3-cü yeri isə “Azvision.az” xəbər saytının redaktoru Anar Rüstəmov, “İki sahil” qəzetinin müxbiri Sevinc Məmmədova, “Moderator.az” xəbər saytının redaktoru Seymur Əliyev tutublar.

Müsabiqə dövründə televiziya kanallarında verilmiş “Ən yaxşı telesüjetlər” nominasiyası üzrə 1-ci yerə “Azərbaycan Televiziya və Radio Verilişləri” QSC-nin müxbiri Əli Rzayev, 2-ci yerə “İctimai” Televiziyanın böyük redaktoru Xuraman Məmmədova və “Lider” Televiziyasının müxbiri Rövşən Abdurəhmanov, 3-cü yerə isə “Space” Müstəqil Televiziya və Radio Şirkətinin müxbiri Famil Fərhadoğlu və “Region” Televiziyasının müxbiri Zümrüd İbrahimova layiq görülüblər.

Müsabiqənin yekunlarına əsasən Elmir Murad, Aysel Kərimova, Lalə Mehralı, Cavid Şahverdiyev, “Üç nöqtə” qəzetinin müxbiri Xalid Vahidoğlu,Elxan Salahov, Ruslan Xəlil, Gülşən Raufqızı, Samirə Abdullayeva, Yaqut Məmmədova, Təbriz Vəfalı, Könül Salahova kimi jurnalistlər var.

Mükafatlandırılanlar sırasından ANS PRESS-in də adı var. belə ki, portalın xüsusi müxbiri Şahin Həbibov “Ən yaxşı məqalələr” nominasiyası üzrə fərqləndiyinə görə diploma layiq görülüb.

Dövlət Sosial Müdafiə Fondunun sədri Elman Mehdiyev qalibləri və müsabiqədə fərqlənənləri təbrik edərək, onlara diplomları təqdim edib.

Xəbəri paylaş

5798 dəfə oxunub.

Digər xəbərlər

3-03-2016, 11:23 Şirvanda oksigen balonu partladı: ölən var

5-12-2015, 19:42 Milyarderin nəvəsi pul qarşılığında insanlara bunu da etdirdi (VİDEO)

30-06-2021, 11:15 “Azərbaycanda yas mərasimlərində süfrədə bircə araq çatmır“ - Rasim Balayev

25-12-2017, 17:44 "Biz heç vaxt idmanı şəxsiyyətlərlə əlaqələndirmirik" -Azad Rəhimov

10-02-2022, 13:30 Yağış, qar yağacaq - SABAHIN HAVASI

5-02-2018, 14:07 Növbədənkənar seçki hansı ehtiyacdan irəli gəldi?

11-11-2016, 16:35 "Evdə qalmış qızlara oxşayırsan" - Nanənin qaşlarını Brejnevin qaşlarına bənzətdilər

30-04-2018, 23:20 Yeni sədr yüksək vəzifələrə onları TƏYİN ETDİ

27-06-2017, 22:09 Prezident 1 gündə 50 toya getdi