Zakir Həsənov: Silahlı Qüvvələrin şəxsi heyətini təbrik edib.

Zakir Həsənov: Silahlı Qüvvələrin şəxsi heyətini təbrik edib.
Tarix: 27-05-2015 | Saat: 14:06
Bölmə:M / Karusel / Siyasət / M2 | çapa göndər

Şirift ölçüsü:

Nazir Silahlı Qüvvələrin şəxsi heyətini təbrik edib.

Müdafiə naziri general-polkovnik Zakir Həsənov Respublika günü münasibətilə Silahlı Qüvvələrin şəxsi heyətini təbrik edib.

Xeberaz.az Müdafiə Nazirliyinin məlumatına istinadla xəbər verir ki, təbrik müraciətində deyilir:

“Azərbaycan Xalq Cümhuriyyətinin yaranması respublikamızın tarixində ən əlamətdar hadisələrdən biri olmaqla, xalqımızın azadlıq, müstəqillik arzusu ilə yaşaması əzmini bir daha nümayiş etdirmişdir.

1991-ci ildə öz dövlət müstəqilliyini bərpa etməsinə baxmayaraq, yalnız xalqımızın təkidli xahişi ilə Ümummilli liderimiz Heydər Əliyevin yenidən hakimiyyətə qayıdışından sonra onun apardığı uğurlu daxili və xarici siyasət nəticəsində respublikamız müstəqilliyini, varlığını itirmək təhlükəsindən xilas olaraq sivil, demokratik inkişaf yoluna qədəm qoymuşdur.

Bu gün möhtərəm prezidentimiz İlham Əliyevin rəhbərliyi altında ölkəmizin iqtisadi inkişafı təmin edilmiş, demokratik hüquqi dövlət və ordu quruculuğu sahəsində böyük uğurlar qazanılmışdır”.

Nazirin sözlərinə görə, Ali Baş Komandanımızın Silahlı Qüvvələr qarşısında qoyduğu mühüm vəzifələrin müvəffəqiyyətlə həyata keçirilməsi nəticəsində ordumuzun döyüşə hazırlıq səviyyəsi, döyüş qabiliyyəti və şəxsi heyətin vətənpərvərlik ruhu dinamik surətdə intensiv olaraq artmaqdadır.

“Bir neçə gündən sonra Azərbaycanda keçiriləcək ilk Avropa Oyunları ölkəmizin beynəlxalq aləmdə nə qədər böyük nüfuza malik olduğunun və respublikamızın tərəqqisinin təzahürüdür.

İnanıram ki, Siz Azərbaycan Respublikasının Konstitusiyasına, Hərbi Anda və nizamnamələrə bundan sonra da sadiq qalacaq, döyüş və ictimai-siyasi hazırlıqda yeni uğurlar əldə edəcək və Silahlı Qüvvələrin Ali Baş Komandanının rəhbərliyi altında üçrəngli dövlət bayrağımızı işğal altında olan əzəli və əbədi torpaqlarımızda dalğalandıracaqsınız”, - Zakir Həsənov qeyd edib.

Müdafiə naziri Silahlı Qüvvələrin şəxsi heyətinə möhkəm cansağlığı, uzun ömür, ailə səadəti və xidmətinizdə yeni müvəffəqiyyətlər arzulayıb.

Xəbəri paylaş

1 8498 dəfə oxunub.

Digər xəbərlər

16-08-2016, 15:51 Bakıda BİABIRÇILIQ! Ana azyaşlı qızını mağazada qoyub qaçdı + FOTOLAR

12-06-2018, 10:14 Cəbhədə bu dəfə pulemyotlar işə düşdü

11-06-2015, 21:23 Qadına qarşı gözyaşardıcı qazdan istifadə edən Türkiyə polisinə 20 aylıq həbs və 600 ağac əkmək cəzası verilib.

16-09-2017, 10:05 Hande Erçel cazibədar rəqsi ilə heyran etdi - video

6-12-2021, 10:47 Gələn il bu bürclər İNANILMAZ İŞLƏRƏ imza atacaq - 2022-də bizi NƏLƏR GÖZLƏYİR?

30-10-2015, 14:15 Bakının Nərimanov rayonunda polis əməkdaşına silahlı hücum olub

29-10-2015, 19:47 “Parlament seçkiləri gənclərimizin də diqqət mərkəzindədir"

2-06-2015, 15:28 Günay İbrahimlidən cazibədar - FOTOSESSİYA + VİDEO

8-03-2021, 16:32 Tanınmış reper qətlə yetirildi