Göz və göz xəstəlikləri haqqında bilmədiklərimiz-Qurban İsmayılov

Göz və göz xəstəlikləri haqqında bilmədiklərimiz-Qurban İsmayılov
Tarix: 17-08-2016 | Saat: 11:11
Bölmə:M / Karusel / Gündəm | çapa göndər

Şirift ölçüsü:

Deyirlər, gözlər insan qəlbinin aynasıdır. Lakin gözlər tək qəlbin deyil, həm də sağlamlığın aynasıdır. İnsanın gözlərinin vəziyyətinə baxıb onun sağlamlığı, onda olan bəzi xəstəlikləri və pozulmaları haqda məlumat almaq mümkündür.
Gözümüzün nurunu qorumaq üçün hansı tədbirlər görülməlidir? Bu orqanla bağlı nələri bilmək vacibdir? Azərbaycan Tibb Universitetinin Tədris Cərrahiyyə Klinikasının Oftalmologiya şöbəsinin müdiri Qurban İsmayılov göz və göz xəstəlikləri haqqında danışıb.
"Xəbəraz.az " həmin müsahibəni təqdim edir.

- Adətən fəsil dəyişən ərəfədə gözdə müəyyən allergik reaksiyalar gedir. Bu, nə ilə əlaqədardır?
- Fəsillər arasında əsasən yazda gözdə allergiya əmələ gəlir. Məhz bu zaman yaranan konyuktivit - pollinoz konyuktivit adlanır. Bu xəstəlik bitki tozcuqları ilə törədilir. Bitkilərin, xüsusilə çöl otlarının, taxıl bitkilərinin, bəzi kol və ağacların çiçəklənməsi zamanı rast gəlinir.

- Onda bu ərəfədə gözlə bağlı şikayətlər artırmı?
- Fəsil dəyişiklikləri zamanı xəstələr daha çox gözlərdə qaşınma, qızartı, sulanma, gözlərin “zığlanması” şikayətləri ilə müraciət edirlər. Bu şikayətlərdən başqa ilin bütün dövrlərində gözlərində az görmə, bulanıq və ya dumanlı görmə, yazıları oxuya bilməmək və iynə saplamaqda çətinlik çəkdiyini söyləyən xəstələr də klinikamıza müraciət edir. Həmçinin, diabet xəstələri də adətən öz həkimləri tərəfindən ildə ən azı bir dəfə oftalmoloq müayinəsi üçün yönləndirilir.

- Göz xəstəliklərinə əsasən hansı yaşlarda daha çox rast gəlinir?
- Bizə bütün yaş kateqoriyasından olan xəstələr müraciət edir. Müraciətdə, uşaqlar adətən az görmə və çəpgözlüklə əlaqədar, orta yaşlılar və gənclər - göz infeksiyası və allergiyaları, yaşlı xəstələr isə adətən katarakta, diabetik retinopatiya, hipertoniyaya bağlı göz dibi dəyişiklikləri olan və yazını görməkdə problem yaşayan xəstələr üstünlük təşkil edir.

- Gözdə sulanma halları nəyə işarədir?
- Bu halların bir çox səbəbi ola bilər və istənilən halda belə şikayəti olanlar həkim-oftalmoloq tərəfindən müayinə ediləndən sonra səbəbi aydınlaşır. Allergik xəstəliklərlə bağlı sulanma ən çox rast gəlinən hal olsa da, göz yaşı kanalının tıxanıqlığı, korneal və ya konyuktival yad cisimlər və keratit kimi digər göz xəstəlikləri mütləq həkim tərəfindən müayinə edilməlidir. Əks təqdirdə, çox ciddi fəsadlar baş verə bilər.

- Gözü infeksiyalardan necə qorumaq lazımdır?
- Şəxsi gigiyena qaydalarına əməl etmək çox mühümdür. Hər səhər üz yuyularkən göz qapaqları və kirpik dibi təmizliyinə diqqətlə yanaşmaq lazımdır. Gözlər üçün istifadə edilən kosmetik vasitələr diqqətlə seçilməli, keyfiyyətindən əmin olmadığınız vasitələrdən uzaq durmağa çalışmalısınız.

Xəbəri paylaş

1 8648 dəfə oxunub.

Digər xəbərlər

28-06-2015, 23:30 Dar cins şalvar geyinənlər bunu bilməlidir-HƏKİM

15-10-2022, 09:15 Türkiyədə mədəndəki qəzada ölənlərin sayı 28 nəfərə çatıb

14-12-2022, 12:08 Pərvin Abıyevanın anası ilə GÖRÜNTÜLƏRİ - FOTO

11-01-2021, 17:40 Bandotdel"dən daha bir ƏMƏLİYYAT: 11 nəfər SAXLANILDI

30-04-2016, 20:43 Bu marşrutların yolu dəyişdi - SİYAHI

5-12-2015, 15:27 “Azərişıq” Nardarana BU ŞƏRTLƏ işıq verəcək

25-01-2016, 11:32 Azərbaycanda əsəb həkimi əsəbiləşdi və...

28-03-2018, 12:24 16 yaşlı məktəbli qız qaçırıldı-Bakıda

28-11-2016, 00:33 Günün qoroskopu: maliyyə məsələləri baxımından əlverişli zamandır