Ermənilər Azərbaycanı talan edirlər

Ermənilər Azərbaycanı talan edirlər - Foto
Tarix: 04-07-2016 | Saat: 12:56
Bölmə:M / Karusel / Gündəm / Xəbəraz-ın debatı | çapa göndər

Şirift ölçüsü:

Ermənilər işğal olunan Azərbaycan torpaqlarındakı təbii sərvətləri talan etməkdə davam edirlər.

APA xəbər verir ki, Ağdamın işğal altında olan Şahbulaq yüksəkliyində daş karxanalarının sayı günü-gündən artır. Həmin karxanalarda doğranan mişar daşları Ermənistana aparılır.

Ərazidə aparılan işləri təmas xəttinə yaxın yaşayış məntəqələrindən də açıq-aydın müşahidə etmək mümkündür. Təmas xəttinə yaxın kəndlərdə yaşayan sakinlər bildiriblər ki, son bir ildə Şahbulaq dağ massivində qurulan daş karxanalarının sayı xeyli artıb: “Böyük ehtimalla bizim hərbçilərin görməməsi üçün karxanaya yolu arxa tərəfdən çəkiblər”.

Dağlıq Qarabağ münaqişəsinin müasir mərhələsi 1988-ci ildə Ermənistan SSR-in Azərbaycan SSR-ə qarşı ərazi iddiaları əsasında başlayıb.

1991-1994-cü illərdə Azərbaycanın Dağlıq Qarabağ ərazisi uğrunda Ermənistanla Azərbaycan arasında şiddətli müharibə baş verib. Nəticədə Azərbaycan ərazilərinin 20 faizi - Dağlıq Qarabağ və ətraf 7 inzibati rayon (Laçın, Kəlbəcər, Ağdam, Füzuli, Cəbrayıl, Qubadlı, Zəngilan) Ermənistan Silahlı Qüvvələri tərəfindən işğal olunub, 1 milyondan artıq insan qaçqın və məcburi köçkün vəziyyətinə düşüb. Hərbi əməliyyatlar 1994-cü ilin may ayında Bişkekdə Azərbaycan və Ermənistan arasında imzalanmış atəşkəs sazişi ilə başa çatıb.

Dağlıq Qarabağ münaqişəsinin həlli ilə ATƏT-in Minsk qrupu məşğul olur. Qrup ATƏM (1994-cü ilin dekabrında keçirilmiş Budapeşt sammitindən sonra ATƏT) Nazirlər Şurasının 1992-ci ilin 24 martında Helsinkidə keçirilmiş görüşündə yaradılıb. Qrupun üzvləri Azərbaycan, Ermənistan, Rusiya, Amerika Birləşmiş Ştatları, Fransa, İtaliya, Almaniya, Türkiyə, Belarus, Finlandiya və İsveçdir.

1996-cı ilin dekabrından onun Rusiya, ABŞ və Fransadan ibarət həmsədrlik institutu fəaliyyət göstərir.

Ermənistan qoşunlarının Dağlıq Qarabağdan qeyd-şərtsiz çıxarılması ilə bağlı BMT Təhlükəsizlik Şurasının 1993-cü ildə qısa fasilələrlə qəbul edilmiş 822, 853, 874 və 884 saylı qətnamələri, o cümlədən BMT Baş Assambleyası, AŞPA, ATƏT, İƏT və digər təşkilat və qurumların qətnamələri mövcuddur.

Xəbəri paylaş

6278 dəfə oxunub.

Digər xəbərlər

4-11-2021, 08:47 Nar qabıqlarının inanılmaz faydaları. RESEPTLƏR

12-06-2016, 13:10 AÇ-2016-da bu gün: Türkiyə Xorvatiyaya qarşı

15-07-2022, 00:53 Gəncədə qonşular arasında kütləvi dava - iki nəfər döyüldü

2-02-2019, 13:12 21 yaşlı qızın həyatını bir ədəd şokolad xilas etdi - Foto

3-08-2020, 17:48 Prezidentin köməkçisindən rayonlara gediş-gəlişlə bağlı AÇIQLAMA

2-04-2016, 20:48 Türkiyə prezidenti Qarabağ cəbhəsində baş verənlərə münasibət bildirdi

24-03-2017, 11:52 Bakıda taksi sürücüləri cəzalandırıldı - Fotolar

5-12-2018, 10:43 Bu qəsəbədə 2 gün işıq olmayacaq

3-07-2016, 18:03 Azərbaycan və Ermənistan prezidentləri avqustda görüşə bilər