Şahmatın ayrılmaz hissəsi olan şahmat bəstəçiliyi, bu qədim və müdrük oyunun gözəlliyini lövhə üzərində nümayiş etdirmək üçün gözəl bir vasitədir. Oyun zamanı həyata keçirilməsi mümkün olmayan fəndlərə, dövriyələrə,müxtəlif elementlərə məhz şahmat bəstələrində rast gəlmək mümkündür. Şahmat bəstəçiliyinin qədim tarixi vardır. Çox qədim zamanlarda təcrübi şahmat (şatranc) oyunu ilə yanaşı mövqe məsələləri (mənsubələr ) tərtib etmək sənəti yaranıb inkişaf etmişdir. Şahmat bəstələri oyunçulara öz ustalığını təkmilləşdirməyə, yaradıci təfəkkürünü inkişaf etdirməyə kömək edir, şahmatda səmərəli mübarizə aparmaq üçün əyani fəndlər öyrədir, vaxtı səmərəli və maraqlı keçirməyə xidmət edir.Dünya şahmat bəstəçiliyinin hərtərəfli inkişafında Azərbaycan bəstəçilərinin böyük rolu vardır.Rauf Əlövsətzadə, Məcnun Vahidov, Züleyxa Eyvazova, İlya Liokumoviç, Kənan Vəlixanov yeni mövzular tətbiq etməklə Respublikamızın adını dünya şahmat bəstəçiliyinin qızıl fonduna salmışlar. Mən şahmatın bu sahəsinin inkişafına səy göstərdiyinə görə, xəbəraz saytının rəhbərliyinə dərin minnətdarlığımı bildirirəm.