“Dağlıq Qarabağla bağlı gərginlik tezliklə aradan qaldırılmalıdır”

“Dağlıq Qarabağla bağlı gərginlik tezliklə aradan qaldırılmalıdır” - NATO rəsmisi
Tarix: 21-04-2016 | Saat: 18:03
Bölmə:M / Karusel / Siyasət | çapa göndər

Şirift ölçüsü:

“Dağlıq Qarabağ münaqişəsi ilə bağlı gərginlik tezliklə aradan qaldırılmalı və ATƏT-in Minsk qrupu həmsədrlərinin himayəsi alında diplomatik irəliləyişə nail olunmalıdır”.
APA-nın məlumatına görə, bunu NATO baş katibinin müavini Aleksandr Verşbou Ermənistanın müdafiə nazirinin birinci müavini David Tonoyanla görüşünün yekununa dair özünün “Twitter” səhifəsində yazıb.

O bildirib ki, Dağlıq Qarabağ münaqişəsinin hərbi yolla həlli ola bilməz.

Qeyd edək ki, Dağlıq Qarabağ münaqişəsinin müasir mərhələsi 1988-ci ildə Ermənistan SSR-in Azərbaycan SSR-ə qarşı ərazi iddiaları əsasında başlayıb. 1991-1994-cü illərdə Azərbaycanın Dağlıq Qarabağ ərazisi uğrunda Ermənistanla Azərbaycan arasında şiddətli müharibə baş verib. Nəticədə Azərbaycan ərazilərinin 20 faizi - Dağlıq Qarabağ və ətraf 7 inzibati rayon (Laçın, Kəlbəcər, Ağdam, Füzuli, Cəbrayıl, Qubadlı, Zəngilan) Ermənistan Silahlı Qüvvələri tərəfindən işğal olunub, 1 milyondan artıq insan qaçqın və məcburi köçkün vəziyyətinə düşüb. Hərbi əməliyyatlar 1994-cü ilin may ayında Bişkekdə Azərbaycan və Ermənistan arasında imzalanmış atəşkəs sazişi ilə başa çatıb.

Dağlıq Qarabağ münaqişəsinin həlli ilə ATƏT-in Minsk qrupu məşğul olur. Qrup ATƏT-in Nazirlər Şurasının 1992-ci ilin 24 martında Helsinkidə keçirilmiş görüşündə yaradılıb. Qrupun üzvləri Azərbaycan, Ermənistan, Rusiya, Amerika Birləşmiş Ştatları, Fransa, İtaliya, Almaniya, Türkiyə, Belarus, Finlandiya və İsveçdir.

1996-cı ilin dekabrından onun Rusiya, ABŞ və Fransadan ibarət həmsədrlik institutu fəaliyyət göstərir.

Ermənistan qoşunlarının Dağlıq Qarabağdan qeyd-şərtsiz çıxarılması ilə bağlı BMT Təhlükəsizlik Şurasının 1993-cü ildə qısa fasilələrlə qəbul edilmiş 822, 853, 874 və 884 saylı qətnamələri, o cümlədən BMT Baş Assambleyası, AŞPA, ATƏT, İƏT və digər təşkilat və qurumların qətnamələri mövcuddur.

Xəbəri paylaş

6128 dəfə oxunub.

Digər xəbərlər

3-09-2022, 11:33 Lənkəranda avtomobil kanala aşıb, bir nəfər ölüb

19-06-2015, 21:40 Məşhur dizayner Ledi Qaqanın Bakıdakı ifasının sirrini açdı - VİDEO

19-02-2016, 18:31 İlham Əliyev Fahri Hamzahı qəbul edib

13-05-2016, 04:11 Bakının sabiq prokuroru Moskvada dünyasını dəyişdi

25-08-2021, 13:02 “Shaurma 1”-lərin sahibi Natiq Sadıqov adam oğurluğunda təqsirli bilindiyinə görə ölkədən qaçdı?! – VİDEO

2-10-2016, 02:06 DİQQƏT: DYP-dən sürücülərə xəbərdarlıq: 30 manat cərimə

31-10-2015, 13:12 Elnarə Hindistanda çəkdirdiyi klipini təqdim edib - VİDEO

27-01-2018, 20:37 Türkiyə Super Liqasında baş məşqçi istefası

18-11-2019, 19:39 Üç gün, üç gecə toy etdilər - FOTOLAR