İlham Əliyevlə Sərkisyan ABŞ-da Qarabağdan danışdı

İlham Əliyevlə Sərkisyan ABŞ-da Qarabağdan danışdı
Tarix: 04-04-2016 | Saat: 16:00
Bölmə:M / Karusel / Siyasət / Araşdırma | çapa göndər

Şirift ölçüsü:

Prezident İlham Əliyev və Ermənistan prezidenti Serj Sərkisyan Vaşinqtonda ABŞ-ın vitse prezidenti Co Baydenla Dağlıq Qarabağ münaqişəsini müzakirə edib. Görüş Ağ Evdə baş tutub.

Prezident İlham Əliyev görüş zamanı Dağlıq Qarabağ münaqişəsinin həllində Birləşmiş Ştatların Azərbaycana verdiyi dəstəyə görə Co Baydenə minnətdarlığını bildirib. İlham Əliyev deyib ki, ATƏT-in Minsk qrupunun həmsədr ölkəsi kimi prezident Barak Obamanın mövqeyi çox əhəmiyyətlidir.

Co Bayden isə İlham Əliyev ilə görüşlərə böyük əhəmiyyət verdiklərini və bu görüşlərin Azərbaycan ilə ABŞ arasında əməkdaşlığın daha da genişlənməsinə, əlaqələrin yeni səviyyəyə qaldırılmasına xidmət etdiyini bildirib. O, ABŞ-ın Azərbaycanın ərazi bütövlüyünü və suverenliyini qətiyyətlə dəstəklədiyini, bunun Birləşmiş Ştatlar üçün böyük əhəmiyyət daşıdığını vurğulayıb.

Ermənistan prezidenti Serj Sərkisyan da Co Baydenlə görüşündə Dağlıq Qarabağ məsələsini müzakirə edib. Sarkisyan bildirib ki, Qarabağ münaqişəsinin nizama salınması prosesində ABŞ-ın aktiv iştirakı çox vacibdir: “Ermənistan rəhbərliyi hələ də dünya ictimayyətinə inanır. Dağlıq Qarabağ münaqişəsinin həllində ATƏT-in Minsk qrupu vasitəsi ilə ciddi addımlar atılacağına ümid edirik”.

Co Bayden isə Suriyadan köç edən qaçqınların qəbuluna və onlara yaradılan şəraitə görə Ermənistanın səylərini yüksək qiymətləndirib.

Bayden və Sərkisyan vurğulayıb ki, birgə səy olacağı təqdirdə müasir çağırışlara qarşı gəlmək mümkün olacaq. Sərkisyan ABŞ konqresinə Qarabağ münaqişəsinin həlli ilə bağlı göstərdiyi diqqətə görə də təşəkkürlərini bildirib.

Qeyd edək ki, İlham Əliyev və Serj Sərkisyan Nüvə Təhlükəsizliyi Sammitində iştirak etmək üçün Vaşinqtona səfərə gediblər. Bir müddət əvvəl prezidentlərin ABŞ-da görüşəcəyi barədə məlumatlar yayılsa da, daha sonra həmin fakt təsdiqini tapmamışdı.

Prezidentlərin son görüşü ötən il dekabrın 19-da İsveçrənin Bern şəhərində baş tutub. Görüş ATƏT-in Minsk Qrupunun təşəbbüsü ilə təşkil olunmuşdu.(anspress)

Xəbəri paylaş

6218 dəfə oxunub.

Digər xəbərlər

26-02-2019, 17:19 Xocalı qurbanları 1 dəqiqəlik sükutla yad edildi

14-07-2018, 13:11 “Bu saytlara qarşı da ciddi mövqe ortaya qoyulmalıdır” – Fazil Mustafa

10-06-2017, 19:47 “Sədərək”də yanğın

3-04-2023, 10:30 “Qadınlar boşanmağa meyllidir, azad sevgi istəyirlər...” - Yazıçıdan sərt ittiham

24-09-2017, 10:07 Belə etsəniz, paltarınızın rəngi solmaz - 6 FAYDALI MƏSLƏHƏT

18-05-2018, 14:23 "Hesablama Palatası haqqında" qanun layihəsi II oxunuşda qəbul edildi

27-01-2022, 12:42 Evli kişilərlə birlikdə olan qadınlar...

12-06-2017, 22:11 "Seriallardakı o səhnələrə çəkilmək..." - din xadimindən açıqlama

12-11-2017, 20:26 "Güləhməd" filminin çəkilişlərinə start verildi