Avropa Parlamenti “erməni soyqırımı”nı tanıdı- Qətnamə

Avropa Parlamenti “erməni soyqırımı”nı tanıdı- Qətnamə
Tarix: 16-04-2015 | Saat: 01:03
Bölmə:M / Dünya / M2 | çapa göndər

Şirift ölçüsü:

Bu gün Avropa Parlamentinin (AP) Brüsseldə keçirilən plenar iclasında qondarma “erməni soyqırımı”nın 100 illiyinin Ümümavropa anımına dair Qətnamə layihəsi müzakirə edilib.

Xeberaz.az APA-ya istinadən xəbərinə görə, AP-nin Avropa Liberal Demokratlar Alyansı adından bir neçə parlamentarın (Jan-Mari Kavada, Maryel de Sarnez, Xuan Karlos, Girauta Vidal, İvan Jakovçiç, Xavyer Nart, Frederik Reis, Pavel Teliçka) qondarma “erməni soyqırımının” 100 illiyinin Ümümavropa anımına dair irəli sürdükləri qətnamə layihəsinin müzakirələri ətrafında çıxış edən Avropa parlamentarlarının demək olar hamısı belə bir “soyqırımın baş verdiyini” söyləyiblər. Onlar Türkiyəyə və bu ölkənin hökumətinə qarşı müxtəlif ittihamlar səsləndirib, soyqırımı tanımağa və Ermənistanla münasibətləri normallaşdırmağa səsləyiblər.

Fransalı avroparlamentar Jan-Mari Kavada isə daha irəli gedərək, Türkiyənin prezidentini “100 il öncə qətlə yetirilmiş ermənilərin ruhu qarşısında baş əyməyə” çağırıb. Çıxış edən bir çox avropalı deputatlar üçün əsas istinad nöqtəsi isə Roma Papasının da “erməni soyqırımı” ifadəsini işlətməsi olub.

Ümumiyyətlə, bu gün keçirilmiş iclasda zalda oturanların əksəriyyəti ermənilərin müdafiəçisi kimi çıxış ediblər. Onlardan heç biri Türkiyənin mövqeyini dəstəkləməyib, ermənilərin törətdikləri soyqırımlarla bağlı bir cümlə də səsləndirməyib.

Avropa Komissiyası adından çıxış edən qurumun vitse-prezidenti Kristina Georgiyeva isə öz çıxışında “soyqırım” kəlməsini işlətmədiyi üçün bir neçə deputatın qəzəbinə tuş gəlib. Xanım Georgiyeva bu haqda suala cavab verərkən, “soyqırım” məsələsinin çox həssas olduğunu deyərək, AB-nə üzv ölkələri arasında bununla bağlı birmənalı mövqeyin olmadığını qeyd edib.

Qətnamə layihəsi səsə qoyularaq qəbul olunub.

Qeyd edək ki, qəbul olunmuş qətnamə layihəsində Avropadakı vətəndaş cəmiyyətlərini, parlamentarlar, assosiyasiyalar, mətbuat nümayəndələri, eləcə də Avropa Komissiyası, Avropa Birliyi Şurası və AP Ümümavropa anım mərasimini qeyd etməyə səslənilir.

Xəbəri paylaş

5968 dəfə oxunub.

Digər xəbərlər

23-05-2022, 13:24 Rüstəm Muradov: "Bacım oğlu həlak olub, amma mən sağ-salamatam" - YENİLƏNİB

11-04-2022, 14:10 Bakıda gecə klubunda yaralanan seneqallı qız ölüb? - AÇIQLAMA

7-10-2018, 11:24 Xalq artisti Amerikaya mühacirət edir - Efirdə ağladı

7-11-2016, 09:21 "Mersedes" "KamAZ"la toqquşdu: bir yaralı

25-01-2018, 12:02 Arsenal-Çelsiyə qalib gəldi

13-06-2015, 18:37 Bakıdakı qorxulu yanğınla bağlı rəsmi açıqlama (FOTO)

6-06-2022, 10:13 Toyda musiqi sifarişinə görə dava olub: Kişi, bacısı və arvadı bıçaqlanıb

30-04-2018, 10:45 ADNA faciəsindən 9 il ötür

5-10-2022, 10:32 Tanınmış amerikalı həkimdən SUPER TONİK - güclü immun sistemi və ürək, antibiotik effekti...