Pentaqon: Rusiya təyyarəsi Türkiyənin hava məkanını pozub

Pentaqon: Rusiya təyyarəsi Türkiyənin hava məkanını pozub
Tarix: 31-01-2016 | Saat: 11:45
Bölmə:M / Karusel / Siyasət | çapa göndər

Şirift ölçüsü:

Pentaqon Rusiyanın döyüş təyyarəsinin Türkiyənin hava məkanını pozmasına dair Ankaranın bəyanatını təsdiqləyib.

APA-nın məlumatına görə, bu barədə ABŞ Müdafiə Nazirliyinin nümayəndəsi Mark Rayt RİA "Novosti" agentliyinə bildirib.

M.Rayt Rusiya və Türkiyəni eskalasiyanın qarşısını almaq üçün danışıqlar aparmağa çağırıb.

"Rusiya döyüş təyyarəsinin yanvarın 29-da Türkiyə və NATO-nun havasərhədini pozması barədə məlumatlardan xəbərdarıq və bunu təsdiq edirik. Əvvəlki insidentlərdən sonra da bəyan etdiyimiz kimi, ABŞ da NATO kimi bu məsələdə Türkiyə ilə həmrəydir və biz Rusiyanı Türkiyənin hava məkanına hörmət etməyə, regionda qeyri-stabilliyə səbəb olan əməllərdən çəkinməyə çağırırıq. Rusların və türklərin eskalasiyanın qarşısını almaq üçün danışıqlar aparması vacibdir", - M. Rayt qeyd edib.

Qeyd edək ki, Rusiya Hərbi-Hava Qüvvələrinə məxsus SU-34 qırıcı təyyarəsi yanvarın 29-da yenidən Suriya istiqamətindən Türkiyənin havaməkanını pozub. Rusiya təyyarəsinin heyətinə rus və ingilis dilində dəfələrlə xəbərdarlıq edilib.

İnsidentlə əlaqədar Rusiyanın Ankaradakı səfiri Türkiyə XİN-ə çağırılıb, ona etiraz notası təqdim olunub.

"Türkiyə hava məkanının pozulmasına görə ortaya çıxa biləcək arzuolunmaz halların məsuliyyəti tamamilə Rusiyanın üzərinə düşəcək. Bu, Rusiyanın iki ölkə arasında böhranın daha da dərinləşməsini istəməsinin aşkar göstəricisidir", - deyə XİN-in bəyanatında bildirilir.

Rusiya Müdafiə Nazirliyi isə Türkiyə tərəfinin iddialarını rədd edib.

Xatırladaq ki, 2015-ci ilin noyabrın 24-də Suriya istiqamətindən Türkiyənin hava sərhədlərini pozan, Rusiyaya məxsus SU-24 bombardmançı təyyarə Türkiyə Hərbi Hava Qüvvələri tərəfindən vurulub. Ankara Rusiya təyyarəsinin ölkənin hava məkanını pozduğunu iddia edib. Rusiya tərəfi isə Türkiyənin hava məkanını pozulması faktını inkar edərək, insidenti təcavüz aktı kimi qiymətləndirib.

İnsident iki ölkə arasında münasibətlərin pisləşməsinə səbəb olub.

Xəbəri paylaş

5508 dəfə oxunub.

Digər xəbərlər

16-03-2015, 16:08 Prezident qəbul keçirdi

10-10-2020, 17:20 Ceyhun Bayramov Moskvada danışıqların uzanma səbəbini AÇIQLADI

17-03-2016, 19:14 Həlak olan neftçilərə abidə qoyulacaq (FOTO)

25-06-2015, 13:21 Bakıda yanan binanın içindən son görüntülər (VİDEO)

19-07-2017, 14:04 Bu ölkədə “WhatsApp” bloklandı

10-07-2022, 11:53 Nazilə Səfərli həbs olunub? - DİN-dən açıqlama

1-06-2017, 17:44 Şəhidin son istəyi yerinə yetirildi - Qızının göz yaşları... FOTOLAR

8-11-2018, 17:24 Gözəllik salonunda qadından 9 min pul oğurladı

28-11-2015, 11:58 Sinəsi çöldə qalan evdar qadının keks bişirməsi müzakirəyə səbəb oldu (VİDEO)