Ana Sayfa > Karusel / İqtisadiyyat / M2 > Bakıda evlərin qiymətləri ucuzlaşır

Bakıda evlərin qiymətləri ucuzlaşır


11-06-2015, 13:54. Yazar: Xeberaz
Bakıda evlərin qiymətləri ucuzlaşır
Bu ilin aprel ayında 1726, mayda isə 1564 ev satışa çıxarılıb.
Son aylarda əmlak bazarında baş verən proseslər satışa çıxarılan mənzillərin sayına təsir göstərir.

Xeberaz.az ANS PRESS-in məlumatına görə,xəbər verir ki, bu ilin aprel ayında 1726, mayda isə 1564 ev satışa çıxarılıb.

Ev alqı-satqı məntəqələrindən əldə olunan rəqəmlərə əsasən, Nəsimi, Nərimanov və Yasamal rayonlarının təklif portfelindəki payı mütləq çoxluq təşkil edib və onların ümumi payı 55.3 faizə çatıb. Bazarın bu seqmenti üzrə təklif edilən mənzillərin əksər hissəsi 1500 $/kv.m qiymətindən aşağı olan ucuz mənzillərdir. Bazardakı bahalı mənzillər, yəni hər kvadratmetrinin dəyəri 2000 $/kv.m-dən çox olan mənzillərin bazardakı payı isə 17.8 faiz təşkil edir. Bahalı mənzillərdə qeydə alınan orta bazar qiyməti isə 2348 $/kv.m olub.

Otaqlar üzrə mənzillərin vəziyyətinə gəldikdə, 1, 3 və 5-otaqlı mənzillərin sayında azalma baş verib. Təklif üzrə ən çox azalma 5-otaqlılar üzrə qeydə alınıb. 2 və 4- otaqlı mənzillərin təklif üzrə payında isə artım müşahidə olunub.

Ötən ay əksər layihələrdə nisbi qiymət azalması müşahidə olunub. Ay ərzində ən çox qiymət azalması köhnə "Xruşşovka"larda qeydə alınıb - 7.45 faiz.

Aktivlik əmsalına görə apreldə ən cəlbedici rayonlar Xətai, Yasamal və Nərimanov rayonları olub.
Geri dön