ANS-in yayımı bir aylıq dayandırıla bilər

ANS-in yayımı bir aylıq dayandırıla bilər
Tarix: 12-11-2015 | Saat: 22:51
Bölmə:Karusel / Gündəm / M2 | çapa göndər

“Qarşı tərəfi məlumatlandırmışdıq”.

Bakı Apellyasiya Məhkəməsində ANS Yayım və Media Şirkətinin Milli Televiziya və Radio Şurasına (MTRŞ) qarşı qaldırdığı iddia üzrə keçirilən prosesdə MTRŞ nümayəndəsi “Salam, Azərbaycan” verilişinin bir ay müddətinə bağlanmasının səbəblərini açıqlayıb.

Xəbəraz.az -ın Report-a istinadən məlumatına görə, MTRŞ-nın hüquq şöbəsinin müdiri Nemət Cavadov bildirib ki, həmin verilişdə reklam müddəti ilə bağlı müvafiq qanunvericiliyin tələbləri pozulub.

Bundan başqa, N.Cavadov “Salam, Azərbaycan” proqramının yayımı zamanı “TV-lərdə Nuşirəvan rep oxuyur bayquşa” cümləsi işlədilən mahnının efirə getməsinə də irad bildirib. O, “Salam, Azərbaycan” proqramında digər bir sıra qanun pozuntularının olduğunu da əlavə edib.

“Biz ANS TV-nin yayımını bir ay müddətinə dayandıra bilərdik. Bununla bağlı qarşı tərəfi teleqram vurmaqla məlumatlandırmışdıq”, - N.Cavadov bildirib.

Məhkəmədə çıxış edən ANS Yayım və Media Şirkətinin nümayəndələri isə bildirib ki, MTRŞ “Salam, Azərbaycan” proqramının bağlanması barədə qərar qəbul etməsi ilə qanun pozuntusuna yol verib.

Qeyd edək ki, bu gün Bakı Apellyasiya Məhkəməsində ANS Yayım və Media Şirkətinin Milli Televiziya və Radio Şurasına qarşı qaldırdığı iddia üzrə apellyasiya şikayətinə baxılıb. Məhkəmə ANS-in MTRŞ-ya qarşı iddiasını təmin etməyib.

Xatırladaq ki, MTRŞ bir müddət əvvəl ANS televiziyasının efirində yayımlanan “Salam, Azərbaycan” proqramında vətəndaşların Azərbaycan Konstitusiyası ilə müəyyənləşdirilmiş hüquq və azadlıqlarına hörmətlə yanaşılmadığını, insanların şərəf və layəqətinin alçaldılmasına, işgüzar nüfuzunun ləkələnməsinə, birtərəfliyə yol verildiyini, sponsorluqla bağlı qanunvericiliyin tələblərinin pozulduğunu əsas gətirərək, ANS televiziyasının efirində yayımlanan “Salam, Azərbaycan” proqramının yayımının 6 oktyabr 2015-ci il tarixdən etibarən 10 gün müddətinə dayandırılması barədə qərar qəbul edib. ANS məhkəmədən həmin qərarın ləğv edilməsini istəyib.

Xəbəri paylaş

6368 dəfə oxunub.

Digər xəbərlər

21-09-2015, 22:14 Rusiyanın Suriyadakı səfirliyini minaatanlardan atəşə tutdular

7-10-2016, 14:13 Ermənilərin növbəti təxribatına cavab verilib - FOTO

17-08-2018, 12:27 Bakıda “avtobus manyakı” peyda olub: Bıçağı qarnınıza soxacağam

12-02-2016, 14:36 Dollar niyə ucuzlaşır? - TƏHLİL

3-04-2023, 14:48 Azərbaycanda işıq pulu bahalaşacaq? - Nazir müavinindən AÇIQLAMA

3-03-2022, 01:28 Vilayət Eyvazov polkovniki nöqsanlara görə İŞDƏN ÇIXARDI - FOTO

22-12-2015, 17:39 İŞİD yaraqlıları Suriyada doqquz məktəblini öldürdülər

14-05-2022, 10:17 Elm sübut etdi: Tənbəllik – yüksək şüurun əlamətidir

26-07-2018, 16:38 Zaqatalada itkin düşən çobanın meyiti tapıldı