Kreditə görə qaynını qətlə yetirdi

Kreditə görə qaynını qətlə yetirdi
Tarix: 25-10-2015 | Saat: 11:58
Bölmə:Karusel / Hadisə / M2 | çapa göndər

Ötən gün Ağsu rayonunda törədilmiş qətlin təfərrüatı məlum olub. Xəbəraz.az-ın Lent.az-a istinadən əldə etdiyi məlumata görə, 22 oktyabr saat 19 radələrində rayonun Kalva kəndində 34 yaşlı Hacıyev Elşən Sevdayı oğlu Şamaxı rayonunda yaşayan və onun evinə qonaq gələn bacısının həyat yoldaşını, 1975-ci il təvəllüdlü Zeynalov Asif Adil oğlunu mübahisə zəminində öldürüb.

İlkin araşdırma nəticəsində məlum olub ki, bir müddət əvvəl ailə üzvlərinin və qohumlarının istəyi ilə A.Zeynalov bankdan 7 min manata yaxın pul götürüb və pulu danışdıqları kimi qayını E.Hacıyevə verib. E.Hacıyev də bu pula avtomobil alıb və ödənişləri vaxtı-vaxtında həyata keçirəcəyinə söz verib. Lakin bir neçə ay keçəndən sonra E.Hacıyev yeznəsinin bankdan götürüb ona verdiyi kreditin ödənişlərini gecikdirməyə başlayıb. Bankdan tez-tez xəbərdarlıq zəngləri alan A.Zeynalov dəfələrlə E.Hacıyevə aylıq ödənişləri çatdırmasını bildirsə də, qayını pul verməyib.

Dünən isə A.Zeynalov həyat yoldaşını da götürərək, Şamaxıdan Ağsunun Kalva kəndinə gəlib. O, həyat yoldaşına deyib ki, anası ilə söhbət eləsin və Elşəni ödənişləri etməsinə razı salsınlar.

A.Zeynalov özü isə evdən bir qədər aralıdakı təsərrüfata gedib və burada qayını ilə mübahisə edib. Mübahisə zəminində o qaynını hədələyib və əlindəki balta ilə onun başını partladacağını deyib. E.Hacıyev isə yeznəsinə fermada gözləməsini deyib və evə gedərək tüfəngi götürüb. O, təsərrüfata çatmamış 30-40 metr məsafədən yeznəsi istiqamətinə atəş açıb. Ayaq nahiyəsindən iki güllə yarası alan A.Zeynalov xəstəxanaya aparılarkən keçinib.

Bildirilir ki, E.Hacıyev yeznəsinin xəstəxanaya çatdırılmasına kömək edib. O, bildirib ki, yeznəsinə öldürmək məqsədi ilə deyil, qorxutmaq üçün atəş açıb və buna görə də tüfəngin lüləsini aşağı tutub.

O da məlum olub ki, A.Zeynalovun ayağına dəyən qırmalar əslində öldürücü olmayıb. Sadəcə ilkin tibbi yardım edilmədiyindən o qanitirmədən keçinib.

Xəbəri paylaş

6098 dəfə oxunub.

Digər xəbərlər

4-06-2018, 10:30 İki məşhur arasında mübarizə belə nəticələndi - "Maşın" şou

5-07-2017, 22:19 Zəhranın çarpayısında yatmadığı ilk gecə... - Foto+ Video

1-12-2016, 19:33 “Bakı Metropoliteni”ndən müraciət

27-11-2017, 16:40 Omar Momani "Qarabağ" forması ilə – FOTO

14-10-2015, 20:52 Ünvanlı sosial yardıma ehtiyacı olanlar yeni metodla qiymətləndiriləcək

30-01-2018, 09:51 Qurban Qurbanovun millimizdə ilk sınağı

2-12-2015, 21:15 Salyanda 6 yaşlı uşaq hovuzda boğuldu

7-07-2016, 02:17 Bakı şeyxlərinin qızılı “Galendewagen”i Odessada cərimə meydançasına aparıldı

8-01-2021, 15:05 Təltif edilən prokurorların sayı açıqlandı