Naxçıvan Muxtar Respublikası
9 - 14°
- 5 - 10°
Qazax, Gəncə, Goranboy, Tər-Tər, Ağdam, Füzuli, Cəbrayıl
9 - 14°
0 - 5°
Mərkəzi-Aran
9 - 4
0 - 5
Masallı, Yardımlı, Lerik, Lənkəran, Astara
7-11°
0-3°
Bakıda və Abşeron yarımadasında
8-10°
2-4°
Azərbaycanda işıq pulu arta bilər
Tarix: 23-03-2015 | Saat: 22:11
Bölmə:Karusel / Gündəm / Fotogalereya | çapa göndər

Azərbaycanda işıq pulu arta bilər
Xeberaz.az Xəbər verir ki, “Azərbaycan manatının ucuzlaşmasından sonra bır sıra dövlət şirkətlərinin maliyyə vəziyyəti xeyli pisləşib. Onlar arasında "Azərenerji" Açıq Səhmdar Cəmiyyəti (ASC) xüsusilə fərqlənir”.

Modern.az-ın məlumatına görə, bunu iqtisadçı Qubad İbadoğlu bildirib. Onun sözlərinə görə, kredit borcu əsasən valyuta ilə olan və xaricdən dövlət təminatı ilə ən çox kredit götürən "Azərenerji" ASC-i manatın devalvasiyasından sonra özünəməxsus maliyyə vəsaitləri hesabına borc öhdəliklərini yerinə yetirə bilməyəcək.

”Bununla yanaşı, şirkətin sürətlə artan investisiya öhdəlikləri (4 milyard dollardan çox) və vergi borcları (1 milyard dollar manatadək) onun hazırkı situasiyada maliyyə sabitliyini daha pisləşdirib, ödəmə qabliyyətini aşağı salıb. Şirkətin istehsal etdiyi məhsulun maya dəyərinə yanacaq, maşın və avadanlıqlar xərcləri əhəmiyyətli paya malikdir. Belə ki, "Azərenerji" ASC-də yanacaq xərcləri şirkətin əməliyyat xərclərinin təqribən yarısını təşkil edir. Əgər "Azərenerji" ASC-yə ARDNŞ-nin satdığı qazın qiymətlərində ucuzlaşma baş verməzsə və onun kreditor borcları dövlət büdcəsi hesabına ödənilməzsə, «xərclər-plus» mexanizmi ilə tariflərin müəyyənləşdirməsinə keçilməyəcəyi təqdirdə şirkətin defolt olması ehtimalı yüksəkdir”.

Q.İbadoğlu deyir ki, vəziyyətdən çıxmaq üçün mümkün olan yolların hər biri müxtəlif səviyyəli riskə malikdir. Ən pisi də odur ki, hər 2 halda risklər sosial xarakterlidir.

”Vəziyyətdən çıxmaq üçün 2 yol var. Birincisi, kreditor borclarının büdcədən qarşılanmasıdır. Lakin, neft qiymətləinin kəskin ucuzlaşması səbəbindən proqnozlaşdırılan gəlirlərin yarısına belə, malik olmayan Dövlət Neft Fondunun dövlət büdcəsinə transfer öhdəliklərində yaranan çətinliklər fonunda büdcə xərclərinin artımı deyil, ixtisarı daha çox ehtimal olunur. İkinci yol isə enerji tariflərinin «xərclər plyus» mexanizmi ilə tənzimlənməsidir. Bu sistemə keçid elektrik enerjisininin qiymətləinin bahalaşmasını şərtləndirir. Onun ardınca isə "Bakı metropoliteni" və "Azərbaycan dəmir yolları" qapalı səhmdar cəmiyyətlərində (QSC) sərnişinlər üçün gediş haqqının bahalaşması baş verə bilər. Bu yol sosial baxımdan daha riskli olsa da, hökümətin hazırkı maliyyə durumunda daha real görsənir. Odur ki, elektrik enerjisinin qiymətinin bahalaşması labüddür və Tarif Şurasından belə qərarı istənilən anda (daha çox ehtimal olunan yay aylarında) gözləmək mümkündür. Amma, hökümət onu da nəzərə almalıdır ki, ərzaq xərclərinin bahalaşdığı indiki dövrdə bir çox ailələr hətta hazırkı tariflə elektrik enerjisini ödəməkdə çətinlikərlə qarşılaşırlar”


Xəbəri paylaş

6358 dəfə oxunub.

Digər xəbərlər
bütün xəbərlər
____ Instagram ___