Həkimlərə yeni - Qadağa

Həkimlərə yeni - Qadağa
Tarix: 14-10-2016 | Saat: 14:51
Bölmə:Karusel / Səhiyyə / Bizim seçim | çapa göndər

Azərbaycanda bioloji fəallığa malik qida əlavələrinin həkim reseptinə yazılması qadağan edilib.

Report-un xəbərinə görə, bununla bağlı Milli Məclisin plenar iclasında “Dərman vasitələri haqqında” qanununa dəyişiklik layihəsi müzakirəyə çıxarılıb.

Qanuna 14-1 maddəsi əlavə olunub.Əlavəyə əsasən, bioloji fəallığa malik qida əlavələri orqanizmin gücləndirilməsi, qidanın zənginləşdirilməsi məqsədi ilə həkim tərəfindən tövsiyə oluna bilər, lakin xəstəliklərin qarşısının alınması və ya müalicəsi məqsədilə təyin olunan dərman vasitələrini əvəz etmir. Bioloji fəallığa malik qida əlavələrinin həkim reseptinə yazılması qadağandır.

Layihəyədə qeyd edilir ki, bioloji fəallığa malik qida əlavələri dərman vasitəsi ilə eyni tərkibli ola bilməz. Bioloji fəallığa malik qida əlavələrinin dərman vasitələri ilə eyni təkibli olub-olmaması müəyyən etmək məqsədilə bioloji fəallığa malik qida əlavələri müvafiq icra hakimiyyəti orqanı tərəfindən ekspertizadan keçirilir. Bioloji fəallığa malik qida əlavələrinin ekspertizadan keçirilməsi qaydası müvafiq icra hakimiyyəti orqanı tərəfindən müəyyən edilir.

Bioloji fəallığa malik qida əlavələrinin üzərində və onların istifadəsi təlimatlarında (içlik vərəqələrində) aydın, seçilən, qalın hərflərlə, silinməsi mümkün olmayan tərzdə çap olunmuş “dərman vasitəsi deyildir” yazılmalıdır.
Bioloji fəallığa malik qida əlavələrinin satışı aptek təşkilatılarında, ərzaq mağazalarında və bu məqsədlər üçün təşkil olunmuş xüsusi köşklərdə sanitar-gigiyenik tələblərə əməl edilməklə həyata keçirilir.

Dəyişiklik layihəsi səsə qoyularaq qəbul edilib.

Qeyd edək ki, bioloji fəallığa malik qida əlavələri qida rasionunu zənginləşdirmək məqsədi ilə bitki, heyvan, mineral mənşəli və ya kimyəvi yolla alınmış bioaktiv maddələr və onların komplekslərinin farmasevtik formada hazırlanaraq gündəlik qəbuletmə dozası müəyyənləşdirilmiş məhsullar hesab edilir.

Xəbəri paylaş

7548 dəfə oxunub.

Digər xəbərlər

25-10-2022, 10:38 “WhatsApp”da maraqlı yenilik - FOTO

20-02-2017, 21:17 Göygöldə iki “VAZ” toqquşdu - ər ilə arvad xəsarət aldı

18-07-2016, 01:23 “Qalatasaray” “Sürix”i darmadağın etdi

27-01-2016, 13:03 Aydın Əliyev: "İdxal olunan malların və nəqliyyat vasitələrinin gömrük rəsmiləşdirilməsində yenilik edilib"

1-02-2016, 16:53 TMH: “Bağışla” Funda Ararın yox, Miri Yusifindir – FOTO + VİDEO

24-08-2018, 15:31 Rus jurnalist:"Azərbaycanda kişilər bizim qızlara yaxınlıq edirlər"

19-09-2015, 11:21 Bakıda qanlı gecə: Oğul toyuna hazırlaşan ata öldürüldü – FOTO

20-09-2015, 17:47 “Əlilləri işə götürənlər bu anlayışı hələ də başa düşməyiblər“

13-11-2018, 18:45 Prezident bir qrup şəxsi təltif etdi - Siyahı