Azərbaycanın tanınmış bəstəkarı vəfat etdi

Azərbaycanın tanınmış bəstəkarı vəfat etdi
Tarix: 31-08-2016 | Saat: 12:49
Bölmə:Karusel / Gündəm / Hadisə | çapa göndər

Şirift ölçüsü:

Xalq artisti, bir çox tanınmış uşaq mahnılarının bəstəkarı Oqtay Zülfüqarov bu gün səhər saatlarında dünyasını dəyişib. Bu barədə bəstəkarın oğlu Cahangir Zülfüqarov məlumat verib.

Tanınmış bəstəkar yarım saat əvvəl ürək-böyrək çatışmazlığından 87 yaşında dünyasını dəyişib. O. Zülfüqarov 7 ildir böyrək çatışmazlığından əziyyət çəkirmiş. O, uzun müddət bu xəstəlikdən müalicə edilib.

Xalq artisti ilə vida mərasimi saat 13:00-da Təzə Pir məscidində olacaq. O, ikinci Fəxri Xiyabanda dəfn ediləcək.

Xatırladaq ki, Oqtay Qədir oğlu Zülfüqarov 1929-ci ildə hakim ailəsində dünyaya gəlib. Musiqi Məktəbinin violoncel sinfini, A. Zeynallı adına Musiqi Məktəbi və Dövlət Konservatoriyasının violoncel sinfində təhsil alıb, professor Qara Qarayevin tələbəsi olub. O, uşaqlar üçün yazılan ‘‘Qız-ulduz‘‘, ‘‘Pişik və Sərçə‘‘ və ‘‘Meşə nağılı‘‘ operalarını da yazdı. ‘‘Şəngülüm, Şüngülüm və Məngülüm‘‘ adlı musiqili komediya, violoncel və fleyta üçün konsertlər, simfonik poemalar, kantatalar, dörd simfoniya, instrumental pyeslər, teatr və kino üçün musiqi yazan bəstəkarın böyük simfonik orkestr üçün yaratdığı ‘‘Şənlən mənim xalqım‘‘ uvertürası kimi bir çox məşhur musiqi əsərlərinin müəllifidir. 2010-2012 illərdə O.Zülfüqarov ‘‘Məlik Məmməd‘‘ nağılı əsasında uşaqlar üçün ‘‘Sehrli alma‘‘ iki hissəli balet, eyni zamanda musiqi dərslikləri yazıb. Uzun illər ‘‘Tumurcuq‘‘ və ‘‘Aysel‘‘ Uşaq Mahnı Teatrı Oqtay Zülfüqarovun rəhbərliyi altında Azərbaycan Dövlət Televiziyasında verlişlər hazırlayıb. Musiqi ilə yanaşı bəstəkar həm də şeirlər yazıb və onlar ‘‘Oxuyur Aysel‘‘ adlı topluda işıq üzü görüb. 1972-ci ildə Azərbaycan incəsənət xadimi, 2000-ci ildə Xalq artisti fəxri adına layiq görülüb. 2009-ci ildə ‘‘Şöhrət ordeni‘‘ ilə təltif edilib. Prezident təqaüdçüsü olan bəstəkar uzun illər Dövlət Uşaq Filarmoniyasının bədii rəhbəri işləyib.
Allah rəhmət eləsin!

Xəbəri paylaş

7748 dəfə oxunub.

Digər xəbərlər

26-06-2015, 21:06 Bakı-2015: Cüdo yığmamız ippona düşdü - YENİLƏNİB

13-06-2020, 20:11 Bu şəxslərə telefonlarını söndürmək qadağan edildi – QƏRAR

7-06-2023, 09:49 Toy gecəsi FACİƏ: Bəylə gəlinin yataq otağında meyitləri tapıldı

10-07-2015, 19:36 Telman İsmayılovun dostu - dünya miqyaslı mafiozun sirli dosyesi

15-09-2019, 11:02 Bakıda hündürlükdən yıxılan şəxs öldü

8-11-2019, 14:57 Zaxarovadan Qarabağ AÇIQLAMASI

2-10-2017, 11:18 “Maşın”da onlar yarışacaq - Qalmaqallı məşhurlar da var

17-06-2017, 11:35 MN: Dünən cəbhədə 5 erməni hərbçisi öldürülüb

1-03-2022, 21:32 SON dəqiqə! NATO Ukrayna ilə bağlı qərar verdi – ölkə təkləndi