Naxçıvan Muxtar Respublikası
9 - 14°
- 5 - 10°
Qazax, Gəncə, Goranboy, Tər-Tər, Ağdam, Füzuli, Cəbrayıl
9 - 14°
0 - 5°
Mərkəzi-Aran
9 - 4
0 - 5
Masallı, Yardımlı, Lerik, Lənkəran, Astara
7-11°
0-3°
Bakıda və Abşeron yarımadasında
8-10°
2-4°
700 bal toplayan qızın UĞUR HEKAYƏSI
Tarix: 19-07-2016 | Saat: 09:28
Bölmə:Karusel / Təhsil | çapa göndər

700 bal toplayan qızın UĞUR HEKAYƏSI

Tələbə Qəbulu üzrə Dövlət Komissiyasının iyulun 15-də keçirdiyi imtahanda I və IV qruplar üzrə 6 nəfər 700 ball toplayıb.

Həmin yüksək nəticə göstərən abituriyentlərdən biri də Qazax rayonu Canallı kənd tam orta məktəbinin məzunu İsmayılıova Səbinə Emil qızıdır.

"Xəbəraz.az " Day.Aza istinadən xəbər verir ki, Səbinə 2005-ci ildə orta məktəbə qədəm qoyub. Məktəbə getdiyi gündən də istedadı ilə fərqlənən bir şagird olub. Atası hərbçi, anası müəllim olan Səbinə həm də özündən kiçik olan iki qardaşının da dərslərini hazırlamaqda onlara həmişə kömək edərmiş. Riyaziyyat fənnini digər fənnlərdən daha çox sevsə də, uşaq vaxtlarından həkim olmağı arzulayırmış. Bizimlə söhbətində bildirdi ki, həmişə yaxşı həkim olub insanların sağlamlığının qeydinə qalmaq istəyib: "Çox sağ olsun ki, valideynlərim də, müəllimlərim də mənim bu arzuma həmişə dəstək olublar. Buna görə də bəzən dayanmadan, dincəlmədən oxuyub, hazırlaşmışam ki, hamının ümidini, arzusunu doğruldum". Hər bir fənni eyni dərəcədə, eyni məsuliyyətdə oxuyan Səbinə xanım müəllimlərinin hamısından böyük razılıq edərək "Ailəmizdə həmişə elmə, təhsilə, savada böyük önəm verildiyinə görə biz hamımız da oxumağa həvəsli olmuşuq. Bir də ki elm və təhsil həmişə Qazaxda çox güclü olub" dedi.

Səbinə xanım, həmçinin onu da bildirdi ki, qəbul imtahanlarına hazırlaşdığı dövrdə məktəb direktorları Ulduzə xanım bildirib ki, bu ildən başlayaraq, Qazax rayonundan ən yüksək balla ali məktəblərə qəbul olan tələbələr üçün qazaxlı iş adamı Arzuman müəllim tərəfindən "Hilal" mükafatı təsis edilib və birinci yerə çıxan tələbəyə 1000, ikinci yerə çıxan tələbəyə 800, üçüncü yerə çıxan tələbəyə isə 700 manat pul mükafatı veriləcək. Bu xəbəri eşidəndən sonra hamı kimi mən də daha çox oxuyub, hazırlaşmağa başladım ki, mükafat alanlar sırasına düşüm. Bəlkə də elə onun da təsiri oldu ki, belə ən yüksək balı topladım.

Səbinə xanım Azərbaycan Tibb Universitetinin Müalicə işi ixtisası üzrə təhsil almaq istəyir.

Sonda Səbinə xanım valideynlərinə, müəllimlərinə və ona dəstək olan hər kəsə minnətdarlığını bildirərək, bundan sonra da qəbul olub oxuyacağı həkimlik ixtisasında da nümunəvi təhsili, tərbiyəsi ilə hamını sevindirəcəyinə söz verdi.


Xəbəri paylaş

8618 dəfə oxunub.

Digər xəbərlər
bütün xəbərlər
____ Instagram ___