İrəvanda fəlakət ssenarisi: “Təcili güzəştə getməliyik”

İrəvanda fəlakət ssenarisi: “Təcili güzəştə getməliyik”
Tarix: 19-04-2016 | Saat: 12:24
Bölmə:Karusel / Gündəm / M2 | çapa göndər

Şirift ölçüsü:

Ermənistan iqtisadi cəhətdən Azərbaycandan geri qalır və onun inkişafını izləyə bilmir. Buna görə biz Qarabağ məsələsində təcili olaraq güzəştə getməliyik. Nə qədər gec deyil, daha az itki ilə bu prosesi başa çatdırmalıyıq.

Publika.az xəbər verir ki, bu barədə Ermənistanın “1in.am” saytında yayımlanan məqalədə deyilir.

Erməni müəllif Yeqiazar Ayntabsinin qələmə aldığı məqalədə İrəvan rejimi 22 il ərzində xalqı aldatmaqda ittiham olunur: “I Qarabağ müharibəsində atəşkəsdən sonra 22 il ərzində biz 2200 dəfə eşidirdik ki, münaqişə artıq müharibə sferasından çıxaraq siyasi meydana keçib və burada diplomatiya, eləcə də iqtisadiyyat əsasdır. Amma hakimiyyət 22 il ərzində bunlardan heç birini etmədi. Əgər yarısını belə etsəydilər, onda “dördgünlük müharibə”də tamamilə başqa nəticə əldə edilər, Qarabağ münaqişəsinin nizama salınmasında həm daxili, həm də xarici dəstək qazanılardı. Uzun illər biz danışmağa öyrəşdik ki, Azərbaycanda neft və qaz var, biz iqtisadi cəhətdən onun arxasınca çata bilmirik. Amma biz bundan nəticə çıxara bilmədik. Hansı ki, burada iki fövqəladə nəticə əldə olunmalı idi.

Birincisi: bizdə obyektiv səbəbdən resurslar yoxdursa, iqtisadi rəqabətə dözə bilmiriksə, onda mümkün qədər tez güzəştə getməliyik.

İkincisi: ilk fikrin əksinə olaraq, biz milli birliyə nail olmalı idik”.

Müəllif qeyd edir ki, birinci variant Levon Ter-Petrosyanın dövründə gündəmdə idi:

“90-cı illərin sonlarında belə qərar verilmişdi ki, güzəştə edərək münaqişənin həllinə nail olunur. İkinci variant Robert Koçaryanın dövründə gündəmdə idi. Serj Sərkisyanın “dördgünlük müharibə”dən sonra Petrosyanla görüşməsi onun da birinci variant haqda düşündüyünü göstərir. Lakin artıq bu da çox gec görünür. Həqiqətən də, Azərbaycan öz neft və qazı ilə Ermənistanı geridə qoyub və biz çətin ki, onun səviyyəsinə çataq. Buna görə də daha çox itki vermədən təcili güzəştə getməliyik”.

Ermənistanda dövlət bəhanəsi ilə “bandokratiya” yaradıldığını qeyd edən müəllif yazır ki, İrəvan hakimiyyəti daxilində Qarabağ məsələsində təcili güzəştə getməyin tərəfdarları var: “Lakin ümumi bandokratiya buna imkan vermir. Halbuki, bu, dövləti qorumaq yox, onu məhv etmək siyasətidir”.

Xəbəri paylaş

5818 dəfə oxunub.

Digər xəbərlər

18-09-2017, 18:40 Sabirabadda iki oğlanın “xınayaxdı” DƏHŞƏTİ: qızı zorla maşına mindirdilər, sonra... - ŞOK TƏFƏRRÜAT

15-07-2019, 00:07 Sərnişin avtobusu qəzaya uğrayıb, ölənlər və yaralananlar var - VİDEO

10-08-2022, 13:09 Azyaşlıların ziyarətgahlara gedişini təşkil edən qadın saxlanıldı

8-08-2016, 02:42 Aylıq kredit borcunu gecikdirənlər diqqət ekrana! - VİDEO

26-05-2015, 19:17 Azərbaycanda mobil telefon nömrələrinin sayı açıqlanıb

4-09-2016, 11:32 ABŞ-da güclü zəlzələ baş verib

5-12-2017, 11:59 Səudiyyə Ərəbistanının vəliəhdi “İlin adamı” seçildi

8-07-2015, 18:31 Nabrandakı qətllə bağlı rəsmi məlumat - VİDEO

18-10-2021, 08:47 Nadir Qafarzadə fəxri ad davası etdi: "Haqqımı tələb edirəm"