Jurnalist Rasim Əliyevin qətli ilə bağlı məhkəmə iclasına şahidlər məcburi qaydada gətiriləcək

Jurnalist Rasim Əliyevin qətli ilə bağlı məhkəmə iclasına şahidlər məcburi qaydada gətiriləcək
Tarix: 13-04-2016 | Saat: 13:14
Bölmə:Karusel / Gündəm / M2 | çapa göndər

Şirift ölçüsü:

Bu gün Səbail Rayon Məhkəməsində ann.tv saytının əməkdaşı Rasim Əliyevin döyülərək öldürülməsi işi üzrə həbs edilən "Qəbələ" klubunun sabiq kapitanı Cavid Hüseynovun cinayət işi üzrə məhkəmənin növbəti iclası keçirilib.
"Report"un məlumatına görə, hakim Elmar Rəhimovun sədrliyi ilə keçirilən prosesdə R.Əliyevin anası Teyfurə Əliyeva məhkəmə heyətinin, dövlət ittihamçısının və C.Hüseynovun vəkili Adəm Məmmədovun suallarını cavablandırıb. A.Məmmədov vəsatətlə çıxış edib və şahidlərin məhkəmə iclasına məcburi gətirilməsini istəyib. Vəsatət təmin edilib.
Məhkəmənin növbəti prosesi aprelin 27-nə təyin olunub.
Qeyd edək ki, Bakı şəhər sakini, ann.tv-nin əməkdaşı Əliyev Rasim Məmmədəli oğlu 2015-ci ilin avqust ayının 8-də paytaxtın Bayıl qəsəbəsi ərazisində bir qrup şəxs tərəfindən döyülərək çoxsaylı bədən xəsarətləri ilə Kliniki Tibbi Mərkəzə yerləşdirilib və avqustun 9-da orada vəfat edib. Bununla bağlı Bakı şəhər Prokurorluğunda Cinayət Məcəlləsinin 126.3-cü (qəsdən sağlamlığa ağır zərər vurma, zərərçəkmiş şəxsin ölümünə səbəb olduqda) maddəsi ilə cinayət işi başlanıb. Faktla Elşən İsmayılov, Camal Məmmədov, Arif Əliyev, Kənan Mədətov və Samir Mustafayev barəsində həbs qətimkan tədbiri seçilib. O cümlədən, "Qəbələ" klubunun sabiq kapitanı Cavid Hüseynov da R.Əliyevin döyülərək qətlə yetirlməsi ilə əlaqədar açılan cinayət işi üzrə şübhəli şəxs qismində saxlanılıb. C.Hüseynovun bibisi oğlu E.İsmayılovun təşkilatçılığı ilə ağır cinayətin hazırlanmasını bilərək bu barədə xəbər verməməsi, cinayətin törədilməsindən sonra isə qabaqcadan vəd etmədən onun gizlədilməsinə yönələn hərəkətlərə yol verməsində əsaslı şübhələr olduğundan ona Cinayət Məcəlləsinin 307.1 (ağır cinayətin hazırlanmasını və ya törədilməsini bilərək həmin cinayət barəsində xəbər verməmə) və 307.2-ci (qabaqcadan vəd etmədən ağır cinayəti gizlətmə) maddələrində nəzərdə tutulan ittiham elan olunub və barəsində məhkəmənin qərarı ilə həbs qətimkan tədbiri seçilib.
Bakı Şəhər Prokurorluğunda başlanan cinayət işinin istintaqı keçən il dekabrın 22-də tamamlanıb. K.Mədətov, C.Məmmədov və S.Mustafayevin Cinayət Məcəlləsinin 126.3-cü (qəsdən sağlamlığa ağır zərər vurma, zərərçəkmiş şəxsin ölümünə səbəb olduqda), E.İsmayılov və A.Əliyevin isə həmin Məcəllənin 126.3 və 177.1-ci (oğurluq) maddələri ilə təqsirləndirilmələrinə dair cinayət işi üzrə ittiham aktı təsdiqlənərək baxılması üçün Bakı Ağır Cinayətlər Məhkəməsinə göndərilib.
2016-cı il aprelin 1-də keçirilən iclada hökm oxunub. Məhkəmənin hökmü ilə E.İsmayılov 13, A.Əliyev 12 il 6 ay, C.Məmmədov 11 il, S.Mustafayev və K.Mədətov 9 il müddətinə azadlıqdan məhrum edilib.
Cinayət işinin materiallarından C.Hüseynovun Cinayət Məcəlləsinin 307.1 (ağır cinayətin hazırlanmasını və ya törədilməsini bilərək həmin cinayət barəsində xəbər verməmə) və 307.2-ci (qabaqcadan vəd etmədən ağır cinayəti gizlətmə) maddələri ilə təqsirləndirilməsinə dair ayrıca icraata cinayət işi ayrılıb və "Qəbələ"nin futbolçusunun işi Səbail Rayon Məhkəməsinə göndərilib.

Xəbəri paylaş

6598 dəfə oxunub.

Digər xəbərlər

25-04-2016, 22:59 Cəhənnəm NASA-nın məxfi sənədlərində - Şok

15-08-2016, 19:58 "Akcent" Ruslanın mahnısını oxuyacaq

4-07-2016, 12:06 Bayramda rayona getmək istəyənlər üçün 200 ehtiyat avtobus ayrıldı

10-06-2015, 13:04 Elnarə əsəbiləşdı: “Nə düşmüsünüz müğənnilərin üstünə”

4-05-2016, 23:32 NATO təlimlərinin görüntüsü yayıldı - Video

12-05-2016, 12:15 Hacıbala Abutalıbov 24 il əvvəl - Video

21-07-2020, 17:04 Azərbaycanda deputatların maaşları artırılır

9-05-2015, 15:29 “Bu gün sevdiyi yeməyi aparacaqdım, bu xəbəri aldım”

28-01-2022, 11:32 Rəqsanə ilk dəfə oğlunu göstərdi - Video