Naxçıvan Muxtar Respublikası
9 - 14°
- 5 - 10°
Qazax, Gəncə, Goranboy, Tər-Tər, Ağdam, Füzuli, Cəbrayıl
9 - 14°
0 - 5°
Mərkəzi-Aran
9 - 4
0 - 5
Masallı, Yardımlı, Lerik, Lənkəran, Astara
7-11°
0-3°
Bakıda və Abşeron yarımadasında
8-10°
2-4°
"Hakim başqa söz dediyi üçün onu itələdim" 
Tarix: 14-04-2015 | Saat: 18:00
Bölmə:Karusel / İdman / M2 | çapa göndər

"Hakim başqa söz dediyi üçün onu itələdim" 


“Bu hesabla məğlub olacağımızı gözləmirdik. Amma bu nəticədə hakimin verdiyi qərarlar da böyük rol oynadı. Kubokda 0:2 hesabını qapamaq çox çətindi. Xüsusən də, “Neftçi” kimi rəqibə qarşı. Yenə də ümidimizi itirmirik. Cavab görüşündə bunun əvəzini çıxmaq üçün əlimizdən gələni edəcəyik”. Bu sözləri apasport.az saytına “İnter”in qapıçısı Səlahət Ağayev deyib. Azərbaycan kubokunun yarımfinal mərhələsində baş tutan “Neftçi” – “İnter” görüşü baş hakim İnqilab Məmmədovun səhvi və Səlahət Ağayevin onu itələməsi ilə yadda qalıb. “Bankirlər”in kapitanı hakimə etirazı penalti epizoduna görə etdiyini bildirib: “Elvin Məmmədovu yıxdılar, təmiz penaltimizi vermədi. Həmin anda qapını tərk edib rəqib cərimə meydançasına qədər gedə bilməzdim. Çox keçmədən “Neftçi” hücum edib qol vurdu. Onda yaxınlaşıb soruşdum ki, niyə penaltini vermədin, qorxursan? Hakim başqa söz dediyi üçün onu itələdim. Razıyam ki, gərək əl hərəkəti etməyəydim, düz addım atmadım. Özümə haqq qazandırmıram. Amma onun verdiyi qərar məni özümdən çıxardı”. Ağayev “Neftçi”nin ilk qolunun da mübahisəli olduğunu vurğulayıb: “Kanalesin vurduğu birinci qolda hakim düşünmədən mərkəzi göstərdi. Halbuki, ani epizod oldu, top öncə tirə, ardından yerə dəyib meydana qayıtdı. Dedim ki, mən iki metrlikdən görmədim, sən mərkəzdən topun xətti keçdiyini necə gördün, bir köməkçilərinlə məsləhətləş də. Qapının arxasında Elvin Əsgərov dayanmışdı. Bir yaxınlaş ondan soruş da”. Milli komandamızın da formasını geyinən Səlahət Ağayev hakim səhvi ucbatından uduzduqlarını iddia edib: “Haqsızlıq olanda insan istər-istəməz əsəblərinə hakim ola bilmir. Mənim hakimlərlə heç vaxt problemim olmayıb. Sadəcə, haqqımızı tələb edirdim. Penalti 99 faiz qol deməkdi. Həmin anda doğru qərar versəydi, oyunun axarı dəyişəcəkdi. Ən pis halda, 1:2 hesabı ilə məğlub olacaqdıq ki, belədə də cavab görüşündə 1 qol vurub finala yüksələ bilərdik. Komanda bir həftə hazırlıq keçir, tər tökür, çıxıb oyunda əziyyət çəkir, biri də gəlib haqqını tapdalayır. Bu hamıya pis təsir edər”.


Xəbəri paylaş

5908 dəfə oxunub.

Digər xəbərlər
bütün xəbərlər
____ Instagram ___