Lənkəranın kəndlərində rabitə əlaqəsi bərpa olunub

Lənkəranın kəndlərində rabitə əlaqəsi bərpa olunub - YENİLƏNİB
Tarix: 13-02-2016 | Saat: 19:43
Bölmə:Karusel / Gündəm / M2 | çapa göndər

Şirift ölçüsü:

200 abonent rabitəsiz və internetsiz qalmışdı.

Lənkəranın bir sıra kəndlərində telefon rabitəsi və internetlə bağlı yaranan problem həll edilib.

Xəbəraz.az-ın APA-ya istinadən məlumatına görə, fevralın 9-da Lənkəranda telefon naqillərinin kəsilərək oğurlanması səbəbindən rayonun Siyobili, Əşlə, Yuxarı Təngivan və Aşağı Təngivan kəndlərindən 200 abonent rabitəsiz və internetsiz qalmışdı.

Rayon Telekommunikasiya Qovşağının rəisi Şahlar İsmayılov bildirib ki, artıq problem öz həllini tapıb. Qəza briqadalarının səyləri nəticəsində 100-dən çox abonentin evlərinə telefon rabitəsinin və internetin verilişi bərpa olunub:

“Biz bərpa işlərini davam etdiririk. Digər abonentlərin də tezliklə internet və telefon rabitəsi ilə təmin olunması istiqamətində zəruri işlər görülür. Problemin sabah günün birinci yarısına kimi tam həll olunması üçün bütün səylərimizi səfərbər etmişik”.

12:10

Lənkəranda telefon naqillərinin kəsilərək oğurlanması dörd kəndi rabitəsiz qoyub.

Xəbəraz.az-ın APA-ya istinadən verdiyi xəbərinə görə, oğurluq hadisəsi rayonun Mollakənd kəndi ərazisində qeydə alınıb.

Fevralın 9-da səhər saatlarından telefonların kəsildiyini görən sakinlər Lənkəran Rayon Telekommunikasiya Qovşağının əməkdaşına müraciət ediblər. Araşdırmalar nəticəsində məlum olub ki, magistral yoldan keçən rabitə xəttinin 200 metrlik hissəsi kəsilərək oğurlanıb.

Kabellərin kəsilməsi Siyobili, Əşlə, Yuxarı Təngivan və Aşağı Təngivan kəndlərinin 200 sakinini rabitə və internetsiz qoyub.

Yerli sakinlərin bildirdiyinə görə, kabellərin daxilindən mis məftillər keçdiyindən oğru, yaxud oğrular rabitə xətlərini kəsərək satıblar.

Artıq hadisə barədə 102 xidmətinə və Lənkəran Şəhər-Rayon Polis Şöbəsinə (ŞRPŞ) məlumat verilib. Polis əməkdaşları hadisə yerinə gələrək istintaq üçün zəruri olan izləri götürüblər.

Faktla bağlı Lənkəran ŞRP-də araşdırma aparılır, hadisəni törədənlərin tapılaraq istintaqa cəlb edilməsi istiqamətində əməliyyat-axtarış tədbirləri davam etdirilir.

Xəbəri paylaş

5528 dəfə oxunub.

Digər xəbərlər

12-10-2015, 13:33 Azərbaycanda Məhərrəm ayının nə vaxt başlayacağı açıqlandı

3-07-2022, 12:28 Mingəçevirdə it sahibini PARÇALADI

22-03-2022, 11:36 Bakıda AĞIR QƏZA: Moped sürücüsü öldü - FOTO

2-06-2017, 15:10 Şəbnəm Tovuzluya əri bu maşını hədiyyə edib - FOTOLAR

5-05-2018, 09:38 Xalq artisti vəfat etdi

9-05-2016, 16:13 Diqqət: Sabah mərkəzi küçələr bağlanacaq

22-10-2022, 09:49 Bu maşınlar artıq Azərbaycana gətirilmir və satılmır - AÇIQLAMA

3-10-2017, 11:56 Deputat Fəzail Ağamalının oğlu maşınla adam vurub? -YENİLƏNİB

7-07-2015, 18:13 Sabah bəzi rayonlarda qaz olmayacaq