Prezidentin sərəncamından sonra pensiya və təqaüdlər nə qədər artacaq? (RƏSMİ)

Prezidentin sərəncamından sonra pensiya və təqaüdlər nə qədər artacaq? (RƏSMİ)
Tarix: 18-01-2016 | Saat: 11:38
Bölmə:Karusel / İqtisadiyyat / M2 | çapa göndər

Şirift ölçüsü:

"Əmək pensiyalarının baza hissəsinin artırılması haqqında” Azərbaycan Respublikası Prezidentinin sərəncamı ilə yaşa görə əmək pensiyasının baza hissəsinin məbləği 2016-cı il fevralın 1-dən 10 faiz artırılaraq 110 manat müəyyən edilib.

Xeberaz.az-in məlumatına görə, bunu əmək və əhalinin sosial müdafiəsi nazirinin müavini İdris İsayev söyləyib. Nazirlik rəsmisi qeyd edib ki, bu sərəncamla 1 mln. 271 min nəfər əmək pensiyaçısının pensiyasının baza hissəsi və ona qanunvericiliklə müəyyən edilmiş əlavələr 10 faiz artırılacaq. Birinci qrup gözdən əlillərin və birinci qrup əlil olan digər pensiyaçıların pensiyalarında daha əhəmiyyətli dərəcədə artımlar ediləcək. Artımın maliyyələşdirilməsinə ilin sonunadək 140,8 mln. manat əlavə büdcə vəsaiti sərf olunacaq.

Nazir müavini nəzərə çatdırıb ki, şəhid ailəsi üçün Azərbaycan Respublikası Prezidentinin təqaüdünün aylıq məbləği 10 faiz artırılaraq 2016-cı il fevralın 1-dən 220 manat müəyyən edilib. Bu Fərman Azərbaycan Respublikası Prezidentinin təqaüdünü alan 13487 nəfər şəhid ailəsini əhatə edəcəkdir və həmin artımın maliyyələşdirilməsinə ilin sonunadək 3 mln. manata yaxın əlavə büdcə vəsaiti yönəldiləcək.

"Digər bir fərmana əsasən, 1990-cı ilin 20 Yanvar hadisələri ilə əlaqədar əlil olmuş şəxslərə aylıq Prezident təqaüdünün məbləği I qrup əlillər üçün 150 manatdan 165 manata, II qrup əlillər üçün 130 manatdan 143 manata, III qrup əlillər üçün isə 100 manatdan 110 manata qaldırılıb. Bu artımlar 1990-cı ilin 20 Yanvar hadisələri ilə əlaqədar əlil olmuş 317 nəfər şəxsə şamil olunacaqdır. Onlardan 18 nəfəri I qrup, 190 nəfəri II qrup, 109 nəfəri isə III qrup əlildir.
Azərbaycan Respublikası Prezidentinin "Məcburi köçkünlərə yemək xərci üçün verilən aylıq müavinətin artırılması haqqında” 16 yanvar 2016-cı il tarixli Sərəncamı isə məcburi köçkünlərə yemək xərci üçün verilən aylıq müavinətin məbləğinin 2016-cı il fevralın 1-dən 10 faiz artırılmasını nəzərdə tutur. Sərəncam 566 min nəfər məcburi köçkünə şamil olunacaq və onlara yemək xərci üçün verilən aylıq müavinətin məbləğinin artırılmasının maliyyələşdirilməsinə ilin sonunadək 11,3 mln. manata yaxın əlavə büdcə vəsait sərf olunacaq".

İ.İsayev vurğulayıb ki, yaxın günlərdə digər sosial ödənişlərin, o cümlədən əmək haqlarının artırılması barədə ardıcıl şəkildə müvafiq fərman və sərəncamların imzalanması, qərarların qəbul olunması, nəticə etibarilə ümumilikdə 3,6 mln. nəfəri əhatə edən sosial ödənişlərin artırılması nəzərdə tutulur. Respublika ictimaiyyəti əmin olmalıdır ki, əhalinin sosial müdafiəsinin etibarlı şəkildə təmin olunması və qiymət artımının sosial rifah halına təsirlərinin minimuma endirilməsi istiqamətində dövlət tərəfindən bütün müvafiq tədbirlərin həyata keçirilməsi təmin olunacaq.

Xəbəri paylaş

1 0108 dəfə oxunub.

Digər xəbərlər

17-10-2018, 09:57 Bakıda itlərin əhatəsində tapılan iki yaşlı uşaq kimdir?

31-07-2018, 16:20 Fədayə avtoritetləri qaçırmasının sirlərini açdı – Şok ifadə

26-09-2016, 21:08 "Gizlənpaç oynayaq" deyərək iki azyaşlı qızı aldadıb zorladı - VİDEO

18-03-2023, 16:13 Novruz günlərində bu şəxslər ehtiyatlı olsun! - Həkimdən xəbərdarlıq

14-06-2019, 16:20 İslam ölkəsində İLK: halal gecə klubu açıldı

29-11-2016, 11:40 Bakıda ata, ana və iki azyaşlı uşaqları diri-diri yanıb öldü - Əli Həsənov hadisə yerində - TƏFƏRRÜAT - VIDEO

6-12-2016, 14:42 İranda vertolyot QƏZAYA UĞRADI: yaralılar var

17-05-2019, 11:29 “Arsenal” Mxitaryanı Bakıya gətirməyəcək

27-04-2016, 17:59 Bakıda "bomj" qırğını