Kral Telman İsmayılovun otelini bağlatdırdı - Gecəsi 15 min dollara
15-10-2015, 19:56. Yazar: Xeberaz
Səudiyyə Ərəbistanı Kralı Salman azərbaycanlı biznesmen Telman İsmayılova məxsus “Mardan Palace” otelində VİP nömrə sifariş edib.
Xeberaz.az Türkiyə mətbuatına istinadən xəbər verir ki, Antalyanın ev sahibliyi edəcəyi G-20 sammitində iştirak edəcək Səudiyyə Ərəbistanı Kralı Salman və 1000 nəfərlik heyəti dünyanın ən lüks oteli “Mardan Palace”da qalacaq. Nümayəndələr üçün 546 saray otağı hazırlanacaq. Kral özü isə gecəsi 15 min dollarlıq olan VİP nömrədə istirahət edəcək. Nümayəndə heyəti oteli 3 günlüyə bağlayıblar.
Noyabrın 15 və 16-da Antalyada keçiriləcək G-20 sammitində 1.4 milyard dollara inşa edilən “Mardan Palace” bir lideri qəbul edəcək tək otel olacaq. Həmçinin kralın keçəcəyi hər yerdən qırmızı xalı salınacaq.
Geri dön