Ana Sayfa > Karusel / Səhiyyə / Maraqlı / M2 > 60 ildir hamilə imiş - Tibb dünyası şoka düşdü

60 ildir hamilə imiş - Tibb dünyası şoka düşdü


7-08-2015, 10:46. Yazar: Xeberaz
60 ildir hamilə imiş - Tibb dünyası şoka düşdü

Həkimlər Çilidə hamilə qaldığından xəbəri olmayan 91 yaşlı Estela Melendezin bətnində əhənglənmiş 60 illik döl aşkar edib.
Estela Melendez uzun illərdir qarnında döl daşıdığından xəbəri olmayıb. Həkimlər isə Melendezin 60 ildən çoxdur bu dölü daşıdığını bildirib.

Bu vəziyyət yaşlı qadın və ailəsi üçün böyük bir şok olub. Çünki dünyasını dəyişmiş əri və Melendez illərlə uşaq sahibi ola bilməyiblər. Melendez bunu bildikdən sonra böyük ağrılar yaşayıb.

Estela Melendezin qardaşı oğlu Luis Melendez bildirib ki,”60 ildən çox körpə daxildə ölü qalıb, lakin ana bu illər ərzində özünü narahat hiss etməyib. Bu möcüzədir”.

Həkimlər qadını döldən xilas etmək üçün əvvəlcə əməliyyat düşünsələr də yaşına görə bunun riskli olduğunu bildiriblər.

91 yaşlı qadın isə qarınındakı şişin ərini və uşaq sahibi olma xəyallarını xatırlatdığını deyib.
Geri dön