Hamilə olduğunu zənn etdi, xərçəng tapdılar – Oxşar simptomlar
3-03-2019, 12:58. Yazar: xeber
36 yaşlı Sirin Stil qarnında nəyinsə hərəkət etdiyini, sağa-sola getdiyini hiss edəndə hamilə olduğunu düşündü. Son 1 ay idi o tez-tez sidiyə çıxır, halsızlaşır və qarnı şişirdi. Test etsə də müsbət nəticə almayan qadın səhəri klinikaya üz tutur.
USM olunan zaman həkim onda hamiləlik yox, yumurtalığın 13 sm-lik şişini aşkarlayır.
Xəbəraz.Az medicina.az-a istinadən bildirir ki, əlavə analiz və KT ilə yumurtalıq xərçəngi diaqnozu təsdiqlənən Seren əməliyyata alınır. Əməliyyat gününə kimi şiş daha 5 sm böyüdü. Həkimlər bildirib ki, bu xərçəngin çox aqressiv və nadir rast gəlinən formasıdır. Qadını əməliyyatdan sonra 4 aylıq kimyaterapiya kursu ilə xilas etmək mümkün oldu.
Həkim yumurtalıq xərçənginin simptomlarının gizli getdiyini, hər qadının aşkarlaya bilmədiyini, buna görə qadınların gec mərhələdə diaqnoz olunduğunu bildirib.
Qadınlar qarında şişkinlik, sağ və ya sol tərəfdə hərəkətli kütlə olduğunu, tez-tez və az-az sidiyə getdiyini görən kimi ginekoloqa müraciət etsinlər.
Geri dön