Yumurtaya və toyuq ətinə gömrük güzəşti saxlanıldı - QƏRAR
8-11-2018, 13:00. Yazar: Xeberaz
Nazirlər Kabineti quş əti və onun subməhsullarının respublikaya idxalına tətbiq olunan güzəştli gömrük rüsumu dərəcələrini daha bir il müddətinə uzadıb.
Beləliklə, güzəştlər 2019-cu il dekabr ayının ortalarınadək qüvvədə saxlayıb.
“2017-ci ilin noyabr ayında Nazirlər Kabineti Azərbaycana ev toyuğu ətinin (təzə, soyudulmuş və dondurulmuş) və ondan hazırlanan məmulatların idxalına 1 dollar (1 kq-a görə), 1000 ədəd yumurtanın idxalına 100 dollar məbləğində gömrük güzəşti tətbiq edib.
Rüsum dərəcələri 1 noyabr 2018-ci il tarixinədək qüvvədə olub. Hökumətin yeni qərarı ilə onların müddəti 15 dekabr 2019-cu il tarixinədək uzadılıb”, - deyə hökumətdən qeyd ediblər.
Bu qərar 2018-ci il noyabrın 7-də İqtisadiyyat, Maliyyə, Vergilər, Kənd Təsərrüfatı nazirlikləri və Dövlət Gömrük Komitəsinin razılaşdırılmış təklifləri nəzərə alınmaqla qəbul edilib.
Geri dön