Ər-arvadın evdə meyiti tapıldı - "Başında travmalar, başında əzik var" - LƏNKƏRANDA
22-11-2016, 18:06. Yazar: Xeberaz
Lənkəran şəhərində ahıl ər və arvadın ölüm səbəblərinin qətl və ya qida zəhərlənməsi olduğunu demək hələ tezdir.
17:23
"Xəbəraz.az " xəbər verir ki, bu barədə report-a Lənkəran Rayon Prokurorluğundan bildirilib.
Məhkəmə Tibbi Ekspertiza və Pataloji Anatomiya Birliyinin Lənkəran şöbəsindən verilən məlumatda isə bildirilir ki, hazırda meyitlərin müayinəsi davam etdirilir: "Bədənlərdə müxtəlif travmalar var. Kişinin baş nahiyəsində əzik müşahidə olunub. Daxili orqanların əlavə müayinəsi aparılacaq. Qida zəhərlənməsi ehtimalına gəlincə, ilkin müayinə olunan kişinin mədəsində hər hansı qida qalığı aşkar edilməyib. Lakin hələ hər hansı bir səbəb demək düzgün olmaz".
Faktla bağlı araşdırmalar davam edir.
---------
16:48
Bu gün günorta saatlarında yaşadıqları evdə meyitləri aşkarlanan ahıl ər-arvadın qida zəhərlənməsindən öldüyü ehtimal edilir.
"Xəbəraz.az "-ın APA-ya istinadən xəbərinə görə, Aydın Mirzəli oğlu Allahverdiyev və onun həyat yoldaşı Azadə Rəcəb Allahverdiyanın qəbul etdikləri qidadan mədələrinin parçalandığı, bu səbəbdən meyitlərin ağzından qan axmasının müşahidə olunduğu bildirilir.
Meyitlər hazırda Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin Lənkəran rayon şöbəsində müayinə olunur.
---------
14:22
Lənkəran şəhərində ahıl ər-arvadın evlərində meyitləri aşkarlanıb.
"Xəbəraz.az " APA-ya istinadən bildirir ki, hadisə şəhərin Şəhidlər xiyabanı küç. 10 ünvanında qeydə alınıb.
Həmin ünvanda yaşayan 1939-cu il təvəllüdlü Aydın Mirzəli oğlu Allahverdiyev və onun həyat yoldaşı, 1941-ci il təvəllüdlü Azadə Rəcəb qızı Allahverdiyevanın meyitləri bu gün saat 13 radələrində tapılıb.
Ölümün səbəbləri hələlik məlum deyil. Onların hər ikisinin ağzından qan axdığı bildirilir.
Meyitlər müayinə üçün morqa aparılacaq.
Hüquq-mühafizə orqanlarının əməkdaşları hadisə yerində araşdırma aparır.
Geri dön