Naxçıvan Muxtar Respublikası
9 - 14°
- 5 - 10°
Qazax, Gəncə, Goranboy, Tər-Tər, Ağdam, Füzuli, Cəbrayıl
9 - 14°
0 - 5°
Mərkəzi-Aran
9 - 4
0 - 5
Masallı, Yardımlı, Lerik, Lənkəran, Astara
7-11°
0-3°
Bakıda və Abşeron yarımadasında
8-10°
2-4°
Oğru: Qayınanamın evinə girdim, bir çöp də tapa bilmədim - VİDEO
Tarix: 13-11-2015 | Saat: 17:04
Bölmə:Karusel / Hadisə / M2 | çapa göndər

Oğru: Qayınanamın evinə girdim, bir çöp də tapa bilmədim - VİDEO
“Hamı bilirdi ki, onun evində pul var”.

Gədəbəy Rayon Polis Şöbəsi əməkdaşlarının keçirdiyi əməliyyat-axtarış tədbirləri nəticəsində oktyabrın 15-də rayonun Slavyanka kəndində Zakir Rüstəmovun evinə daxil olub gəlini və nəvəsinin əl-ayağını, ağzını bağlayaraq, onları bıçaqla hədələyən, evdən pul və qiymətli əşyalar oğurlayan dəstəyə başçılıq edən şəxs saxlanılıb.

Xəbəraz.az Region TV-yə istinadən xəbər verir ki, Rüstəmova məxsus 4300 manat və 300 ABŞ dolları, eləcə də xeyli miqdarda qızıl-zinət əşyalarını quldurluq yolu ilə əldə edən dəstə başçısının 29 yaşlı Eşqin Məmmədov olduğu müəyyən edilib.

“Gədəbəy Rayon Polis Şöbəsi əməkdaşlarının keçirdiyi əməliyyat-axtarış tədbirləri nəticəsində Eşqin Məmmədov noyabr ayının 11-də Slavyanka kəndində yaşadığı evdə müəyyən edilərək istintaqa təhvil verilib”.

Saxlanılan Eşqin Məmmədov Zakir Rüstəmovla qohumluq əlaqələrinin olduğunu, onun evində külli miqdarda pul və qızıl-zinət əşyalarının varlığından xəbərdar olduğu üçün cinayəti keçmiş həbsxana yoldaşları ilə planlı şəkildə təşkil etdiyini bildirib.

Məmmədov əldə olunan pulun dəstə üzvləri arasında bölündüyünü, ancaq qızıl-zinət əşyalarını özünün götürüb qaçdığını da etiraf edib.

Eşqin Məmmədov - saxlanılan şəxs:

“Hamı bilirdi ki, Zakir Rüstəmovun evində pulu, qızılı var. Mən də bildiyim üçün, əvvəlcədən planlaşdırdıq. Plan qurdum, evə girdik və götürdük. Başqa yoldaşım qızılı aradan çıxarmaq istəyirdi, bunu mən etdim, satdım, pulunu da xərclədim”.

Araşdırma nəticəsində Eşqin Məmmədovun avqustun 17-dən 18-ə keçən gecə qaynanası Amaliya Nağıyevaya məxsus evdən oğurluq etdiyi də üzə çıxıb.

Eşqin Məmmədov - saxlanılan şəxs:

“Mən qaynanamın evinə girdim, evdə heç kim yox idi. Axtardım, bir çöp də tapa bilmədim. Ancaq qızıl və pul tapa bilmədim. Şəxsiyyət vəsiqəsi ilə pensiya kartını götürdüm. Pensiya kartından da pul çıxmadı.”.

Faktla bağlı cinayət işi açılıb. Dəstə üzvlərinin başqa cinayətlərdə iştirak edib-etmədiyi araşdırılır.


Xəbəri paylaş

5578 dəfə oxunub.

Digər xəbərlər
bütün xəbərlər
____ Instagram ___