Dini şüarlardan istifadə yeni məsələ deyil. Bir cinayətə müqəddəslik donu geyindirmək üçün onu din pərdəsi altında gizlədirlər ki, insanlarda onlara qarşı etimad yaransın.

Bu sözləri sosial şəbəkələrdə dini pərdə altında antiazərbaycan təbliğatının davam etdirilməsinə münasibət bildirən Qafqaz Müsəlmanları İdarəsi sədrinin səlahiyyətli nümayəndəsi, ilahiyyatçı Hacı Şahin Həsənli deyib. O bildirib ki, bu cür hərəkətlərin dinlə heç bir əlaqəsi yoxdur:
“Din insanları sui-qəsdə, zorakılığa, qarşıdurmaya yox, barışa, dostluğa, sülhə dəvət edir. Radikallıq dinin mahiyyəti ilə daban-dabana ziddir. Azərbaycan insanı hər zaman Azərbaycan dövlətçiliyinə sadiq olub. Uzaq və yaxın tariximiz bunu göstərir. Azərbaycanın inanclı vətəndaşları hər hansı məhdud marginal qrup deyil, Azərbaycanda əsrlərlə yaşayan inancların təmsilçiləridir. Ona görə də Azərbaycan dindarını dövlətçiliyə qarşı qoymaq, din-dövlət qarşıdurması görüntüsü yaratmaq həm dövlətçiliyə, həm də dinimizə zərbədir. Bu kimi davranışların islamla heç bir əlaqəsi yoxdur. Bunu birmənalı şəkildə qeyd edirik”.
H.Şahin vurğulayıb ki, bu cür şəxslərə qarşı tədbirlər görülür:
“Ümumiyyətlə, Azərbaycanda radikalizm əleyhinə tədbirlər keçirilir. İstər Dini Qurumlarla İş üzrə Dövlət Komitəsi, istər Qafqaz Müsəlmanları İdarəsi tərəfindən bu tədbirlər birgə həyata keçirilir. Belə tədbirlərin bir neçəsində mən özüm də iştirak etmişəm. Artıq ali təhsil müəssisələrində, hərbi hissələrdə, cəzaçəkmə müəsisələrində mütəmadi olaraq tədbirlər keçirilir”.
H.Şahin qeyd edib ki, eyni zamanda Azərbaycanda artıq İlahiyyat İnstitutu yaradılıb:
“Bu institutun rəhbərliyi ilə görüşlərimiz olub və dini təhsilin perspektivləri müzakirə edilib. Gələcəkdə məhz həmin institutla ilahiyyatçılar, din xadimləri arasında əlaqələr barəsində danışılıb. Artıq bu institutda da bir seminarımız keçirilib”.
H.Şahinin sözlərinə görə, Azərbaycanda radikallığın ciddi sosial bazası yoxdur və ola da bilməz:
“Çünki azərbaycanlıların təsəvvüründə din zorakılıq deyil, Yaradana və yaranmışlara məhəbbətdir. Bu, bizim inancımızın əsasını təşkil edir. Ona görə də radikal cərəyanların hər hansı bir ciddi sosial bazası, dəstəyi yoxdur. Hər bir halda radikal təzahürlərə qarşı mübarizə həm hüquqi müstəvidə, həm də maarifləndirmə istiqamətində aparılmalıdır. Sistematik olaraq bu işlərin görüldüyünü də söyləyə bilərəm”.

Xəbəri paylaş

6388 dəfə oxunub.

Digər xəbərlər

18-03-2016, 12:20 Balotellinin qızının anası: "İlk seks təcrübəm Ronaldo ilə olub"

28-10-2021, 11:16 Əhaliyə üçüncü doza ilə bağlı VACİB AÇIQLAMA

29-05-2018, 14:32 Xiyarın bu faydalarını bilirdinizmi?

21-08-2017, 11:16 Dünya çempionunu yumruqla öldürən azərbaycanlının axtarışına xüsusi komanda cəlb edildi

5-07-2016, 11:27 Azərbaycan Səhiyyəsinə etimad itib

13-09-2022, 21:09 Prezident İlham Əliyev Azərbaycan xalqına baş sağlığı verib

16-01-2018, 11:31 Millimizin hücumçusu rəsmən "Gənclərbirliyi"ndə

2-08-2016, 11:50 Bakı çimərliyində biabırçılıq: kanalizasiya suyu dənizə axıdılır (VİDEO)

1-07-2015, 16:18 Alman və rusiyalını Qazaxıstanda vağzalda sekslə məşğul olduqları üçün cərimələdilər