Birinci sinfə qəbul üzrə 55 minədək sorğu yerləşdirilib

Birinci sinfə qəbul üzrə 55 minədək sorğu yerləşdirilib
Tarix: 21-04-2018 | Saat: 10:02
Bölmə:Karusel / Gündəm / Təhsil | çapa göndər

Şirift ölçüsü:

2018-2019-cu tədris ili üçün Bakı, Sumqayıt və Gəncə şəhərləri, Abşeron rayonunun ümumtəhsil müəssisələrinin birinci sinfinə elektron sistem vasitəsilə şagird qəbulu davam edir.
Təhsil Nazirliyindən bildiriblər ki, aprelin 20-nə olan məlumata əsasən, elektron sistem (mektebeqebul.edu.az) vasitəsilə birinci sinfə qəbul üçün ümumilikdə 55 minədək sorğu yerləşdirilib. Belə ki, Abşeron rayonu üzrə 5.283, Gəncə şəhəri üzrə 3.645, Sumqayıt şəhəri üzrə 5.032 nəfərin sorğusu qeydə alınıb. Həmin bölgələr üzrə birinci sinfə gedəcək şagirdlərin sayının 17. 873 nəfər olacağı proqnozlaşdırılır.
Elektron sistem vasitəsilə paytaxt məktəblərinin birinci sinfinə qəbul üçün 40.315 sorğu yerləşdirilib. Onlardan 37.082-si ümumi təhsil məktəblərini, 3.233-ü isə lisey və gimnaziyaları seçib.
Birinci sinfə şagird qəbulu valideynin (qanuni nümayəndənin) elektron ərizəsinin www.mektebeqebul.edu.az saytında qeydiyyatı yolu ilə həyata keçirilir.
Məktəbəhazırlıq qrupunda təhsil alan uşaqlar üçün sistem tərəfindən təhsil aldığı məktəb və müəllim avtomatik seçilib. Belə ki, məktəbəhazırlıq qruplarındakı səkkiz mindən çox uşaq avtomatik birinci sinfə qəbul üzrə qeydə alınıb. Bu da həmin şəhər və rayonlar üzrə birinci sinfə gedəcək şagirdlərin 60 faizi deməkdir. Bakı şəhəri üzrə isə məktəbəhazırlıq qruplarındakı 24 mindən çox uşaq avtomatik birinci sinfə qəbul üzrə qeydə alınıb.
Bakı, Sumqayıt və Gəncə şəhərləri, Abşeron rayonu üzrə ərizələrin online qeydiyyatı sentyabrın 15-dək davam edəcək.
Hər hansı səbəbdən özü elektron qeydiyyatdan keçə bilməyən şəxslər Bakı şəhərinin hər inzibati rayonunda, Gəncə şəhəri üzrə beş, Sumqayıt şəhəri üzrə dörd, Abşeron rayonu üzrə altı məktəbdə birinci sinfə elektron sistem vasitəsilə ərizələrin qeydiyyatı məsələlərində vətəndaşlara kömək üçün yaradılmış alternativ qeydiyyat mərkəzlərinə (http://baku.edu.gov.az/az/page/276) müraciət edə bilərlər. Həmçinin, birinci sinfə şagird qəbulu zamanı qeydiyyat və sənəd qəbulu prosesində araşdırmaya ehtiyac olan məsələlərin həlli məqsədilə Bakı şəhəri üzrə altı, Gəncə və Sumqayıt şəhərinin, Abşeron rayonunun hər biri üzrə bir ümumi təhsil müəssisəsində apelyasiya komissiyaları fəaliyyət göstərir.
Qeyd edək ki, fevralın 22-dən Təhsil Nazirliyinin birbaşa tabeliyindəki lisey və gimnaziyaların, eləcə də Bakı şəhərindəki dövlət ümum təhsil müəssisələrinin birinci sinfinə şagird qəbuluna başlanılıb.
2018-2019-cu tədris ilində elektron sistem vasitəsilə uşaqların birinci sinfə qəbulu barədə ətraflı məlumatı videotəlimatdan almaq mümkündür (https://www.youtube.com/watch?v=KRMGV9hTHq8).

Xəbəri paylaş

9918 dəfə oxunub.

Digər xəbərlər

26-10-2020, 11:25 Şəhid Dmitri Solnsevlə vida mərasimi keçirilir

10-09-2016, 22:52 “Dəcəl Balam Ailə və Uşaq İnkişaf Mərkəzi” Müqəddəs Qurban bayramı münasibəti ilə tanınmış simaları bir yerə yığacaq

10-05-2017, 11:03 Tam orta təhsilini başa vura bilməyən şagirdlərə MÜJDƏ

23-12-2015, 17:35 İlham Əliyev idmançılara mənzil bağışladı

18-04-2016, 13:41 “Space”dən Abbas Bağırovun ittihamlarına cavab: “Verilişə 45 dəqiqə gecikib”

31-12-2016, 21:45 İlham Əliev nəvələri ilə - FOTOLAR

17-08-2017, 11:57 “Sabun köpüyü kimi şişmiş ekspertlər özlərini reklam edir” – DİM-dən sərt İTTİHAM

27-05-2016, 21:13 Tərtərdə 3 ədəd "Qrad" raketi tapıldı

9-11-2017, 11:13 Bakıda qonşusunu güllələyən şəxs həbsdə ölüb