Sumqayıt yolundakı dəhşətli qəza ilə bağlı DAHA BİR FAKTIN ÜSTÜ AÇILDI

Sumqayıt yolundakı dəhşətli qəza ilə bağlı DAHA BİR FAKTIN ÜSTÜ AÇILDI
Tarix: 25-07-2017 | Saat: 19:37
Bölmə:Karusel / Hadisə | çapa göndər

Şirift ölçüsü:

Bakı-Sumqayıt yolunda ölümlə nəticələnən yol-nəqliyyat hadisəsi törətməkdə təqsirləndirilən sürücü Namiq Hüseynovun cinayət işi üzrə növbəti məhkəmə prosesi keçirilib
Bu gün Bakı Ağır Cinayətlər Məhkəməsində hakim Novruz Kərimovun sədrliyilə baş tutan prosesdə polis əməkdaşları ifadə verib. Onlar dünyasını dəyişən tələbələrin vəsatəti əsasında məhkəməyə çağırılıblar.
Polis baş serjantı Əkbər Mahmudov bildirib ki, hadisə baş verən gün xidmətinə təhvil verib: “Biz səhər saat 8-də növbəni təhvil verdik. Bizim vəzifəmiz həmin yolda yol nəqliyyat hadisəsinin qarşısını almaq idi. Axşamdan yolda xarab olan yük dolu maşın da nəzarətdə saxlanılırdı”.
Mərhum İbrahim Nəsibovun anası Xatirə Nəsibova polis əməkdaşına sual verib ki, əgər daşla dolu maşın yolda xarab olmuşdusa, niyə ərazidən aparılmayıb?
Polis əməkdaşı suala belə cavab verib: “Axşamdan maşının yanında olmuşuq. Qəza baş verməsinin qarşısını aımaq üçün tədbir gördük. Saat 8-də növbəni dəyişmək üçün getdik. Qəza da həmin bir neçə dəqiqə ərzində baş verib”.
Daha sonra Xatirə Nəsibova bildirib ki, 5-6 dəqiqəyə görə onların övladları ölüb: “Bu məsuliyyətsizlikdir. Axı siz niyə o qədər vaxt ərzində yük maşınını oradan aparmadınız?”.
Mərhum tələbənin anasının bu iradını Əkbər Mahmudov bildirib ki, maşın yüklə dolu olduğu üçün apara bilməyiblər. Polis serjantı isə baş verən qəzadan təəssüfləndiyini və bu hadisəni heç vaxt unutmayacağını deyib: “Bu hadisə mənim üçün də çox çətindir. Heç vaxt unutmayacam. Allah rəhmət eləsin”.
Valideynlər yol polis əməkdaşları yüklə dolu maşını orada qoyaraq getməsinə etiraz ediblər.
Daha sonra Nəqliyyatın İntelektual İdarəetmə Mərkəzinə ünvanlanmış sorğuya verilmiş cavab elan edilib. Sorğu valideynlərin istəyilə mərkəzə göndərilib. Məqsəd gecədən yolda qalan yük maşının orada qalmasını göstərən görüntülərin əldə edilməsidir.
Mərkəzdən verilən cavabda göstərilib ki, həmin ərazidə kamera olmayıb. Bu cavaba valideynlər etiraz edib.
Qəzanın baş verməsini əks etdirən görüntülərin mətbuatda yayıldığını deyən valideyn Xatirə Nəsibova bildirib ki, həmin görüntülər hardan ortalığa çıxıb: “Polis əməkdaşı deyir ki, axşamdan yük maşının yanında növbə çəkib. Görüntüləri təqdim eləsinlər”.
Məhkəmədə bildirilib ki, qəzanın baş verdiyini göstərən görüntülər nəzarət kamerasından çıxarılıb. Valideynlər nəzarət kamerasından gecə yük maşının görüntülərinin çıxarılmasını tələb ediblər.
Məhkəmədə yük maşınının sürücüsü Elvin Şəmistanlı da iştirak edib. O, maşın xarab olduğu üçün gecə yolda saxlayaraq getdiyini deyib: “Usta tapa bilmədim. Səhər usta ilə gələndə artıq qəza baş vermişdi”.
İttihama görə, bu il martın 9-da Abşeron rayonu ərazisində Sumqayıt şəhər sakini Namiq Hüseynovun idarə etdiyi “Ford” markalı mikroavtobus yolun hərəkət hissəsində dayanmış Elvin Şəmistanlıya məxsus “ZİL” markalı yük avtomobilinin arxa hissəsinə çırpılıb. Nəticədə mikroavtobusda olan sərnişinlərdən 5 nəfər ölüb, müxtəlif dərəcəli bədən xəsarətləri alan 18 nəfər Sumqayıt şəhər Təcili Tibbi Yardım xəstəxanasına, 3 nəfər isə Bakı şəhərində Kliniki Tibbi Mərkəzə yerləşdirilib.
Ölənlər Sumqayıt Dövlət Universitetinin Fizika və Elektroenergetika fakültəsinin 3-cü kurs tələbələri İbrahim Quliyev, İbrahim Nəsibov, Rəşad Canıyev, Roza Muradova, Lalə Nəsirzadə və Çinarə Quliyevadır.
Hadisədən sonra aparılan araşdırmalar nəticəsində mikroavtobusun sürücüsü Namiq Hüseynov həbs edilib.
Təqsirləndirilən şəxs Cinayət Məcəlləsinin 263.3-cü (yol hərəkəti və nəqliyyat vasitələrinin istismarı qaydalarının pozulması ehtiyatsızlıqdan iki və daha çox şəxsin ölümünə səbəb olduqda) maddəsi ilə ittiham edilir.

Xəbəri paylaş

9588 dəfə oxunub.

Digər xəbərlər

31-03-2017, 11:42 Prezident İlham Əliyev Azərbaycan Ordusunun aprel qələbələrinin ildönümü ilə əlaqədar bir qrup hərbçimizlə görüş keçirib - FOTO

29-08-2016, 23:36 Özbəkistan prezidentinin ölüm xəbəri yayıldı - SON DƏQİQƏ

8-03-2019, 20:59 Leyla Əliyeva qadınları təbrik etdi

30-03-2015, 00:43 3 günə 5 kilo arıqlaya bilərsən bunları səndə bilsən -Faydalıdır.

14-11-2015, 12:17 Həyatınızı bu lazımsız cəhətlərdən azad edin!

8-05-2016, 13:51 Ordumuzun növbəti peşəkar kadrları - Foto

31-03-2017, 12:06 Bu ərazilərdə çox ucuz evlər inşa olunacaq - VİDEO

4-03-2022, 10:05 Avtomobil qəzasında həlak olan hərbçimizin FOTOSU

17-06-2016, 12:54 Aparıcı Samira - “Həyatımda yeni bir səhifə açdım” – FOTOLAR