Ərini öldürüb tövlədə basdıran qadın tutuldu

Ərini öldürüb tövlədə basdıran qadın tutuldu - FOTO
Tarix: 24-07-2017 | Saat: 13:08
Bölmə:Karusel / Hadisə / Foto-fakt | çapa göndər

Şirift ölçüsü:

Respublikanın polis və prokurorluq orqanlarının əməkdaşlarının birgə həyata keçirdikləri əməliyyat-axtarış, eləcə də istintaq tədbirləri nəticəsində itkin düşmüş şəxs kimi 2013-cü ilin yanvar ayının 26-dan axtarışda olan Göygöl rayon Qırıxlı kənd sakini İlham Qəhrəmanovun qətlə yetirildiyini müəyyən edilib.

Daxili İşlər Nazirliyinin Mətbuat Xidmətindən verilən məlumata görə, Göygöl Rayon Polis Şöbəsinin (RPŞ) rəhbərliyinin xüsusi nəzarəti altında həyata keçirilən əməliyyat nəticəsində İ.Qəhrəmanovun 2013-cü ildə həyat yoldaşı Göygöl rayon sakini Aynurə Qəhrəmanova tərəfindən ailə münaqişəsi zəminində qətlə yetirildiyi və həyətdəki tövlədə basdırıldığı müəyyən edilib.

Göygöl RPŞ əməkdaşlarının həyata keçirdikləri əməliyyat-axtarış tədbirləri nəticəsində qeyd edilən cinayəti törətməkdə şübhəli bilinən A.Qəhrəmanova saxlanılaraq istintaqa təqdim edilib və o, ifadəsi zamanı həyat yoldaşını qətlə yetirəndən sonra həyətdəki yardımçı tikilidə basdırdığını etiraf edib.

Yaradılan əməliyyat-istintaq qrupu tərəfindən yardımçı tikilidə də qazıntı işləri aparılıb və mərhumun meyidinin qalıqlarıekskumasiya olunaraq Məhkəmə Tibbi Ekspertiza və Pataloji Anatomiya Birliyinə göndərilib.

Göygöl RPŞ əməkdaşlarının keçirdikləri digər bir əməliyyat-axtarış tədbirləri nəticəsində Qarabağ məhəlləsində yerləşən gölün kənarında qeyri-aşkar şəraitdə rayon sakini Avtandil Əliyevin qətlə yetirməkdə şübhəli bilinən şəxslər də saxlanılıb.

Həyata keçirilən əməliyyat-axtarış tədbirləri nəticəsində A.Əliyevi qətlə yetirməkdə şübhəli bilinən Göygöl rayon sakinləri əvvəllər məhkum olunmuş Seymur Əhmədov və qohumu Röyal Mamaedov tutularaq istintaqa təqdim edilib.

Saxlanılan şəxslər ifadələri zamanı A.Əliyevlə birlikdə gölün kənarında sipirtli içki qəbul edəndən sonra aralarında yaranan mübahisə zamanı onu döyərək qətlə yetirdiklərini bildiriblər.

Qeyd edilən hər iki faktla bağlı Cinayət Məcəlləsinin müvafiq maddələri ilə cinayət işləri başlanılıb, araşdırmalar davam etdirilir.

Xəbəri paylaş

9118 dəfə oxunub.

Digər xəbərlər

5-10-2016, 10:16 Azərbaycanda dolların məzənnəsi aşağı düşdü

5-10-2019, 11:46 Hacıqabulda “Seyid” ləqəbli narkotacir saxlanıldı - FOTO

5-08-2022, 16:41 "Dini hisslərə toxunmaqla qarışıqlıq yaratmağa cəhd göstərirlər" - Hacı Şahin

8-01-2016, 11:14 Avtomobil istehsalında inqilab - Foto Video

17-02-2020, 11:38 46 uşaq sığınacaqlara yerləşdirildi

3-12-2017, 10:46 İlk iş günü hava necə olacaq?

2-04-2021, 10:45 Bakıda mühafizəçiləri otağa salıb, ağacları qırdılar - Video

16-06-2016, 12:14 Çin faktı ABŞ və Rusiyanı yaxınlaşdırır

19-04-2015, 01:41 Mersedes-Benz simvolunun sirri