Mətbuat Şurasından BƏYANAT: "O videonu yaymayın!"

Mətbuat Şurasından BƏYANAT: "O videonu yaymayın!"
Tarix: 28-02-2017 | Saat: 14:32
Bölmə:Karusel / Siyasət | çapa göndər

Şirift ölçüsü:

“Bu il fevralın 26-da cəbhə xəttində atəşkəsin pozulması nəticəsində hərbçilərimiz həlak olub. Məlum olduğu kimi, Ermənistan hakimiyyəti və hərbi dairələri özünün məkrli xislətindən, çirkin mahiyyətindən irəli gələrək əvvəlcə cəsədlərin götürülməsinə maneçilik yaradıb. Onların dövriyyəyə buraxdıqları və əsgər cəsədlərinin yer aldığı video-görüntü də məhz həmin müddətdə hazırlanıb”.

Bu barədə Mətbuat Şurasının bu gün yaydığı bəyanatda bildirilib. Qeyd edilib ki, məlum video-görüntü Azərbaycan ictimaiyyəti içərisində xof yaratmaq, qorxu aşılamaq məqsədi daşıyır: “Təəssüf ki, bəzi internet informasiya resursları, eləcə də ayrı-ayrı sosial şəbəkə istifadəçiləri bunun fərqinə varmırlar, məsələyə sentimentallıq çalarları gətirərək paylaşımlar edirlər. Qabardılan cəhət isə əsgərlərin əl-ələ tutaraq şəhid olmalarıdır. Hər bir halda yerdəki cansız cəsədlər Azərbaycan hərbçilərinindir, yaxud Ermənistan tərəfindən Azərbaycan hərbçilərinə məxsus olduğu iddia edilir.

Nəzərə almaq lazımdır ki, övladı, qardaşı, qohumu hazırda cəbhə xəttində xidmət edən vətəndaşlarımız var. Onların həmin görüntüləri izləyərkən hansı ağır hisləri keçirdiklərini təsəvvür etmək çətin deyil. Ermənistan hakimiyyət dairələri də məhz ağır hislərə toxunmaq, inamsızlıq aşılamaq «məqsədi» güdürdülər.

Azərbaycan Mətbuat Şurası internet informasiya resurslarına, ayrı-ayrı sosial şəbəkə istifadəçilərinə müraciət edərək Ermənistan tərəfindən dövriyyəyə buraxılmış və Azərbaycan hərbçilərinin cəsədlərinin yer aldığı iddia olunan video-görüntüləri yaymamağa çağırır. Şura kütləvi informasiya vasitələrinə, KİV kimi fəaliyyət göstərdiyini iddia edən hüquqi və fiziki şəxslərə cəmiyyətdə ruh düşkünlüyü yarada bilən, yaratması ehtimal olunan meyllərdən uzaq durmağı, həssas davranmağı tövsiyə edir.

Bir daha bildiririk ki, həssas olmaq peşəkarlıq göstəricisidir. Peşəkarlıq isə Azərbaycan Respublikasının Müdafiə Nazirliyinin materiallarına istinad, əldə edilmiş məlumatların bu qurumla dəqiqləşdirilməsidir”.

Xəbəri paylaş

5858 dəfə oxunub.

Digər xəbərlər

9-03-2017, 14:54 FİFA reytinqi açıqlandı: Yığmamız 8 xal itirdi

5-05-2023, 12:45 Canlı yayımda Xoşqədəmin ayaqlarını öpdü

21-02-2016, 15:12 PKK terrorçuları “Anadolu”nun üç jurnalistini oğurlayıblar

18-05-2016, 17:21 Bahalaşma davam edir – Rəsmi

10-07-2016, 12:06 Ərdoğan Neymar və Messi ilə futbol oynayacaq

17-10-2022, 10:37 Rəqsanənin qızından boşanmasıyla bağlı açıqlama: “Bundan sonra...”

19-08-2017, 12:15 Azərbaycanda deputat atasına heykəl qoydurdu - QALMAQAL - FOTO

5-12-2016, 20:44 Aparıcı Zaurun Göygöl səfası - FOTOLAR

5-03-2023, 11:38 Kişilərin gizli bəlası: qəfil infarktın yaxınlaşdığını necə bilməli?