Ağıllı olmaq üçün yeyiləsi 5 qida

Ağıllı olmaq üçün yeyiləsi 5 qida
Tarix: 29-11-2016 | Saat: 10:48
Bölmə:Karusel / Maraqlı | çapa göndər

Beynin inkişafı, yaddaşın güclənməsi, ağlın daha iti düşünməsi üçün bu 5 qida çox önəmlidir. Xüsusilə də dərs oxuyan, elmi işlə çalışan insanların bu qidaları müntəzəm olaraq yeməsi faydalıdır: beyin yorğunluğunu aradan qaldıran, gümrah edən ərzaqlarla tanış olaq!

Balıq

Sözsüz ki, bu mövzuda birinci yeri BALIQ tutmalı idi... Tərkibindəki Omeqa-3 turşusunun (balıq yağı) sayəsində bu dəniz məhsulu beyin fəaliyyətini gücləndirən ən əla qidadır!

İspanaq

Kalsium, maqnium, sink, dəmir, A, C və E vitaminləri ilə zəngin olan ispanağa elə-belə baxmayın. Onu gündəlik qida rasionumuza daxil etməliyik. Bu göyərtidə həm də ən vacib olan element – fol turşusu var ki, onu uşaqların, hamilə xanımların daha çox istifadə etməsi qaçılmazdır. Əgər siz və ailəniz ispanağı sevmirsizsə, ondan fərqli, dadlı yeməklər hazırlaya və bu möcüzəvi bitkiyə heyran ola bilərsiz...

Püstə

Beynin yaxşı çalışması üçün vacib olan elementlərdən ən əsası dəmirdir. Bu element yorğunluqla mübarizə aparmağa, gümrahlığı artırmağa kömək edir. Dəmirsiz beyin heç bir halda normal fəaliyyət göstərə bilməz!!! Bu baxımdan da ən çox dəmirə sahib olan qidalardan biri də püstədir. Bu element ciyər, göbələk, hətta digər çərəzlərlə müayisədə püstədə daha çoxdur. Odur ki, imkan daxilində onu tez-tez alın və yeyin, uşaqlara yedirin.

İtburnu

İtburnu çayı böyük miqdarda C vitamini mənbəyi deməkdir – bunu hər kəs bilir. Amma kimsə bilirdi ki, bu bitki beynin fəaliyyətinə stimul vermək qabiliyyətinə də malikdir? Məsələ burasındadır ki, C vitamini və ya askorbin turşusu sayəsində bu bitki ilə dəmlənmiş çayı içən insanlarda beyin dincəlir, diqqət toplanır, dərketmə sürətlənir, yorğunluq hissi aradan qalxır.

Kəsmik

Kalsiumla zəngin qidaların sümük və dişləri bərkitdiyi hər kəsə məlumdur. Sən demə, belə qidalardan olan kəsmik həm də beynin inkişafına da təsir göstərir. Bunun cavabı sadədir: beynin normal fəaliyyəti sakit sinir impluslarından, sinir sistemi isə kalsiumun miqdarından asılı olaraq fəaliyyət göstərir. Bu isə o deməkdir ki, kəsmiyin tərkibindəki sink, dəmir, fosfor, kalsium, kalium kimi elementlər nəinki beynin sağlamlığı, hətta bütün orqanizmin sağlamlığı üçün vacibdir. Odur ki, bu qidaları çox yeyin!

Xəbəri paylaş

7248 dəfə oxunub.

Digər xəbərlər

14-08-2017, 22:46 Kölgə serialının çəkilişlərinə start verilib-FOTO

26-06-2018, 22:40 Azərbaycan hakerləri Ermənistan saytlarını dağıtdı

6-09-2015, 13:37 “Uzun fasilədən sonra yenədə qayıdıram...”

13-05-2015, 10:11 Oğluma Ziya Məmmədovun adını qoymuşam

6-12-2017, 13:47 Qəza 5 nəfərin ölümünə səbəb oldu...- RƏSMİ MƏLUMAT

22-09-2017, 10:07 İran-İraq müharibəsinin başladığı gündür - 1 milyon insan...

8-01-2019, 11:23 ƏSABİL QASIMOV- MİLLƏTin vəkilidir, yoxsa milləti zillətə sürükləyir? Deputat Əsabil- Şahdır eləbil!… QARABAĞ əlilinə də rəhmi yox! VİDEO FAKT

23-02-2020, 11:58 Məşhur müğənninin səsi batdı

13-02-2018, 12:37 "Əfşana görə ailə qurmadım" - Vasifin bacısı