Ukraynada azərbaycanlı tələbənin qatili tutuldu

Ukraynada azərbaycanlı tələbənin qatili tutuldu - YENİLƏNİB
Tarix: 28-09-2016 | Saat: 16:26
Bölmə:Karusel / Hadisə | çapa göndər

Şirift ölçüsü:

Krımın Simferopol şəhərində öldürülən azərbaycanlı tələbə Məhəmməd Səfərəliyevin qatilinin kimliyi və hadisənin səbəbi məlum olub.

Krım Azərbaycanlıları Gənclər Təşkilatının rəhbəri Firudin OrucovAPA-ya bildirib ki, artıq hadisəni törətməkdə şübhəli bilinən şəxsi Simferopol polisi yaxalayıb. Saxlanılan şəxs Krım Federal Universitetinin Fəlsəfə fakültəsinin I kurs tələbəsi, İran İslam Respublikasının vətəndaşı, 1981-ci il təvəllüdlü Məhəmməd Şahdır. M. Səfərəliyev isə həmin universitetin Hüquq fakültəsinin magistratura pilləsində təhsil alıb, Məhəmməd Şah ilə eyni yataqxanada qalıb: “Təxminən bir ay əvvəl iranlı tələbənin otağında onlar arasında mübahisə yaranıb, gənclər əlbəyaxa olublar. İstintaqın versiyasına görə, buna səbəb iranlı tələbənin azərbaycanlı tələbənin yataqxanadakı otağını zəbt etməsidir. Növbəti dəfə də eyni səbəbdən onlar arasında mübahisə yaranıb və iranlı tələbə Məhəmmədə arxadan bıçaqla bir neçə zərbə endirib. Ağır xəsarət alan həmyerlimiz ölüb”.

Hazırda Krım Federal Tədqiqat Xidmətinin Simferopol Şöbəsi və Daxili İşlər Nazirliyinin Şəhər Şöbəsi birgə istintaq qrupu yaradıb. Hadisə ilə bağlı etnik zəmində hər hansı insidentin baş verməməsi üçün tədbirlər görülür.

***

14:05

Azərbaycanlı tələbə Məhəmməd Səfərəliyevin Krımın Simferopol şəhərində öldürülməsi ilə bağlı yeni məlumatlar üzə çıxıb.

M. Səfərəliyevin qardaşı Ramin Səfərəliyev APA-ya bildirib ki, hadisə sentyabrın 26-ı axşam Simferopolda baş verib.

Simferopoldakı ali məktəblərdən birinin yuxarı kurs tələbəsi olan M. Səfərəliyevin iranlılar tərəfindən öldürüldüyü bildirilir. M. Səfərəliyevə arxadan çoxlu bıçaq zərbəsi vurulub, o, aldığı zərbələrdən dünyasını dəyişib.

Qətlin səbəbi hələlik məlum deyil.

M. Səfərəliyevin meyitinin sabah Azərbaycana gətirilməsi nəzərdə tutulur.

Məsələ ilə bağlı Azərbaycanın Ukraynadakı səfirliyindən münasibət öyrənmək mümkün olmayıb.
***

09:59

Ukraynada azərbaycanlı tələbə qətlə yetirilib.

APA-nın məlumatına görə, hadisə sentyabrın 27-də Kiyev şəhərində qeydə alınıb. Zaqatala rayon sakini, 22 yaşlı Məhəmməd Amil oğlu Səfərəliyev naməlum şəxslər tərəfindən bıçaqlanaraq qətlə yetirilib.

Mərhumun meyiti bu günlərdə Azərbaycana gətiriləcək.

Qeyd edək ki, M. Səfərəliyev Ukraynada ali təhsil alırmış.

Xəbəri paylaş

6488 dəfə oxunub.

Digər xəbərlər

6-05-2018, 21:29 Bakıda oğul anasını küçəyə atıb - 66 yaşlı qadın çöllərdə gecələyir

12-10-2018, 11:03 Sumqayıtda hündür yerdən dənizə baş vuran kişi boynu qırılaraq ölüb

29-03-2021, 09:22 Türkiyədə azərbaycanlı qadın bıçaqlandı

4-03-2022, 23:50 Azərbaycanda hansısa məmurun Qarabağ savaşında iştirak etdiyini gördünüzmü?

31-05-2020, 14:06 Rusiyada bir gündə 138 nəfər koronavirusdan öldü

9-10-2017, 16:16 Xaşsevərlərə DİETOLOQ TÖVSİYƏSİ: “Spirtli içki və çörəklə yeməyin”

30-05-2017, 11:52 Fərhad Əhlimanoğlu hansı duet ortağı ilə yeni işlə gəlir?

23-09-2017, 11:00 Azərbaycana payız gəldi

12-06-2020, 09:45 Kişi təzə paltar geyindi, 20 rükət namaz qıldı və özünü asdı - Azərbaycanda