Azərbaycanda telekanalların adı dəyişdi

Azərbaycanda telekanalların adı dəyişdi - YENİLƏNİB
Tarix: 19-09-2016 | Saat: 14:08
Bölmə:Karusel / Gündəm / Hadisə | çapa göndər

Şirift ölçüsü:

2 ildir, 6 bölgə televiziyasının bir araya gəlməsi ilə yaradılan, ölkənin ən böyük media tərəfdaşlıq layihəsi kimi efirdə olan "Region TV" öz brendini yeniləyərək, bundan sonrakı fəaliyyətini "ARB TV" (Azerbaijan Republic Broadcasting - Azərbaycanın Respublika Yayımçısı) adı ilə davam etdirəcəkdir.

Kanaldan daxil olan açıqlamada deyilir: ""ARB TV" olaraq əsas məqsədimiz geniş auditoriyaya hesablanmış, fərqli bir efir konsepsiyası təqdim etməkdir. Bunun üçün hər zövqə uyğun, bir-birindən maraqlı layihələrlə, ölkə və dünya gündəmini əks etdirən informasiya proqramları ilə tamaşaçıların qarşısına çıxacağıq.

Peykdə yayımlanan, tərəfdaşlarımız olan 3 tematik telekanal, adlarını yenilənmiş brendimiz "ARB"-yə uyğunlaşdıraraq, "TTV" (Türkel TV) - "ARB 24", "Alternativ TV" - "ARB Ulduz", "Günəş TV" - "ARB Günəş" olaraq fəaliyyətini davam etdirəcəkdir.

"ARB 24", fasiləsiz, hər 30 dəqiqədən bir, ölkə və dünya gündəmindən ən önəmli xəbərləri, ən operativ şəkildə tamaşaçılara çatdıracaqdır.

"ARB Ulduz" - Zövqlü musiqi və əyləncə axtaranların yeni ünvanı olacaq. Gələcəkdə "ARB Ulduz" yeni layihələrlə də tamaşaçıların qarşısına çıxacaq.

"ARB Günəş" isə balaca tamaşaçıları sevindirməyə davam edəcək. Ölkənin ilk uşaq kanalı olaraq yayıma başlayan telekanal bundan sonra da yeni verilişlər və yeni cizgi filmləri ilə efirdə olacaq.

Tərəfdaşlıq etdiyimiz bölgə telekanalları da öz brendlərini yeniləyərək, adlarını "ARB" brendinə uyğunlaşdırmışdır. "Kəpəz TV" - "ARB Kəpəz", "Kanal S" - "ARB Şəki", "RTV - ARB Şimal", "CTV" - "ARB Cənub" , "EL TV" - "ARB Aran" olaraq fəaliyyətini davam etdirəcəkdir. Tərəfdaş regional telekanalların adları yayımlandıqları ərazini özündə əks etdirir. Bütün kanalların adları tərəfdaşlıq çərçivəsində ortaq iş prinsipini əks etdirəcəkdir.

Media tərəfdaşlıq layihəsinin tərkibinə "Kəpəz FM" radiosu da daxildir.

"ARB TV"-nin rəsmi internet səhifəsi: www.arbtv.az

Peyk frekansları: AZERSPACE 1 peyki, Tezlik:11024, Polyarizasiya: (V), Fec: 5/6, Symbol rate: 12698"

-----------

12:08

"Region TV"nin adı dəyişilib.

"Xəbəraz.az " qafqazinfo-ya istinadən xəbər verir ki, kanal bundan sonra "ARB TV" adı altında fəaliyyət göstərəcək.

Qeyd edək ki, kanalın rəsmi səhifəsində profilaktik işlərin aparıldığı qeyd olunub.

Xəbəri paylaş

7258 dəfə oxunub.

Digər xəbərlər

22-11-2016, 18:22 Millət vəkili: ''1750 manat maaş alanda utanıram''

26-09-2016, 00:16 Xoşqədəm Hidyətqızı efirə qayıtdı – “Səni axtarıram” yenidən efirdə

5-04-2017, 17:33 Zakir Həsənov Səudiyyə Ərəbistanı kralı ilə görüşüb

2-07-2015, 10:10 Evlilik proqramının qadın iştirakçısı Bakıda sükan arxasında sərxoş tutuldu

21-10-2017, 11:46 Türkiyənin məşhur qəzetində “Qarabağ”ı təhqir etdilər

19-05-2020, 14:14 İlham Əliyev və Mehriban Əliyeva AÇILIŞDA

14-01-2017, 13:04 "Çörəkpulu" və digər imtiyazlar ləğv olunub? - "Qaçqınkom"dan AÇIQLAMA

22-04-2018, 21:20 Metroda intihar edən qadının kimliyi məlum olub

29-04-2019, 10:58 Aqil Acalov: “Azərbaycan nəinki Gürcüstanda, dünyanın istənilən yerində öz soydaşlarının hüquqlarını və mənafelərini qorumaq iqtidarındadır”