Hava şəraiti DƏYİŞİR

Hava şəraiti DƏYİŞİR
Tarix: 01-07-2016 | Saat: 13:59
Bölmə:Karusel / Gündəm / M2 | çapa göndər

Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumata görə, Bakıda və Abşeron yarımadasında iyulun 2-3-də gecə və səhər şimal-qərb küləyinin əsəcəyi, arabir güclənəcəyi gözlənilir. Havanın temperaturu ötən günlərlə müqayisədə tədricən 3-5 dərəcə aşağı enəcək. İyulun 2-də hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi, lakin gecəyə doğru yarımadanın bəzi yerlərində qısamüddətli yağış yağacağı gözlənilir. Şimal-qərb küləyi əsəcək, arabir güclənəcək.

Havanın temperaturu Abşeron yarımadasında gecə 20-24, gündüz 28-32, Bakıda gecə 22-24, gündüz 29-31 dərəcə isti olacaq.
Atmosfer təzyiqi normadan aşağı 753 mm civə sütunundan 757 mm civə sütununa yüksələcək, nisbi rütubət gecə 75-85, gündüz 45-55 faiz təşkil edəcək.
Abşeron çimərliklərində dəniz suyunun temperaturunun Sumqayıt, Noxvanı, Pirşağı, Nardaran, Bilgəh, Zuğulbada 22-23, Buzovna, Mərdəkan, Şüvəlanda 23-24, Türkan, Hövsan, Sahil, Şıxda 24-25 dərəcə isti olacağı gözlənilir.

Azərbaycanın rayonlarında iyulun 5-dək hava şəraitinin qeyri-sabit keçəcəyi, bəzi yerlərdə şimşək çaxacağı, arabir yağış yağacağı, ayrı-ayrı yerlərdə leysan xarakterli olacağı, dolu düşəcəyi gözlənilir. Qərb küləyi əsəcək, bəzi yerlərdə arabir güclənəcək. Havanın temperaturu ötən günlərlə müqayisədə tədricən 4-7 dərəcə aşağı enəcək. Çaylarda sululuğun artacağı ehtimal olunur.

İyulun 2-də bəzi yerlərdə şimşək çaxacağı, arabir yağış yağacağı, leysan xarakterli olacağı, dolu düşəcəyi gözlənilir. Qərb küləyi əsəcək, ayrı-ayrı yerlərdə arabir güclənəcək.
Havanın temperaturu gecə 19-24, gündüz 31-36, dağlarda gecə 13-18, gündüz 20-25 dərəcə isti olacaq.

Tibbi-meteoroloji proqnoz
İyulun 2-3-də Abşeron yarımadasında güclü xəzri küləyi bəzi meteohəssas insanlarda narahatlıq yaratsa da, havanın temperaturunun tədricən bir qədər enməsi müsbət amildir.

Xəbəri paylaş

6098 dəfə oxunub.

Digər xəbərlər

26-09-2016, 09:55 Məzahir Pənahovdan müraciət: "Fəal olun..."

7-11-2017, 13:57 Pisliyə yaxşılıqla cavab vermək

11-04-2015, 15:38 İstanbulun Atatürk hava limanında sərnişinlər tərəfindən unudulan əşyalar satışa çıxarılıb.

14-06-2015, 12:44 Rafael Ağayev: Qələbəmi anama həsr edirəm - VİDEO

19-01-2016, 17:24 Bakıda zibillikdə xeyli silah-sursat tapıldı

29-06-2015, 16:43 iPhone 6S gəlir (FOTO)

17-04-2018, 21:04 Roza Zərgərli: "Canım çox ağrıyır,əməliyyat etdirdim ki..."

26-03-2016, 20:01 Fuad Qəhrəmanlının vəsatətləri təmin edilmədi

24-08-2019, 15:32 Keçmiş məhbuslar dollar və manat oğurladı