Ərəblər türklərə xəyanətin 100 yaşını qeyd edir

Ərəblər türklərə xəyanətin 100 yaşını qeyd edir
Tarix: 03-06-2016 | Saat: 15:19
Bölmə:Karusel / Dünya / M2 | çapa göndər

Şirift ölçüsü:

İordaniya Yaxın Şərqdə Osmanlı İmperiyasına qarşı inqilabın 100 illiyini qeyd etməyə başlayıb.

"Xəbəraz.az " xəbər verir ki, bu barədə informasiyanı Rusiya mətbuatı yayıb. Bununla əlaqədar olaraq ölkədə hərbi parad keçirilib. Paradda ölkə kralı II Abdullah iştirak edib.

Qeyd edək ki, Yaxın Şərqdə Osmanlı İmperiyasına qarşı üsyan 1916-cı ilin 5 iyununda başlayıb. Üsyana Şərif Hüseyn bin Əli başçılıq edib. Sultan Əbdülhəmid dövründə İstanbulda saxlanılan ərəb lideri onun ölümündən sonra Məkkəyə göndərilib. Məhz bundan sonra Şərif Hüseyn Bin Əli müttəfiq dövlətləri ilə əlaqəyə girib. 1914-cü ildə İngiltərənin Misirdəki nümayəndəliyinə müraciət edən Şərif Hüseyn tezliklə onların dəstəyini qazanıb. 1916-cı ildə Şərif Hüseyn ərəblərin üsyanını başladıb. İngiltərənin dəstəyi ilə Osmanlı Ərəbistan yarımadası, Yəmən, Suriyadan çıxarılıb. Bunun ardınca özünü bütün ərəblərin kralı elan edən Şərif Hüseynə London öz etirazını bildirib və o, sadəcə, Hicaz krallığı ilə kifayətlənməli olub. Şərif Hüseynin xəyanəti ərəblərə heç də uğur gətirməyib. Yaxın Şərq Britaniya və Fransa arasında bölünüb. Suriya və Livan Fransaya, Fələstin, İordaniya və İraq Böyük Britaniyaya verilib. Bu parçalanma gizli Saykes Pikot anlaşması ilə təsdiqlənib. Hər iki ölkə cənub-şərqi Anadolu, Trabzon, Van, Ərzurumun Rusiyaya verilməsinə imza atıb. Məhz ərəb üsyanından sonra Yaxın Şərqdə yeni ərəb dövlətləri yaranıb. Bundan əlavə, bəzi ekspertlər Yaxın Şərqdəki destabilizasiyanın da məhz bu üsyanla başladığını iddia edirlər.

Ərəb üsyanı məşhur ingilis casusu Tomas Lavrensin güclü dəstəyi ilə həyata keçirilib. Məhz onun sayəsində ərəb liderləri ingilislərlə yaxınlaşmağı bacarıb. Lavrens sonralar Türkiyədə kürdlərin üsyanı və Əfqanıstan kralı Əmənullah xanın taxtdan endirilməsində də mühüm rol oynayıb.

Xəbəri paylaş

7488 dəfə oxunub.

Digər xəbərlər

30-11-2021, 09:52 Maska, sabun, yoxsa vaksin - Hansı koviddən daha yaxşı qoruyur?

8-02-2016, 17:25 İlhamə: "Qanunu mən qoyuram"

10-04-2020, 15:19 "Xalq-iqtidar birliyi Azərbaycanın sabitliyinin, inkişafının qarantıdır" - Emin Hacıyev

22-04-2016, 16:04 Turistlər üçün ən təhlükəsiz ölkələr - Siyahı

20-01-2016, 23:59 Türkiyə-Rusiya münasibətlərində sərt dönüş

27-04-2015, 14:00 Ermənilərin yalanlarını ifşa edən yeni layihə - VİDEO

11-03-2015, 23:31 Tərtərdə ekstremist cinayətkar qrup zərərsizləşdirildi

8-07-2022, 13:15 “İnam-İnşaat 555” MMC dövlətin milyonlarını belə talayır… - Şirkəti Alı Alıyevlə nə bağlayır?

4-02-2016, 10:52 Nizami rayonu qazsız qalacaq