Nazir yəhudilərlə görüşdü

Nazir yəhudilərlə görüşdü
Tarix: 02-06-2016 | Saat: 19:25
Bölmə:Karusel / Siyasət / M2 | çapa göndər

Mədəniyyət və turizm naziri Əbülfəs Qarayev Avropa Yəhudi Mədəniyyəti və İrsinin Qorunması və Təbliğatı Assosiasiyasının baş katibi Assumpcio Hosta və koordinatoru Michael Mail ilə görüşüb.

Bu barədə Axar.az-a Mədəniyyət və Turizm Nazirliyinin İnformasiya və İctimaiyyətlə əlaqələr şöbəsindən məlumat verilib.

Görüşdə Mədəniyyət və Turizm Nazirliyinin Avropa Şurasının Mədəni Marşrut Layihələrindən biri olan “Yəhudi İrsi üzrə Avropa marşrutu” beynəlxalq mədəni turizm layihəsinə üzvlüyü və Azərbaycanda Yəhudi Mədəniyyət günlərinin keçirilməsi ilə bağlı məsələlər müzakirə edilib.

Nazirlikdə ölkəmizdə mövcud olan Yəhudi İrsi üzrə müvafiq proqram hazırlanıb.

Proqrama paytaxt Bakı ilə yanaşı, Quba, Qırmızı Qəsəbə, Lahıc, Qəbələ, Oğuz kimi regionların turizm potensialı barədə məlumat, həmçinin, orada fəaliyyət göstərən yerli sinaqoqlarla tanışlıq da əlavə olunub.

Görüş zamanı nazir Əbülfəs Qarayev layihənin əhəmiyyətini yüksək vurğulayıb və Bakıda keçiriləcək Ümumdünya Mədəniyyətlərarası Dialoq Forumunda Assosiasiyanın nümayəndələrini iştirak etməyə dəvət edib. Həmçinin nümayəndə heyətinə, Forum zamanı layihənin təqdimatının keçirilməsi təklif edilib.

Assosiasiyasının baş katibi Assumpcio Hosta Azərbaycana səfərindən yüksək məmnunluğunu ifadə etmiş və layihənin əhəmiyyətindən danışarkən bildirmişdir ki, Azərbaycan mədəniyyətlərarası dialoqun ən yaxşı nümunəsidir.

Assosiasiyanın koordinatoru Michael Mail Bakıda olduqları müddətdə Avropa və gürcü yəhudiləri dini icması, həmçinin, Dağ yəhudiləri dini icmasının sədri Milix Yevdayev ilə, Qırmızı Qəsəbədəki “Giləki” və “Altı Gümbəz” sinaqoqlarındakı yerli dini icmalarla və Oğuz rayonundakı “Aşağı məhəllə” və “Yuxarı məhəllə” sinaqoqları ilə tanış olduqları haqqında məlumat verib.

Qeyd edək ki, Avropa Yəhudi Mədəniyyəti və Irsinin Qorunması və Təbliğatı Assosiasiyasının (AEPJ) təşkilatçılığı ilə həyata keçirilən bu layihəyə hazırki dövrədək Portuqaliya, İspaniya, İtaliya və Fransa kimi ölkələr qoşulmuş, həmçinin, 22-yə yaxın Avropa ölkəsi tərəfdaş qismində çıxış edir. Azərbaycan Qafqazda bu layihəyə qoşulan ilk ölkədir.

Xəbəri paylaş

6168 dəfə oxunub.

Digər xəbərlər

23-07-2021, 16:37 Azərbaycanda ana və tanışı 18 yaşlı qızı tualetdə zəncirlə bağladı

24-07-2023, 11:35 "Onların əlindən Bakıda yaşamaq istəmirəm"

22-08-2016, 22:25 Gəncədə 17 yaşlı qız əməliyyat zamanı öldü

15-02-2022, 21:26 Abdin Fərzəliyev:Abşeronda şəhid ailələri ilə görüşdü - FOTO

7-05-2015, 13:44 Metroya qədər insanların kütləvi şəkildə getməsinə imkan verilməyəcək

7-04-2020, 16:19 Satıcıya balta ilə hədə-qorxu gəldi, spirtli içki tələb etdi - Azərbaycanda (Foto)

20-01-2022, 11:47 Abşeronda polislər qəzaya uğrayıb, ağır xəsarət alanlar var - FOTO

31-10-2016, 17:59 Zakir Həsənov: "Ermənistan qarşıdurma xəttində vəziyyəti gərginləşdirir"

8-11-2016, 12:05 Birdən zəng gəldi və... - Nərgiz