Alimdən SOS: yediklərimiz faciəyə səbəb ola bilər

Alimdən SOS: yediklərimiz faciəyə səbəb ola bilər
Tarix: 16-05-2016 | Saat: 14:34
Bölmə:Karusel / Dünya / M2 | çapa göndər

Şirift ölçüsü:

Bazarlarda satılan xiyarların əksəriyyəti sağlamlıq üçün təhlükəlidir.

"Xəbəraz.az " xəbər verir ki, bunu Milli Elmlər Akademiyası (AMEA) Coğrafiya İnstitutunun Ekocoğrafiya şöbəsinin müdiri, kənd təsərrüfatı elmləri namizədi Ənvər Əliyev Publika.az-a müsahibəsində deyib.

Onun sözlərinə görə, istifadə etdiyimiz meyvə-tərəvəzin bir çox növü xaricdən gətirilir:

“Uzun müddətdir klassik pomidor sortlarını itirmişik. Yalnız iyul və avqust aylarında klassik pomidor yemək lazımdır. Həmin pomidoru tanımaq çətin deyil. Həmin məhsulda pomidorun qoxusu və dadı hiss olunur. Bu gün satışda olan pomidorların əksəriyyəti elə sortlardır ki, onlar uzaq məsafələrə daşına bilir. Dünyanı narahat edən əsas problemlərdən biri geni dəyişdirilmiş bitkilərdir ki, onların torpaqdan nə aldığı və insana nə verəcəyi elmə məlum deyil. Bu, yəqin ki, nə vaxtsa nüvə reaksiyası kimi faciələrin mənbəyi də ola bilər. Pomidor bir çox ağır xəstəliklərin müalicəsində istifadə edilir. Onun tərkibindəki bir sıra vitaminlər, üzvü turşular insan orqanizmi üçün son dərəcə vacibdir. Bu aylarda bazarlarda satılan pomidorda həmin vitamin və turşular yoxdur. Bu gün bazarlarda satılan xiyarların da əksəriyyəti sağlamlıq üçün təhlükəlidir. Onun geni dəyişdirilməsə belə, qapalı sistemdə saxlandığına görə tərkibinə çoxlu kimyəvi maddələr vurulur. Ən təhlükəlisi də budur ki, həmin maddələr meyvə vaxtı vurulur. Kimyəvi maddələr bar vasitəsilə bədənimizə daxil olur. Gələcəkdə onun bədənimizə bir çox fəsadlara səbəb olması istisna edilmir.

Çiyələkdə də vəziyyət oxşardır. Klassik çiyələk bir gecə qalandan sonra xarab olurdu. İndi isə çiyələyi günlərlə saxlayırıq, hətta xarici ölkələrdən günlərlə yol gəlir, amma əzilmir. Bir sözlə, insanın min illər əvvəl babalarının yemədiyi bitkini yeməsi bir gün fəsad verəcək.

Tarixən bu torpaqlarda yetişən bitkilərin hər birinin yeyilmə vaxtı olub. İndi isə qış vaxtı tərkibini bilmədiyi bir pomidoru yeyən azərbaycanlının nə düşündüyünü anlaya bilmirəm. O pomidorun tərkibi bizə məlum deyil və o, heç bir effekt verə bilməz. Axı belə olan halda o pomidoru nə üçün yeməliyik? Ən dəhşətlisi isə, hamilə qadınlar və uşaqların bu qidaları qəbul etməsidir. Çünki onların bədəni çox həssas olur”.

İnsanların müasir dövrdə düzgün qidlanmadığını deyən Ənvər Əliyev ağartı məhsullarının da keyifiyyətli olmadığını qeyd edib:

“Azərbaycan dünya həkimlərinin bostanına çevrilib. Bunun səbəbi bizim düzgün qidalanmadan uzaqlaşmağımızdır. Dədə-babadan ağartı məhsulları gündəlik qidalar sırasında olub. Lakin bu gün insanlar bu qidalardan da uzaqlaşıblar. Ancaq hər ağartı məhsulu da keyfiyyətli deyil. Bu qidaların özünün də sağlam olmasına diqqət edilməlidir. Həmin heyvanlar elə yerdə qidalanmalıdır ki, ətinə, südünə zərərli maddələr keçməsin”.

Xəbəri paylaş

7508 dəfə oxunub.

Digər xəbərlər

3-03-2016, 18:12 İŞİD-dən dəhşətli edam: 12 yaşlı qız 5 nəfəri öldürdü

29-11-2021, 10:36 Zaurdan ETİRAF: "Çiçəyi ilk dəfə görəndə aşiq oldum" - VİDEO

25-08-2015, 01:29 Rus model İrina Şeyk və Hollivudun məşhur ulduzu Bredli Kuperin (FOTO)

6-01-2022, 21:29 "Silahı yerə qoymayanlar məhv ediləcək" - Qazaxıstan DİN

25-03-2015, 12:55 Azərbaycan tərəfinə könüllü keçən erməni hərbçisinin vəziyyəti ilə bağlı - RƏSMİ AÇIQLAMA

11-07-2017, 13:27 Sabahın havası

28-04-2015, 14:59 40 yaşlı aktrisa hazırda “Zoolander 2” filminə çəkilir.-FOTO

24-11-2016, 17:45 Qubada öldürülən Könülün məhkəməsi qapalı keçirildi: İntim münasibət...

27-10-2016, 13:13 `WhatsApp`da videozəng dövrü başlayır - Yenilik